KALKIRA 6:1 - Boy Lonana

¹ Yawe di Moiz ana, «Cemi aŋ hin wi dlara an hin a laɗ eg Farawda. Nam hin hinisi tuɗ ki ni u doolera, nam hin dikisi ay ki hu mbas mamba ni u saɓakŋa.»

KALKIRA 6:1 ပူးပေါင်းရင်းမြစ်များ

KALKIRA 12:33

Suu Egiptena dik u suu Israelna ana asi tuɗ zak zak hinisi mbas masira. Asi di ana, «Ami hin miɗ kini halaŋ.»

SOOLLA 136:12

Kom saɓak cocoo, bikim fiyek lay kay ɗegee mamba ka ni na gak gak.

KALKIRA 12:39

Asi zal fuɗta asi zuɓuluɗ ha kasi hu Egiptera kiyo, ndaɗ li jiviya ndi ka kiɗi kay kuf ka dukgi. Dikisi ay ki Egipte ni asi min tasi kaɗi, kay ndaɗta va ma ti ay ka kasiɗi.

KALKIRA 12:31

Faraw yi gi Moiz u Aaron ay duk njeŋgera dasi ana, «Yowogiya cukugi ha ki duk suu mansina, agi u suu Israelna halaŋ, tuɗugi sunugi Yawe ko agi dira na.

GA 8ATAMBARA 32:39

Na daŋ may gologiya ni anu, sa ma daŋ ay ka egenɗi, lo ma daŋ ka egenɗi. Anni sa ma ci sana kina, ni sa ma hin sana iirina lay. Lini an dag sana wa ni hin cilim mbilimmi an lay. Sa ma suɗ ki hu duk kon kaɗi.

KALKIRA 11:1

Yawe di Moiz ana, «An min mbaa tuguɗira daɓ daganda kay Faraw, kay suu Egiptena halaŋ lay. Ŋgoo dla ndaɗta ni nam hin hinigi agi tuɗa. Ka hinigi a tuɗ ɦawaɗi, nam hin dikigi ni a fafaɗta.

EZAYI 63:12

Nam ma saɓak mamma ka kay bik ko Moiz ma njufna, ma so mbo lumma ki voɗ suu mamsinana, ma tin sem ana, ma kak dindinna.

SOOLLA 89:13

Mbayawra u dalira aŋ lasi ni aŋu, ɦinira Taborra ura Hermonda ka li furira u seŋu.

SOOLLA 12:5

Asi di ana, «Ami ndak njaɗ dlara hurumi miniɗta, sa ma dooromi kaɗi, sa ma ndak a ɦeɓemina ni gege?»

2 DLAŊ MULINARA 20:17

Agi ka tuɗ duu ni agiɗi. Tuɗ takagi ni tagi ɦawaa. Tuɗ cologi na ca. Agi hin wi saɓak ma vi Yawena a su kasira. Yuda, Yerusalem, lagi ndaaɗi. Ɓik vun dikigiɗi. Vin agi cukugi ki ŋgafasiya. Yawe hin tuɗ u agiya.»

2 MULINA 7:19

Sa ma mulna jik tam kolo u namma cam wayra ana, «Lini Yawe co ay ni huulona lay ni dla ndaɗta ndak a li vini su?» Elize hoŋom dira ana, «Aŋ hin wi dla ndaɗta ki u iriŋu, may aŋ ka ŋgen va funuŋgi kama.»

2 MULINA 7:2

Sa ma mulna tuɗ jik tam u namma di sa jok vun Lona ana, «Lini Yawe co ay ni huulona na gaw lay ni, dlara aŋ njaɗaɗ wanda ndak a li su?» Elize hin dam ana, «Jiviya aŋ hin wi dla ndaɗta u iriŋu may ni, aŋ ka hin ŋgen tle asina funuŋgi.»

GA 8ATAMBARA 4:34

Ɗowba lo ma ɦawa maa tuk tam dew a mba duk suuna a tlasi ki a suu mamsina u takka ko wanda na ka su? Ma duu kay suu mamsina u bik kom u saɓakŋa li ndaana coco ko ndal Bu Suuna Loogina li ay kagi hu Egiptera na ka su?

NDUMBA 23:23

Dlara kumuna ka tew eg suu vi Yakobmaɗi, dlara joɓ fulina ka li suu Israelnaɗi. Suu Israelna hum dlara Lona min a laɗta ni hu liiɗu.

KALKIRA 14:13

Moiz di suuna ana, «Lagi ndaaɗi, lakagi jiviya, gologi suɗta Yawe hin suɗugi ki karamba. Suu Egipte suu agi wasi karam wanna, agi hin ka wasi oloɗi.

KALKIRA 13:3

Moiz di suuna ana, «Humugi gagi kay buu ma agi cuk ay ki hu mbassa Egiptera buɗ ay ki hu mbaɓura, Yawe cukugi ay ki ni u saɓakŋa, sa ka ti fu ma u kuffa dukummaɗi.

SUNDA 13:17

Lona vi suu Israelna manaygi somoyoygi aya. Nam zul suu mamma ay ki hu li ma asi ay ki duk suu daŋŋa, ni hu ndaŋgara Egiptera, ŋgoo daganda nam yowosi ay ki ni u saɓakŋa cocoo.

KALKIRA 7:4

Faraw hin ka a humugi vunugiɗi, an hin tin kon kay mbassa Egiptera, an hin cuk suu mansina ki u eŋga suu man suu Israelna ki hu mbassa Egiptera.

KALKIRA 7:5

Suu Egiptena hin wi ki ana anni Yawe, hu li ma an tin kon kasi wa a cuk suu mansina ay ki dukusiya ni suu Israelna.»

KALKIRA 15:6

Yawe bikiŋ ma njufna ka takaŋ saɓak maŋŋa kiyo. Bikiŋ ma njufna, Yawe, kus suu babali maŋsina kiyo.

KALKIRA 13:9

Yawe kalaŋ ay ki hu mbassa Egiptera ni u saɓakŋa, ni dlara hin a gaŋ humuŋ kara, aŋ waɗ u iriŋu, ka ndum gaɗ ndaɗta vi Yawera u vunuŋ may.

KALKIRA 13:14

«Lini goroŋŋa joɓoŋ vin ana na ni kay mege? Ni aŋ dam ana Yawe cukuygi ay ki hu mbassa Egiptera ni u saɓakŋa buɗuy ay ki hu mbaɓura.

KALKIRA 13:16

«Yawe cukuygi ay ki ni u saɓakŋa hu mbassa Egiptera. Ni dla mayra hin a takaŋ ka na gak gakka, aŋ waɗ u iriŋ lay.»

NDUMBA 11:23

Yawe di Moiz ana, «Bikin an Yawe geɗeŋ su? Aŋ hin wi tuwa dlara an daɗta li hin li ɗowba ka liɗi.»

SOOLLA 12:6

Suu wihawra ka las cocoo, suu va ka kosiɗina ka yoora. Yawe di ana, «Cemi an col koloo, an suɗ suu asi ka lasasina kiyo.»