KOLOSNA 2:2 - Boy Lonana

² An duu kay ana hurusi mba fi ɦiŋga kay asi mba li taɓi dew hu minda gasira, kay asi mba ndak ki hu gasira vi yalna, kay wi dlara ŋgayra vi Lona ni di ana Kristu tamba.

KOLOSNA 2:2 ပူးပေါင်းရင်းမြစ်များ

1 MULINA 3:28

Suu Israelna halaŋ suu hum dla ɓak ma mulna kaam namma asi li ndaa mulna cocoo kay asi wi ki ana yal ma ka hurum wanna ni ma vi Lonna. Nam ka ɓakŋa ni u ɗegeera.

SOOLLA 133:1

Soolla suu tuɗ luu ma vi Lonna gaɗta, vi David. Ha! Ha! Jivi coco kay a gorseŋ tasina taɓ kel tasira.

EZAYI 32:17

Vuɗ dlara ɗegee ndaɗta tak ki ni u heɓpa. Dlara dadam ka li hu li namma oloɗi kay ɗegeera mbaa heɓpa wa, dlara ndaa ka oloɗi, ni a fafaɗta.

EZAYI 40:1

Ɗiligi irigiya, ɗil irigiya, suu mansina, Loogina di na.

EZAYI 53:11

Iiri mamba las cocoo, kay ndaɗta nam hin furi su olo, nam hin wi ki ana nam las kini ɦawaa. Nammi saan ma sun ma gasina, nam yow dla cora vi suu daŋŋa ki bolowo, kay ndaɗta nam ka ziirisi dlaasira.

JEREMI 9:24

Buuna ka mbaa, Yawe ɓak na, ma an hin kaɓakŋa kay suu caw ɗiwisi ki may, ɦal tasi ni hu tliwisi ɦawana,

MATIYE 11:25

Fali ndaɗta Yesu di ana, «Bunu, mul ma kolo huulona, kaŋga kay ndaŋgara lay na, an gaŋ deɓpa kay aŋ ŋgay tlegeyeŋ ki ii suu wira u suu neeyna, hin takasi ki ii suu kaɗakina.

MATIYE 11:27

«Tlena halaŋ Bun ɦansina ni konu. Sa ka wi Lonɗi, wammi Bum doy hol. Sa wi Lona kaɗi, wammi Goromma u suu nam hin takasina ki na.

MATIYE 13:11

Nam hoŋ dasi ana, «Agi ni suu Lona gagi u boy mamma ŋgay kay Mulla huulonara ki na, gam ka ki maŋ suu hiŋŋa koɗi.

Boy Ma Ayra Ma LUK Ɓiirimma 1:1

Bananna Tewfil, suuna bolow ɓii tlesuu li ay jew dukuygina.

Boy Ma Ayra Ma JAŊ Ɓiirimma 10:30

Bun may, an may, ami ni dew.»

Boy Ma Ayra Ma JAŊ Ɓiirimma 10:38

Lini an laɗu ni, agi ka mininɗi lay ni, vagi u sunda an laɗta a agi wi ki anaba an ka ni hu Buna, Bun ka ni hurun may.»

Boy Ma Ayra Ma JAŊ Ɓiirimma 16:15

Tlen vi Bun halaŋŋi varan an may, kay ndaɗta an dagi ana tlesuu col ay konna ndaɗ hin fasiya, hin dagisina.»

Boy Ma Ayra Ma JAŊ Ɓiirimma 17:3

Iirira ka daɓ kiɗira ni ana asi waŋ ana, aŋŋi Lo ma gasina dew, wi Yesu Kristu ma aŋ sunum ayna may.

Boy Ma Ayra Ma JAŊ Ɓiirimma 5:17

Yesu hoŋosi dira ana, «Bun li sunda tew tew, an li sunda may.»

Boy Ma Ayra Ma JAŊ Ɓiirimma 5:23

a suuna halaŋ ŋga Goona ko asi ŋga Bunara na may. Sa ma ka ŋga Goonaɗina, ŋgaɗi ni Bum ma sunum ay na may.

Boy Ma Ayra Ma JAŊ Ɓiirimma 6:69

Cecemmi ami tin hurumi wi ki ana aŋŋi sa teteɗ ma col ay vi Lonna.»

SUNDA 4:32

Suu vina tok tasi halaŋ, hurusi taɓi dew, saa masira dew, sa ma dukusi ma di ana vaamma ni kay tamu kaɗi, tlegeyesi halaŋ taɓi dew.

ROMMA 15:13

Lona ma mba juɓpa hoɓogi u furira u heɓpa halaŋ, hu vira agi vi umba a Musuk Lonara u saɓak mamma hoɓogi u juɓpa heɓpa.

ROMMA 16:25

Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi.

ROMMA 2:4

Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

1 KORINTNA 14:31

Agi ndak a di boy ma jok vun Lona kina halaŋ, ni varak tagi varakiya, suuna halaŋ fi haɗta, fi saɓakŋa lay.

1 KORINTNA 2:12

Aygi faygi ka ŋgussa kay ndaŋgara tanɗi, aygi faygi ni Musuk Lonara, kay a aygi waygi u tlesuu Lona ɦaygisina halaŋ.

GALATENA 3:28

Suu Juifna ka ɓorowi zeɗ zeɗ u njaf suu daŋŋaɗi, mborɓiina ka zeɗ zeɗ u suu vuɗinaɗi, suu njufina ka zeɗ zeɗ u boyoginaɗi lay. Agi halaŋŋi hu taɓpa u Yesu Kristura dew.

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.

EFESNA 3:16

An joɓ Lona u ɦizza vi ŋgol mamba a nam mba ɦagi saɓakŋa u eŋga u Musuk mamba hurugiya.

EFESNA 3:3

Lona takan u dlaamba ŋgayra irin a an wam u ŋgol mamba kiyo, an ɓiirigi magaara ha nde ni kay boy namma.

EFESNA 6:22

An sunugina ha ni kay nam dagi u dlara aygi hin laɗta, kay ɦagi saɓakŋa hurugi lay.

FILIPINA 2:1

Viigira hu Kristu mbuɗugi saɓak su su? Min mamba ɦagi eŋga wan su? Hurugi taɓi u Musuk Lonara su? Na ni agi hurugi taɓi duk tagiya, li dlara jivira duk tagi su?

FILIPINA 3:8

Cecemi an gol tle asina halaŋ ko tlesuu ba kina na, kay wira wi Yesu Kristu Bu Suuna manna, ndaɗta ni mayra ŋgolla, kam nammi an vi dla mayra ba tle asina kira kanu, an gol tle asina halaŋŋ ko tlesuu tokosi kina ɦawa na kay an a fi Kristu.

KOLOSNA 1:26

Ni a di ana dlaamba ay ki ŋgay day day, sa warna ka waɗɗira, ni nam takaɗ ki cecemi maŋ suu mamsina.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

KOLOSNA 1:9

Ni kay ndaɗta ami ka hin cenda cen kagira kiɗi, ay hu buu ma ami hum kagina day, ami joɓ Lona kay nam mba hoɓogi u wira vi min mamba, kay Musuk mamba mba ɦagi nera u yal mamma.

KOLOSNA 2:19

Ni sa namma ka taɓi ko tam u Kristu ma yambaɗi, u jivira vi Kristu ni mbalatara halaŋ fi tina taɓi ko tasi dew. Ni taɓpa u wul ma ko namma nana Lona minimmi namma.

KOLOSNA 3:14

A su saɓak bella ni minda, ni dlara a taɓagi dukugi a mbuɗugi ɗegeera ni ndaɗ dew.

KOLOSNA 4:3

Cenegi kamiya, kay Lona mba ɦami voɗta jivira a di boy mamma ŋgayna vi Kristu, an ka cecemi daŋgayna ni kay boy mamma ŋgay namma.

KOLOSNA 4:8

An gam ha egegi kay nam tuɗ dagi dlaamira, nam hin tuɗ ha a ɦagi saɓakŋa hurugiya.

1 TESALONIKŊA 1:5

Kay Boy mami ma Ayra tewegi ka ni u boyna ɦawaɗi, ni u saɓakŋa u Musuk Lonara u gasira ŋgolla. Agi wi lay ami ay dukugi vi tami ni kay boy magina.

1 TESALONIKŊA 3:2

Ami sunumi wayamina Timote ma li sunda vi Lona u amina, kay a di Boy ma Ayra ki kay Kristu. Ami sunugina ha ni kay a nam gaɗagi, soogi hurugi kay viigira.

1 TESALONIKŊA 5:14

Gorsenna ami gaɗagiya, neegi suu poy poyra cora, ɗiligi ii suu ka yoo tasina, njunugi u suu maŋina, lakagi ɗili u suuna halaŋ.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

HEBRENA 10:22

Ҥuɗuygi taygi ay eg Lona tok, u huu ma jivina, u huu ma tini gasina, u huu ma ki mbusi pasiyak ko saa mayra cora, mbalatay ki mbusi u yo ma ɗilina.

HEBRENA 6:11

Ami min ana gegelay dukugi mba tak tamba feɗta na gak gak hu daɓpa lay, va ma agi ka saa kamma mba li u voɗom ɗegee gasi.

2 PIYER 1:10

Kay ndaɗta gorsenna soogi tagi eŋ a taɓ u yi mayra Lona yagira u manda nam managira, lini agi li ko ndaɗta na ni agi hin ka a cuk kaŋga hu coraɗi.

2 PIYER 1:3

Saɓak ma kolona vi Bu Suuna ɦaygi tlesuu ŋgomoygi hu iiri maygira halaŋ egem nam Lona, kay nam takaygi sa ma yaygi aygi mba taɓ u nam hu ŋgol mamba u jivi mambana.

2 PIYER 3:18

Wulugi koloo, tuɗ fok u oora u wira vi Bu Suuna mayna, Sa Suɗta Yesu Kristu. Cecemi ŋgolla ni mamba lay ha fok din din. Amin.

1 JAŊ 3:19

Gola ni dlara ay wi taygi ana aygi ni goryoŋ gasirana, gola ni dlara aygi wi ana huruygi tini fok Lona kaɗta.

1 JAŊ 5:7

Suu dikina ni hindi.