KALKIRA 7:11 - Boy Lonana

¹¹ May Faraw yi suu mam suu wi yalna u suu tin garira u suu li kumuna ay may, Asi li dlara mbuɗta ko ndaɗta na may.

KALKIRA 7:11 ပူးပေါင်းရင်းမြစ်များ

KALKIRA 7:22

Na may suu li kumuna suu Egiptena li ko ndaɗta na may. Faraw so hurum gak ka min a hum vun gi Moiz u Aaronɗi. Ni ko ndal Yawe dira na.

2 TIMOTE 3:8

Ni ko Jannes u Jambre min boyna vi Moizɗira na, asi suu asina ka min gasiraɗi ni na may, ni suu u saara cora hurusina, vira u Lonara irisi ni va sanda ɦawaa.

KALKIRA 8:18

Hu buu namma an ɓorow ii dlara ki u ɦoŋzi ma Gosenna, li ma suu mansina ka cuki huna, asina loloo namma ka li varasiɗi, kay a aŋ wi ki ana anni Yawe, an ka duk suuna hu mbassa.

KALKIRA 8:7

luuna hin ɦuɗ ki hu ziiŋu, ki vi suu sun maŋsina ki vi suu maŋsina lay, nam hin hinni hu lumma hol.»

2 TESALONIKŊA 2:9

Sa ma Co ma hin mba na u saɓakŋa vi Satanna, hin li dlara mbuɗ mbuɗta zet zet, li takka, ura ndandalla kaboyna.

DANYEL 2:2

Mulna ɦal voɗta ana yam ay suu wi dlara, suu suu suuna, suu li kumuna u suu Kaldeenna may, a asi mbay dam u doy mamba kiyo. Asi hin mba fok mulna.

URA TIN AYRA 41:8

Maɗiira fo ki foni Faraw tam mbuɗ ki ndaa cocoo. Nam gi sunda yi suu li dlara mbuɗ mbuɗta u suu wi yal dlara hu Egipte ay egem halaŋ. Nam cuɗusi vun doy ndaɗta. Sa ma ndak a gamba uɗ ki kaɗi.

EFESNA 4:14

Ni aygi ka hin li ko kemba na oloɗi, a semeɗna zuɗuy tana tani naɗi, a hum u haɗta vi suu daŋŋa zul kay ndaŋgara a ganyam suunaɗi, a cuk suuna hu dla cora asi laɗtaɗi.

DANYEL 5:7

Mulna yi kolo u delem eŋga a yi suu kaɓakŋa ay duku, suu Kaldeenna u suu wi dlara. Mulna ɓak boyna, di suu wi dlara hu Babilonna ana, «Sa ma ndum ɓii ndaɗta ki may, buɗuɗ uɗ ki may na hin fi baraw ma gusum loɓma, hin cukum ɦeɗew doonora delem may, nam hin li ni sa ma ŋgol ma fok suu sunda vi mulnana.»

GALATENA 3:1

Agi suu Galatina suu giniŋŋa, sa mbuɗugi irigi kina ni gege? Agi wi ki u irigi gasi ana Yesu Kristu miɗ hu gu garakŋa.

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

DANYEL 5:11

Sana ka duk suu aŋ ti mulla kasina dew, sa namma ŋgussa vi loogi suu teteɗna ka kamu. Ay hu buu ma buŋ ka tuna, fi u dlara tew tew ay ni funumu, wira lay, yalna ko ndal yal ma vi looginana na, buŋ mulna Nabukodonosor tinim a mulna fok suu wi dlara, suu kaɓakŋa, suu Kaldeenna u suu di u dlara kina. Buŋ mulna li ni na,

DANYEL 2:27

Danyel ɓak fok mulna hin di ana, «Dlara mbuɗ mbuɗta mulna joɓoɗ uɗ wanda, suu yalna lay, suu kaɓakŋa lay, muli suu li ɓivunna lay, suu wi dlara fokka lay ndak ka a buɗuɗ uɗ ki maŋ mulnaɗi.

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.

2 TIMOTE 3:9

Asi hin ka tuɗ dayɗi kay suuna halaŋ hin wi giniŋ masira, ni ko Jannes u Jambre li ayra na may.

KALKIRA 7:12

Gegelay gi tokolo mamba ga na ni ndaɗ mbuɗ ki dragoŋŋa gaw may. Na may tokolora vi Aaronda likisi masira ki halaŋ.

1 SAMUEL 6:2

Suu Filistinna yi suu li ɓivunna u suu tin garira dasi ana, «Aygi ndak a li me eg Zanduk Yawera ni ge? Takami yal ma ami hin lam a hoŋoɗ hu li ma ndaɗ ay huna.»

DANYEL 4:6

«Beltasar, mul ma vi suu wi dlarana aŋ ma an wi ana saara vi loogi suu teteɗna ka kaŋu, dlara mbuɗ mbuɗ ka a su kaŋgi layna, dan u doyra danda ay kiyo, buɗunda uɗ ay ki lay.

KALKIRA 8:3

Na may suu li kumuna hu Egiptena li ko ndaɗta na may asi cuk luuna hu mbassa Egiptera may.