KOLOSNA 2:4 - Boy Lonana

⁴ An di na ni kay sa ma ganagi yagi u boy ma li iira ɦawaɗi.

KOLOSNA 2:4 ပူးပေါင်းရင်းမြစ်များ

1 JAŊ 4:1

Banayanna tinigi hurugi kay suu di kay tasi ana Musuk Lonara hurusiyana halaŋgi, agi tukusi a hal ki ana musukka hurusira col ay ni vi Lona ko su? Kayme suu jok vun Lona suu cona zul ki kaŋga hu duliyara waɗi.

EFESNA 4:14

Ni aygi ka hin li ko kemba na oloɗi, a semeɗna zuɗuy tana tani naɗi, a hum u haɗta vi suu daŋŋa zul kay ndaŋgara a ganyam suunaɗi, a cuk suuna hu dla cora asi laɗtaɗi.

MATIYE 24:4

Yesu hoŋosi dira ana, «Li tagi jiviya. Hin sa a ganagi yagiɗi.

2 JAŊ 1:7

Suu kaboyna zul ki hu duliyara cocoo asi ka vi ana Yesu Kristu mbuɗ ki gasi sana naɗi, sa di nana ni sa kaboyna, ni Babali ma vi Kristuna.

MARK 13:22

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

WIRA ŊGAYRA 20:8

Nam hin tuɗ ganyam suuna ki hu ndaŋgara halaŋ, ni di ana hu Gog u Magog. Nam hin tokosi a li duuna, suuna hin zul su ŋgetl ma doŋ lummana.

2 TIMOTE 3:13

Suu hurusi cona u suu ganyam suuna asi tuɗ fok u cora, ganyam tasira hu may.

2 TIMOTE 2:16

Hin ciwayra ɦawara ka u Boy Lonana ɗira kiyo. Kay suu min boy namma hin Boy Lonana ki ni hini na ɗow ɗow.

EFESNA 5:6

Hin sa a ganagi yagi u boy ma ɦay ɦaynaɗi, yara vi Lonara hin mba kay suu ka hum umbina ni kay cora ko ndaɗta nara.

SUNDA 20:30

Dukugi tagira lay ni suu ɦiw hin yow kolo a ka boyna, hin viɗ yam suu vina ki usiya.

WIRA ŊGAYRA 20:3

Sa sunda huulona gam hu zulla ŋgolla dukum vun zulla kamu u kelera nereɗem vunum u tampoŋŋa kay dragoŋ mba viɗ suuna ki oloɗi gak gak tew basara buppa ki tuwa. Ŋgoo dagan basara buppa dragoŋ buɗ ki kay lina ew.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

WIRA ŊGAYRA 12:9

Dragoŋ ma ŋgolna dikim ay ki kaŋgaa, nammi guy ma basina yam ana Satanna, ma ganyam suuna hu ndaŋgara halaŋŋa, dikim ay ki kaŋga kay ndaŋgara u suu mam suu sunda umu.

1 JAŊ 2:26

An ɓiirigi dla ndaɗta ha ni kay suu hal a ganagi yagina.

1 JAŊ 2:18

Gorkem manda, daɓpa vi duliyara hin tok, agi hum ki ana Babali ma vi Kristuna hin mba ki fok jewe, cecemmi babali suu vi Kristuna zul ki cocoo tak ki ni ana duliyara hin tok a daɓa.

KOLOSNA 2:18

Hinigi tagi a sa daŋŋa kaagi ɓakŋa kagi na gor gorɗi, suu furi kay dlara asi laɗ u tasira kiɗikka, hoŋ yasi kaŋga fok suu sunda huulona, ɦal ŋgolla maŋ tlesuu tak tasi irsina. Sa ma ko namma nana hurum oyra ni ŋga tara u dlaamba kaɗi, lini u saa mamba hurumba ɦawaa.

KOLOSNA 2:8

Gologi tagi jiviya kay sa mba vagi ki um u ganyamba boy ma coli kay nera vi suuna col kay haɗta vi duliyara, u haɗta vi suuna ɦawa, ni ka kay Kristuɗi.

GALATENA 2:4

Gorseygi suu bay gasina cuk tasi dukumi min a cawam ɗiwimu, suu asina taa tasi ay umi ko suu cegeɗta na, kay gol buɗ mayra aygi buɗ ki u Yesu Kristura asi min a mbuɗuygi ki mborɓiina.

2 KORINTNA 11:3

An li ndaana kay yal magina ɓeŋ kiɗi, a agi noyogi taɓ magira gasira teteɗta u Kristu kiɗi ni ko Eve na, hin taɗ guyna ganaɗ yaɗ u kaboyna.

1 KORINTNA 2:4

Haɗta an haɗagi u boy ma an damma halaŋŋi ka u yalna vi sa warnaɗi, ni kay tak dlara vi sanara u saɓakŋa vi Musuk Lonara.

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

EFESNA 4:17

Gola ni va ma an col a dam u sem Bu Suuna poyogi ko suu bay vina tuɗ u saa masira cora na oloɗi.