KOLOSNA 2:7 - Boy Lonana

⁷ Pagi sariyagi kaŋga hurumu, minigi iiri magira ni kam nam dew, kakagi eŋ hu vira u va haɗagi nana, mbuɗugi saɓak u gi deɓpa.

KOLOSNA 2:7 ပူးပေါင်းရင်းမြစ်များ

EFESNA 3:17

A Kristu mba kak hurugi u vira a sariyagi ŋgaa ki kaŋga eŋ coli hu minda.

JEREMI 17:8

Ni na lay kay ŋgusu ma pii fun mbona na, ma sii sariyam ha kaŋga duk mbonana. Nam ka wi faɗta egembi lay, humum warra na tew tew lay. Basara haw yona dew daŋŋi ka lam vaɗi. Nam ka seŋ duk bay vuɗtaɗi.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

2 TESALONIKŊA 2:17

Nam oyogi hurugi u soo huna, ɦagi saɓakŋa a li u dla mayra jivira, u sunda, u boyna lay.

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

EFESNA 5:20

Gagi deɓ Lona Buna hu lina halaŋ u sem Bu Suuna mayna Yesu Kristu.

ROMMA 16:25

Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi.

SOOLLA 92:13

Suu ɗegeena ɗuf ko manawra na, asi ni ko gu sedrena na.

SOOLLA 1:3

Sa namma ni ko gu ma pii doŋ lummana na, nam vuɗ vuɗummi hu liim tew tew. Humum ka yak kiɗi lay, dlara nam a laɗta halaŋŋi nam faɗu.

Magaara JUD Ɓiiriɗta 1:24

Nam sa ma ka gologi hu dlara fagira halaŋŋa, agi hin mba lak fokom bay cora hu ŋgol mamba u furira din din.

1 KORINTNA 15:58

Kay ndaɗta gorsenna lakagi eŋe geŋeɗɗi. Lagi tagi feɗ a li sunda vi Bu Suuna, kay mege agi wi ana sunda agi laɗ taɓi u Bu Suunara ka ki ɦawaɗi.

HEBRENA 13:15

Geleɗeygi Lona tew tew ni ko ɓivunna u Yesu Kristu na, ni di ana geleɗem u vunuy tew tew.

KOLOSNA 3:17

Hu tlesuu agi lasina, dasina lay halaŋ lasi u sem Bu Suuna Yesu, gagi deɓ Lona Buna.

1 TESALONIKŊA 5:18

Gagi deɓ Lona hu dlara fagira halaŋ. Ni dlara Lona min ana agi laɗ hu iiri magira u Yesu Kristura.

Boy Ma Ayra Ma LUK Ɓiirimma 6:48

Sa namma tli tammi ko sa a min zira, vek zulla, nja gogoyra kaŋga huwa, tin u zira kaɗta na. Babaana paɗa, mbona tli uɗ lay, ndaɗ ka bowɗi, kay ndaɗ mini jiviya.

EFESNA 4:21

A gasira ni agi humun boy manna agi ni suu vi Kristuna, haɗagi gasi mayra hu Yesura ki wa.

Magaara JUD Ɓiiriɗta 1:20

Agi banayanna tuɗugi fok u viigi ta teteɗta, cenegi u saɓakŋa vi Musuk Lonara.

2 KORINTNA 1:21

Namma taɓaygi u agi lay iiri hu Kristu tiniygi kay taygi zeɗ zeɗ ni namu.

Magaara JUD Ɓiiriɗta 1:12

Asi mba dukugi a ti ti ma wayara u agi ni ganagi yagi ni ganiya. Asi luu luu masina bay zolona, saa ni kay tasira doy hol, asi ni ko ɗugulla semeɗna valawaɗ ki bay si yonara na. Asi ni ko guguni suu ka vuɗɗina na, lini hu tilisi ma vuɗta lay ni asi ki ni ɦawaa, ko guguni suu paɗ ki kolo u sariyasi bel bel ki miɗina na.

1 KORINTNA 1:8

Nammi sa ma hin vagi kom gak gak, a sa ba ki hu co taaɗi, tew ki fun buuna vi Bu Suuna mayna Yesu Kristu.

HEBRENA 13:9

Viɗigi tagi ki u gaɗta daŋga vi suuna zeɗ zeɗtaɗi. A jivira ni sooygi huruygi u oora vi Lona, ka u gaɗta kay tlesuu tiraɗi, suu njun tasi u gaɗ ndaɗtana ka fi va huɗi.