KALKIRA 4:31 - Boy Lonana

³¹ Suuna vi boy namma. Asi wi ki ana Yawe mbay a njun kay suu Israelna wa, nam wasi hahaw masira ay wa, asi goɓ ga cen Lona.

KALKIRA 4:31 ပူးပေါင်းရင်းမြစ်များ

KALKIRA 3:18

Asi hin humuŋ deleŋu, aŋ u suu ŋgolo suu Israelna hin tuɗugi vi mulna Faraw agi dam ana, Yawe, Lo ma vi suu Hebrena, tak tam ay ki irimiya. Cemi ami min tuɗ ta ta buuna hindi ŋgoo bagi hu fulla, kay a li ɓivunna maŋ Yawe Loomina.

Boy Ma Ayra Ma LUK Ɓiirimma 8:13

Suu tli tasi u ndaŋga goyra na ni suu hum Boy ma vi Lonna, vam u ayra ka hinim a kal sariyam hurusiɗi. Nam kak hurusi ew daŋ. Dlara loɓma mba wa ni, asi hinim voɗom gaw.

KALKIRA 12:27

agi dasi ana, ‹Ni ɓivun ma Pakŋa maŋ Yawe, kay nam jak fun zina vi suu Israelna ay hu mbassa Egiptera, ni hu li ma nam ci suu Egiptena ki, hin buɗ suu Israelna ay kina.›» Suuna halaŋ goɓ ga u vun gifisiya gi deɓ Lona.

KALKIRA 3:16

Tuɗ tok suu ŋgolo suu Israelna dasi ana, Yawe, Lo ma vi somoyogina, Lona vi Abraham, Lona vi Isaak, Lona vi Yakob tak tam ki irin dan ana, An min a kal tan hu boy magina, kay dlara asi lagira egegi hu Egipte wanda.

KALKIRA 2:25

Lona wi suu Israelna las hu mbaɓura nani, humum gamu.

URA TIN AYRA 24:26

Sana goɓ kaŋga gi deɓ Yawe,

1 DLAŊ MULINARA 29:20

David di suu tokina halaŋ olo ana, «Gagi deɓ Yawe, Loogina.» Suu tokina halaŋ gi deɓpa maŋ Yawe, Lo ma vi somoyosina. Asi goɓ kaŋga u vok givisi fok Yawe, fok mulna.

KALKIRA 3:7

Yawe di ana, «An wi hahawra vi suu mansina hu Egiptera wa halaŋ. An hum asi ka tii ko telekŋa vi suu Egiptena, na daŋ may an wasi las masira wa.

Boy Ma Ayra Ma LUK Ɓiirimma 1:68

«Geleɗ Bu Suuna, Lo ma vi suu Israelna. Nam tin saa mamba kay suu mamma a suɗusi kira.

2 DLAŊ MULINARA 20:18

Josafat goɓ kaŋga u vogomu. Suu Yudana u suu Yerusalemma halaŋ goɓ kaŋga fok Yawe a cenemba.

URA TIN AYRA 17:3

Abram goɓ vogom kaŋga, Lona dam ana,

URA TIN AYRA 29:32

Lea vi wiina vuɗ go njufna tinim sem ana Ruben, kay ndaɗ di ana, «Yawe wan hoŋ yam manda gaara wa, cemi njufun hin minin ɗaŋ.»

URA TIN AYRA 50:24

Yosef di gorsemma ana, «An miɗni miɗiya. Lona hin gologi kaa, nam hin hoŋogi ha ki hu mbassa nam suu tam kaɗ ana nam hin ɦaɗ maŋ Abraham, maŋ Isaak, maŋ Yakobpa.»

KALKIRA 4:5

«Na ɗaŋŋi asi hin vi ana Yawe tak tam ay iriŋu, ni Lo ma vi somoyosina, Lona vi Abraham, vi Isaak, vi Yakob.»

KALKIRA 14:31

Suu Israelna wi dlara eŋga Yawe laɗ eg suu Egiptenara ki u irisiya. Suu Israelna li ndaa Yawe cocoo, asi tin hurusi kay Yawe kay Moiz saam ma sunda lay.

KALKIRA 19:8

Suuna halaŋ hoŋ dira ana, «Dlara Yawe daɗta halaŋ ami min laɗu.» Moiz hoŋ boy ma suuna damma maŋ Yawe may.

KALKIRA 19:9

Yawe di Moiz ana, «Gola an min mbay ta ta egeŋ u ɗugulla doɓorokka, kay ana hu li ma an ɓak u aŋŋa ni suuna hum may, aŋ ɓak u anni asi hum may, a asi tin saa masira kan a fafaɗta.» Moiz tuɗ boy ma vi suunana maŋ Yawe may.

KALKIRA 34:8

Na gawni, Moiz goɓ ga u vun givim cena.

RUT Magaara Njaɗ Dlara vi Rut 1:6

Ndaɗ col u boyogi suu vi goryoɗna a hoŋ ay hu mbas maɗta, kay ndaɗ hum ana tina ka huwa. Yawe ka njun suu mamsina.

NEHEMI 8:6

Ezdra gi deɓ Yawe, Lo ma ŋgolna. Suuna halaŋ hoŋ dira ana, «Amin, Amin» yow kosi koloo. Asi hin cok yasi kaŋga goɓ kaŋga fok Yawe, vogosi kay ndaŋgara.

SOFONI 2:7

Mbas ndaɗta hin hin ki ni maŋ suu usi hin hu Yuda ndena, asi hin taa yoori masisina hu li namma, asi hin koɗ tasi fiɗigi hu ɦoŋzi ma Askalonna. Kay Yawe, Loosina, hin njunusi hu kaɓakŋa hin mbuɗusi dlaasira ki jiviya.

KALKIRA 33:10

Suuna halaŋ wi ɗugulla ay ki kuluɓi fun mbutluɓma. Suuna halaŋ yow koloo, gegelay ni goɓ ga fun ziim a cenda.

2 DLAŊ MULINARA 7:3

Suu Israelna halaŋ wi kura ay kolo huulona ndaɗta u Bibiŋil Yawera kolo kay Ziŋ Lonara, asi goɓ kaŋga daɓ vogosi kaŋga duk ndaŋgara, huu kaana kurufu fun Ziŋ Lonara, ŋga Lona di ana, «Kay nam jiviya, ɗegee mamba ha ni na din din.»

2 DLAŊ MULINARA 32:8

Ay um a duuna ni suu warna ɦawaa. Sa ma ka u aygina ni sa sunda vi Yawe, Looygina. Nam hin njun kaygi duu ni namu.» Boy ma vi mulna namma so huu suu hu ɦoŋzinana ɦasi saɓakŋa cocoo.

JOB 1:20

Job col kolo haa baraw mamma kiyo, kaa yam ki may. Nam gi tam kaŋga duk ndaŋgara, goɓ Lona