KALKIRA 5:22 - Boy Lonana

²² Moiz hoŋ eg Yawe di ana, «Bu Suuna, aŋ a las suu asina na ni kay mege? Aŋ sunun ay na heregŋi kay mege?

KALKIRA 5:22 ပူးပေါင်းရင်းမြစ်များ

JEREMI 20:7

Yawe, aŋ suun dlara ki kan u nunuh manda wa. Gasi an ay jew nunuh daŋ may. Aŋ ay saɓakŋa suun jew day faɗ ha ki u ndaɗta. Hu buuna tew tew ni asi mbuɗun ki va sanda, asi halaŋ pananu.

HABAKUK 2:3

kay ana ni dlara tak taɗ ki kay faɗ vun dlara. Ndaɗ tew ki hu liiɗ wa, ndaɗ ka kaboyɗi, lini yaɗ ka vi aya ni juɓuɗu, ndaɗ hin mba gasi daŋ may, ka kaboyɗi.

SOOLLA 73:25

Sa ma an halam ha huulona ni ge ologe? Kay aŋ ka ki u anu, va ma furiyun hu duliyara tani kaɗi.

1 MULINA 19:10

Nam hoŋom dira ana, «Yawe Lo ma Saɓakŋa, an hurun miniŋ cocoo. An ka ndak a siɓ dlara suu Israelna laɗtaɗi. Asi bus galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

1 MULINA 19:4

Nam tamba tin irim ŋgoo bagi hu fulla, basa kay tuɗta. Nam tuɗ kak kaŋga u ŋgus guna ki vay dam na dew. Nam joɓmi miɗna gaw di ana, «Yawe an ka ndak oloɗi, tlan iiri manda kay an ka su somoyonɗi.»

1 SAMUEL 30:6

David mbuɗ ki hahaw cocoo kay ana suuna ɓak ana hin cam ki u gogoyra. Gegelay ni hurum haɗ cocoo, saa kay goryom suu njufiina u suu gorɓiina. Na may David hin fi so ura ni u Yawe, Loomma.

NDUMBA 11:11

Moiz di Yawe ana, «Aŋ lan dla ndaɗta egen an saaŋ ma sunda na ni amege? Aŋ ka wan hahawan na wiɗi su, tinin nek suu asina kan na ni kay mege?

KALKIRA 17:4

Moiz cen Yawe ana, «An hin li suu asina ni ana mege? Hin ew ni asi hin gikin ki ni u gogoyra.»

JEREMI 12:1

Aŋ, Yawe, aŋ ɗegeere. Na may an min ɓak u aŋ nde. Gasi, an min ci wayra u aŋ kay dla taa ɦiw. Ni kay me suu dlara vasina dlaasira li eg liiɗ ni ge? Ni kay me suu ci suuna suu dlaasi cona kaki u heɓpa ni ge?

JEREMI 4:10

An di ana, «Ҥii, aŋ, Bu Suuna Yawe, ɓeŋ suu asina ki ŋgol gasi daŋ may. Aŋ di suu Yerusalemma ana asi hin fi heɓpa.» May ŋgewra ka caygi kiyo.

JOSUWE 7:7

Josuwe cen Lona hin di ana, «Ҥii, Bu Suuna Yawe, aŋ hin hin suu Israelna a calaɗ mbo lum ma Yurdanna ay ki ni kay mege? Ni kay a hinimi ki ko suu Amorna a asi baami kira su? Lini hinimi ha ni doŋ lumma keŋ hiŋŋa ni mariyaɗɗi su?