KOLOSNA 1:9 - Boy Lonana

⁹ Ni kay ndaɗta ami ka hin cenda cen kagira kiɗi, ay hu buu ma ami hum kagina day, ami joɓ Lona kay nam mba hoɓogi u wira vi min mamba, kay Musuk mamba mba ɦagi nera u yal mamma.

KOLOSNA 1:9 ပူးပေါင်းရင်းမြစ်များ

Magaara JAK Ɓiiriɗta 3:17

Ne mayra col ay kolo dayra va co ka egeɗɗi. Ndaɗ mba heɓpa, jivira, oora u jivira huruɗta, hin tak sunda jivira may. Ɓorow iira u mbambara kaɗi.

Magaara JAK Ɓiiriɗta 1:5

Lini sa maa dukugi neemba kaɗi ni nam joɓ Lona kaɗu, nam hin ɦamba. Lona ɦal tlena maŋ suuna halaŋŋi u min mamba jivira.

KOLOSNA 4:5

Poyogi u nera duk suu bay vina, lagi jivira hu li ma agi kana.

HEBRENA 13:21

Ko Lona ma heɓpa ɦagi saɓakŋa a li u tlesuu jivina halaŋ kay agi lam min mamba, ta nam laygira huruygi u Yesu Kristu ni dlara irim jivira. Ŋgolla maŋ Yesu Kristu a fafatɗa. Amin.

1 PIYER 2:15

Lona minni ana agi seŋ vun suu ka wiɗina u suu giniŋŋa u lalamba, u dlara jivira agi laɗta.

1 SAMUEL 12:23

Kan an may ni li sulukŋa eg Yawe, ni dla cora ŋgolla kay hinda an hin ka a cen kagiɗira. An hin takagi voɗta jivira u voɗta ɗegeera.

2 TESALONIKŊA 1:11

Ni kay ndaɗta ami cen Lona kagi tew tew a Looyna mba mbuɗugi ndaki kay iirira nam yagi kaɗta. Ami cen Lona kay nam li u saɓak mamma kay dlara nam ŋgaaɗta halaŋ, u jivi mamba u sun magira agi laɗ u vira.

1 TESALONIKŊA 5:17

Cenegi tew tew.

SOOLLA 143:10

Haɗan a an li u min maŋga kay aŋŋi Loonna. Musuk maŋga ndaɗ jiviya, ndaɗ tinin irin hu voɗta jivira.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

KOLOSNA 3:16

Ko boyna vi Kristu u ɦiz mamba halaŋ kak hurugiya haɗagi tagiya gaɗagi tagi duk tagiya tagiya u ne mayra jivira. Gagi soolla gi deɓpa maŋ Lona u hurugi halaŋ, gagi soolla gi deɓpa ɗegeera, u soolla furira ta Musukka haɗagirara.

HEBRENA 10:36

Agi min a lini lalamba, kay a li va ma Lona minimma, hin fi va ma nam vi vunum kamma may.

FILIPINA 1:4

Tew tew hu li ma an cen kagina ni an cenni u furira.

FILEMONDA 1:4

Filemon tew tew hu li ma an cenna ni an ka saa kaŋu, an gi deɓ Loonna.

EFESNA 6:6

Lagi jivira ni fokosi hu li ma asi ka gologina ɦawaɗi, a furiyusi hurusira ni agi lini u minda vi Lona u hurugi halaŋ ko agi ni mborɓii suu vi Kristuna na.

ROMMA 12:2

Tlumugi tagi u dlara vi suu hu duliyaraɗi, hinigi Lona pereɗegi u mbuɗta gasira zeɗ u yal magina halaŋ, li wa na ni agi hin wi tlesuu Lona min a ay lasina, tlesuu jivina, tlesuu teteɗna, tlesuu pasiyakŋa.

1 TESALONIKŊA 1:3

Humumi gami fok Lona tew tew kay sun magira jivira hu vira, kay sunda hu min magira, u hurugi ma tini coco u juɓpa kay Bu Suuna maygina Yesu Kristu.

1 JAŊ 2:17

Duliyara daɓ ki ni daɓiya, tlesuu hu duliyara suu suuna halasina hin daɓ ki ni daɓi lay, na may ni sa li dlara Lona miniɗta hin kak iirira a fafatɗa.

1 PIYER 4:2

Agi may ni daɓagi iiri magira kay ndaŋgara cecemira a li u minda vi Lona, ka u minda vi mbalataraɗi.

KOLOSNA 4:12

Epafras ni wayagina lay gagi deɓpa nammi sa sunda vi Yesu Kristu ma cen Lona kagi tew tewna, kay agi mba kak saɓak hu ŋgussa ko suu ŋgolona na, kay min tagi a li sunda jivira ɗegee ta Lona miniɗta.

KOLOSNA 1:6

Boy ma Ayra njay kiyo, mbaa paɗvunna ki hu duliyara halaŋ, ko nam li ay dukugi jew day hu buu ma agi hum kay oora vi Lona, wagi gasi ndaɗta lay.

EFESNA 5:17

Ni kay ndaɗta lagi tagi laɓaɗi, soogi tagi kay a hum va ma Bu Suuna min a agi lamma.

EFESNA 5:10

Soogi tagi kay a ɓorow duk ɦoŋ tlesuu jivi ii Bu Suunana.

EFESNA 1:8

Nam ɦaygi oo mamba ŋgolo u nera halaŋ u yalna halaŋ.

Boy Ma Ayra Ma JAŊ Ɓiirimma 7:17

Sa min a li minda vi Lona hin wi ana haɗ manda col ay ni vi Lona, ɗowba an ɓakŋi u saɓak manna kay tanu.

SOOLLA 119:99

An mbuɗ yal su suu haɗanna, kay an ka saa kay gaɗ maŋga.

1 KORINTNA 1:5

Kay taɓpa u Yesu Kristu agi fagi tlena halaŋ, agi fagi ɦala vi boyna u wira halaŋ.

SUNDA 12:5

Piyer ay hu daŋgayna wanni suu vi Kristuna tok tasi cen Lona u hurusi toki dew.

FILEMONDA 1:6

An cen Lona kaŋu kay taɓpa njunuŋ egemira, hu tin huu ma tak wira jivira halaŋ ta ay faygi iirira hu Yesu Kristura jivi suwa.