KALKIRA 40:34 - Boy Lonana

³⁴ Ɗugulla kuluɓ ki kay mbutluɓma, bibiŋil Yawe oy ki kalafi hu mbutluɓma.

KALKIRA 40:34 ပူးပေါင်းရင်းမြစ်များ

WIRA ŊGAYRA 15:8

Saɓakŋa u bibiŋilla vi Lona oy Ziŋ Lonara u ndoosna ŋgolo, sa ka kal hu zi ndaɗtaɗi gak gak tuguɗira cora kiɗisiyara suu sunda huulona mbaaraɗta daɓ ki tuwa.

2 DLAŊ MULINARA 7:2

Muli suu li ɓivunna ka ndak a cuk kalafi hu zira vi Yawera oloɗi kay Bibiŋil Yawera oy huu Ziŋ Lonara ki wa.

KALKIRA 29:43

An hin ŋgaf u suu Israelna hu li namma, bibiŋil manda hin li hu li namma.

KALKIRA 14:24

Col ay njeŋge day u kura ka vi kasi hu ɗugullara, Yawe ka gol suu Egiptena may. Nam gasi dlara da damba dukusiya.

DLAŊ LEVIRA 16:2

Yawe di Moiz ana, «Di wayaŋŋa, Aaron, nam kal kalafi hu Li ma Saɓaki Teteɗna, ii gojoli ma caki duk ɦoŋgana na dam dambi, nam kal hu li ma Zandukka Galamba u yam Zandukka ka huna hu buuna belɗi, li ka naɗi ni nam hin miɗ kiyo, hu li ma an a tak tan duk ɗugulla kay li ma teteɗna tew tewna.

KALKIRA 33:9

Hu li ma Moiz kal hu mbutluɓmana ni ɗugulla col ay kolo na mba kuluɓ ki fun mbutluɓma, ɓak u Moiz.

WIRA ŊGAYRA 21:3

An hum della di ay kay dlamba mulla eŋga ana, «Cecemi li kakŋa vi Lona ka duk suuna, nam hin kak u asiya, asi hin lini suu mamsina may, Lona tamba hin lini a Loosina, asi hin li a suu mamsina may.

Magaara Vi Sa Jok Vun Lona AGE 2:9

Yawe di ana, Jiv zi ndaɗta ŋgoo daganda suu kay ta jewra, an hin hin heɓpa huwa Yawe, ma Saɓakŋa Kom Belna, di na.»

Magaara Vi Sa Jok Vun Lona AGE 2:7

Yam mbassa halaŋ hin dlaka, begera kay yam mbassara halaŋ hin yow liŋŋa, an hin oy hu zi ndaɗta u jivira Jawe ma Saɓakŋa Kom Belna di na.

EZAYI 6:4

Gu ma ɓali fun Ziŋ Lonarana gijaŋ geŋeɗta ko del sa ma sawallana. Huu Ziŋ Lonara oy ki u ndoosna.

2 DLAŊ MULINARA 5:13

Suu bu tokolomma u suu gi soolla li ni ko tasi na dew. Asi hum tasi cocoo, taɓi ni ko tasi na dew a geleɗ Yawe, ŋgaam may. Hu li ma tokolomma u diŋŋa u dadarina gijaŋ bura wa ni, asi geleɗ Yawe di ana, «Kay nam jiviya, ɗegee mamba ha ni na gak gak.» Huu Ziŋ Lonara oy ki u ɗugulla.

KALKIRA 25:8

Asi minin mbutluɓma, an hin kak dukusiya.

ROMMA 9:4

Asi ni njaf suu Israelna Lona hin mbuɗusi ki a goryomu, ɦasi ana nam ka egesi hu ŋgol mamba tew tew, nam vi galamba u asiya, ɦasi gaɗta, li tokka, vi vunna u asiya.

NDUMBA 7:89

Hu li ma Moiz kal hu Mbutluɓ ma Tokkana a ɓak u Yawena, nam hum della ɓakam ay kolo kay yam Zandukka Galamba duk ɦoŋ Serubim suu kaɗ mbana. Ay kolo hu li namma nam ɓakam aya.

2 SAMUEL 7:6

Kay an kak ka hu ziɗi col ay hu buu ma an sel suu Israelna ay ki hu Egiptena day ta ta karami. An tuɗ hu voɗ manda ni kakŋi u mbutluɓma u ŋgus zira.

EZEKIYEL 10:4

Bibiŋilla vi Yawera tak ki kolo kay Serubim ha eg zira na tok, huu zira hin oy ki u ɗugulla may, li ma kurufu hu kaanana oy ki u bibiŋilla vi Yawera may.

KALKIRA 16:10

Hu li ma Aaron ka ɓak suu Israelna na ni, nam mbuɗ irim ha ŋgoo bagi hu fulla na. Bibiŋilla vi Yawera tak taɗ ay ki hu ɗugulla.

SOOLLA 26:8

Yawe, an minni zi ma aŋ ka huna, u li ma bibiŋil maŋga ka huna.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.