KOLOSNA 2:9 - Boy Lonana

⁹ Hu li ma Lona gi Kristu ki a sana ni kay nam tamba ka hurum hu gaw may.

KOLOSNA 2:9 ပူးပေါင်းရင်းမြစ်များ

KOLOSNA 1:19

Lona min a ndak mamba halaŋ kak hu goromma.

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

Boy Ma Ayra Ma JAŊ Ɓiirimma 10:30

Bun may, an may, ami ni dew.»

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

Boy Ma Ayra Ma JAŊ Ɓiirimma 10:38

Lini an laɗu ni, agi ka mininɗi lay ni, vagi u sunda an laɗta a agi wi ki anaba an ka ni hu Buna, Bun ka ni hurun may.»

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

Boy Ma Ayra Ma JAŊ Ɓiirimma 14:20

Buu namma ndak wa ni, agi hin wi ana an ka hu Bunu, agi ka hurun may, an ka hurugi may.

Boy Ma Ayra Ma JAŊ Ɓiirimma 17:21

An ceneŋ kay ana asi taɓ dew, a asi taɓi u ay dew ko aŋ ka hurun may, an ka huruŋ mayra na. A asi taɓ dew a suuna wi ana aŋ sunun ay ni aŋu.

TITTA 2:13

Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

Boy Ma Ayra Ma LUK Ɓiirimma 3:22

Musuk Lonara sii ay kam ko gugukka na, della ɓak ay kolo huulona ana, «Aŋŋi goron ma an minim ɦayna. Aŋ irin jivi ɦay.»

MATIYE 1:23

«Goowayra hin vi wiina, ndaɗ hin vuɗ goona, tinim sem ana Emmanuel,» (ni ana Lona ka u aygiya).

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

2 KORINTNA 5:19

Lona min taɓ duk ɦoŋ suuna halaŋ u namu u Kristu, kay ndaɗta nam ka ndumusi dlaasira coraɗi. Nnam cukumi a di boy dla sunda taɓ duk ɦoŋga.

1 JAŊ 5:7

Suu dikina ni hindi.

Boy Ma Ayra Ma JAŊ Ɓiirimma 2:21

Zira Yesu ɓak kaɗta, ni kay tamba.

Boy Ma Ayra Ma JAŊ Ɓiirimma 1:16

Aygi halaŋ fi tlesuu col ay komma ni u ɦiz mamba oora ha ŋgoo dagan na gak gak olo.

SUNDA 17:29

Aygi ni goryomu, ni ka ndak di ana Lona tli tam ko lorra naɗi, ko doonora ɗowba, ɦinira naɗi lay. U va ma sa ŋgaam u saa mamba ɦawaɗi.

Boy Ma Ayra Ma LUK Ɓiirimma 14:22

Kak na njokŋi, sa vun sunda hoŋ ay di malamma ana, Va aŋ danna ha na, an lam ay wa, ni lina ka tuwa.