Lini agi ka humbi, lini agi ka vagi tagi a ŋgaanɗi ni, an hin cukugi dla cora kagiya, gagi vunna, Yawe ma Saɓakŋa Kom Belna di na. Gasi an gagi vunna kay ana dukugi ni sa hurum jivi ka na dewɗi.
Gologi dla cora vi suunara, agi hin mbuɗ ki ndaana kay ana cecem wan daŋga sana hin li sunda, agi hin ka tin saaragi kay boy namma hu li ma asi hi njaɗagi nana.
Sa namma dan ana, Goŋ sanna, gol ki u ii taŋga, hum ki u hum taŋga may. Tin saaraŋ kay tlesuu an min a takaŋsina wanna, mbaaraŋ ay ki tani ni kay a takaŋ tle asinara. Aŋ hin tuɗ di suu Israelna ki kay tlesuu aŋ wasi asina halaŋ halaŋ.
Asi mbuɗ ka ndaaɗi, asi haa barawi masisina ka kiɗi, mulna u tamba lay, suu mam suu ŋgolo suu sunda sa na dew lay ni li ndaa kaɗi hu li ma asi hum boy namma ki na halaŋ halaŋŋa.
Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.
Cemi Yawe koŋ ka tli koloo asi ka wambi lay. Na may asi wi huruŋ ma haɗ kay suu maŋsinana asi mbuɗ ki zolona. Kura aŋ miniɗ kay suu babali maŋsinara ŋgalasi ki wa.
Hu li ma ndaɗ ay kay maɗna na ni, ndarayaɗ suu ay egeɗna daɗ ana, «Ndak wi ki kak jiviya, ndak vuɗ ni go njufna.» Ndaɗ hoŋ di kaɗi, saa ka kay boy nammaɗi.
Aŋ ɓak taŋ ana, «An hin a ti mulla kasi ni a fafaɗta,» dlara li coco wanda aŋ saa ka huruŋ kaɗ na ndeɗi lay, saa ka ana boy li hin mbuɗ dagan kalageraɗi lay.
