KALKIRA 6:4 - Boy Lonana

⁴ An vi galamba u asi ni a ɦasi mbassa Kanaanda, mbassa asi poy hura ta asi huruɗ ko koygina nara.

KALKIRA 6:4 ပူးပေါင်းရင်းမြစ်များ

URA TIN AYRA 28:4

Ko Lona ɦaŋ paɗvun ma vi Abrahamma maŋ aŋ u njafaŋ halaŋ, kay a ndaŋgara aŋ cuki kaɗ ko koyna nara mbuɗ ki maŋga. Ko nam ɦaɗ ay maŋ Abrahamba na may.»

URA TIN AYRA 15:18

Hu buu namma ni Yawe vi galamba u Abram di ana, «An ɦal mbas ndaɗta maŋ gor ŋgologi maŋsina, col ha fun lum ma Egiptena ta ta fun lum ma ŋgolna Efratna,

URA TIN AYRA 26:3

Kak hu mbas ndaɗta tani. An hin li u aŋu, an hin paɗ vunun ki kaŋu. An hin ɦaŋ mbas ndaɗta halaŋŋi maŋ u njafaŋu, an hin li u suura an suu tan u buŋ Abrahamba.

SUNDA 7:5

Hu li namma ni Lona ɦam va ka tuɗi, li maa na ew lay ni ɦam kaɗi. Lona vi vunum u nam ana nam hin ɦam ndaŋgara maŋ goryomu, asi hin kak ka kaɗ ŋgorom dagan lay, hu li namma ni Abraham bay vuɗ goo tu lay.

EZAYI 55:3

Tinigi humugi huma, mbaagi ay egenu, humugiya ni agi hin lak iiriya. An hin vi u agi ni galamba din dinda. Na daŋ may an saa tew tew kay jivira vi Davidta.

SOOLLA 105:12

Hu li namma ni suu Israelna ka zuli ŋgolɗi, asi cuki hu li ma namma ni a ŋgayagina.

2 SAMUEL 23:5

Ni ka dlara hu ziin eg Lonaraɗi su? Kay ana nam vi galamba dindinda u anu. Ii tlena ki gii hu halaŋ. Goli jivi layɗi su? Furi manda, ni dlara minda ka ndak a dayasi ki koloɗi su?

URA TIN AYRA 28:13

Yawe coli kolo kay jaŋalana di ana, «Anni Yawe, Lona vi buŋ ŋgolo, Abraham, Lona vi buŋ Isaak, ndaŋgara aŋ buuri kaɗ wanda an hin ɦaŋga ni maŋ u njafaŋu.

URA TIN AYRA 23:4

«Anni ŋgayna cuki ni dukugiya, ɦangi li maa nde, an a pi maɗ manna huwa.»

URA TIN AYRA 17:13

Lini nanagelay sa ma vuɗ varaŋŋa ma gusum ay gusina lay caw ɗiwisi kiyo. Galam man ndaɗta hin li eg tliwigi ni a Galamba dindinda.

URA TIN AYRA 17:4

«Gola ni Galamba an vaɗ u aŋga. Aŋ hin mbuɗ a bu dee suuna bolowo.

URA TIN AYRA 15:13

Yawe di Abram ana, «Njafaŋ hin tuɗ ki ŋgayra hu mbassa daŋga, mbas ndaɗta ka ni masiraɗi, asi hin li mbaɓura fi lassa ta ta basara kis kis fiɗi.

URA TIN AYRA 6:18

Na may an min vi galamba u aŋu a suɗuŋ kiyo, aŋ hin kal hu lumba u caaŋga, goryoŋu u boyogosiya.

URA TIN AYRA 12:7

Yawe tak tam ii Abram dam ana, «An hin ɦaŋ mbas ndaɗta ni maŋ njafaŋu.» Abram min givin ma togolla maŋ Yawe hu li ma nam tak tam irim huna.

URA TIN AYRA 26:4

An hin zuluŋ njafaŋ ko ciciwra kolo huulonara na. An hin hal mbas ndaɗta halaŋŋi maŋ njafaŋu. Suu kay ndaŋgarana halaŋ hin fi paɗvunna ni u njafaŋu.»

NDUMBA 10:29

Moiz di tanamma Hobab, ma goŋ Rewelna, ma kunum ma Madiyanna ana «Ami tuɗ hu mbassa Yawe vi vunum kaɗ a ɦamirara, aŋ tuɗ ay umiya, ami min ɦaŋ jivi mayra Yawe vi vunum kaɗ a ɦaɗ maŋ suu Israelnara.»

KALKIRA 6:8

«An hin tuɗugi ki hu mbassa an suu tan ɦaɗ maŋ Abraham, maŋ Isaak, maŋ Yakobpa. An hin ɦagira ni magiya, ni An Yawe».

KALKIRA 13:4

Agi cuk ki cemi ni hu til ma yam ana Abibma.

KALKIRA 13:5

«Hu li ma Yawe cukugi hu mbassa Kanaanda, vi suu Hetna, vi Amoreenda, vi Hivda u suu Jebusenna, ta nam vi vunum a ɦaɗ maŋ somoyogira, a ɦagi ni mbas mayra law mbiira u mbul yumma, ni agi tuɗ li ɓivun namma na gak gak.

SOOLLA 105:11

hu li ma nam di ana, «An ɦaŋ ndaŋgara Kanaanda, ndaɗ hin ki ni a mbas maŋga»