KALKIRA 3:8 - Boy Lonana

⁸ An cuk ay ga ni a buɗusi ki ko suu Egiptena, a tuɗusi ki hu mbassa ŋgolla jivi cocora, hu mbas mayra law gi mbiira u mbul yumma. Ni hu lina vi suu Kanaanna, suu Hetna, suu Amoreenna, suu Perizina, suu Hivna u suu Jebusenna.

KALKIRA 3:8 ပူးပေါင်းရင်းမြစ်များ

URA TIN AYRA 50:24

Yosef di gorsemma ana, «An miɗni miɗiya. Lona hin gologi kaa, nam hin hoŋogi ha ki hu mbassa nam suu tam kaɗ ana nam hin ɦaɗ maŋ Abraham, maŋ Isaak, maŋ Yakobpa.»

KALKIRA 3:17

An di ana, an min cukugi ay ki hu lassa Egiptera, tuɗugi ki hu mbassa Kanaanda, ta Hetta, ta Amoreenda, ta Perizira, ta Hivda u ta Jebusenda, ni hu mbas mayra law gi mbiira u mbul yumma.

GA 8ATAMBARA 1:25

Asi nduɗuygi vuɗ tlesuu hu mbas ndaɗtana ay kosi lay. Asi mba cuɗuygi dlara asi waɗ ay u irisira di ana, «Mbassa Yawe Looygina ɦaygira wanda ni mbassa jivi cocora.»

KALKIRA 13:5

«Hu li ma Yawe cukugi hu mbassa Kanaanda, vi suu Hetna, vi Amoreenda, vi Hivda u suu Jebusenna, ta nam vi vunum a ɦaɗ maŋ somoyogira, a ɦagi ni mbas mayra law mbiira u mbul yumma, ni agi tuɗ li ɓivun namma na gak gak.

JEREMI 11:5

Na ɗaŋŋi an hin li u vi vun ma an vam u somoyogi ana an hin ɦasi mbas mayra mbiira u mbul yumma ɓaɗ huruɗta may. Agi ka karammi huruɗ daŋ may.» An hoŋom dira ana, «Amin, Yawe.»

NDUMBA 13:27

Asi cuɗ dla ndaɗta maŋ Moiz ana, «Ami tuɗ ay hu mbassa aŋ sunumi ha hura wa, mbas ndaɗta jivi cocoo, ni mbassa li gi mbul yumma u mbiira, gola ni vuɗ tlesuu ay huna.

Boy Ma Ayra Ma JAŊ Ɓiirimma 6:38

An mbay tani ni a li minda vi sa sunun ayna, ka min mandaɗi.

EZEKIYEL 20:6

Hu buu namma ni an suu tan tli kon kolo dasi ana an hin cukusi ay ki hu mbassa Egiptera. Tinisi irisi hu mbassa an goloɗ ay ki min a cukusi hura, ni mbas mayra law gi mbiira u mbul yumma, mbassa seɗ tii ki su ndaryaɗ mbassa halaŋga.

SOOLLA 91:15

Lini nam yanu ni an humumu, an hin kak u nam hu hahaw mamba, an hin buɗum kiyo, mbuɗum a sa bibiŋilna.

SOOLLA 34:8

Sa sunda vi Yawe ka kaki eg suu lam ndaaramma, nam buɗusi kiyo.

KALKIRA 12:51

Hu buu ma ŋgaay namma Yawe cuk suu Israelna ay ki hu mbassa Egiptera u suu masisina halaŋ.

JEREMI 32:22

Aŋ ɦasi mbas mayra aŋ suu taŋ ki kaɗ haɗ ki maŋ somoyosira, mbas mayra mbiira u mbul yumma ɓaɗ hura.

SOOLLA 12:5

Asi di ana, «Ami ndak njaɗ dlara hurumi miniɗta, sa ma dooromi kaɗi, sa ma ndak a ɦeɓemina ni gege?»

GA 8ATAMBARA 27:3

Agi ɓii boy ma gaɗ namma kay ɦini ndaɗta, ni hu li ma agi calaɗ mbo lum ma Yurdanna ha kina. Ni agi hin cuk hu mbassa Yawe Loogina ɦagirara, mbas mayra law mbiira u mbul yumma ko ndal Yawe Lo ma vi somoyogina dira na.

GA 8ATAMBARA 7:1

Hu li ma Yawe Loogina cukugi hu mbassa agi tlaɗ ki wanda, nam dikigi njaf suuna ki zeɗ zeɗ suu zuli coco suugina, suu Hitna, suu Girgasina, suu Amorna, suu Kanaanna, suu Perizna, suu Hivna, u suu Jebusna, njaf suuna zeɗ zeɗ kiɗisiya suu zuli coco suugina, saɓak a suugi lay.

URA TIN AYRA 11:5

Yawe cuk ay kaŋga a gol ɦoŋzi ma ŋgolna u zira fiyekka suuna miniɗta.

Boy Ma Ayra Ma JAŊ Ɓiirimma 3:13

Sa tuɗ ay kolo huulona dew kaɗi, Goŋ Sanna ay kolo huulona mbay kaŋga ni nam dew.

EZAYI 64:1

Aŋŋi ko ndal kura zak usuna kira na, ko kura zal mbona kira na, aŋ hin tak taŋ ki ii suu babali maŋsina ana, aŋŋi Lona, njaf suuna halaŋ mbuɗ ki ndaana koŋu.

KALKIRA 34:11

Dlara an hin daŋga karam wanda aŋ goloɗ jiviya. An tuɗ dikiŋ suu Amoreena, suu Kanaanna, suu Hetna, suu Perizina, suu Hiva, u suu Jebusna ha ki fokoŋu.

URA TIN AYRA 18:21

Kay ndaɗta an tuɗ golosi tuwa, lini asi ka li gasi ko dlara an humusira ha kasira na ni an hin wi tuwa.»

URA TIN AYRA 15:14

An hin kaɓakŋa kay suu ay lasasina, asi hin sel ay ki hu mbas ndaɗta u begera kosi cocoo.

NEHEMI 9:8

Aŋ fam iriŋ ɗegee hin vi galamba a ɦam mbassa vi suu Kanaanna, suu Hitna, suu Amorna, suu Perizna, suu Jebusna, suu Girgasna a ɦaɗ ki maŋ njafamba. Aŋ li ko aŋ ɓak ki u vunuŋu kay aŋ ɗegeere.

GA 8ATAMBARA 28:11

Yawe ɦagi jivira u zulla nam ka zulugi gorra cocora, zulugi yoorina coco lay, jivigi wana coco lay kay ndaŋgara Yawe suu tam ay kaɗ fun somoyogi a ɦagirara.

URA TIN AYRA 11:7

Ɓaygi kaŋga mbuɗuygisina vunusi ki zeɗ zeɗ, hin a gege lay hum vun ma vi ndarammana oloɗi.»

JEREMI 2:7

An tuɗ tinigi hu mbas mayra mbiira ɦayra kay agi juguɗ voɗuɗ u jivi maɗta. Na may a kal ha huruɗta ni agi mbuɗun mbas manda ki njenjera. Agi mbuɗun liina ki li ma cona.

JOSUWE 9:1

Muli suu ŋgoo mbo lum ma Yurdanna halaŋ, hu li ma asi hum dlara vi suu Israelnara na ni, u suu hu mbas mayra u gara lay, suu cuki fun mbo lum ŋgolnana lay, suu ha ki tok eg mbassa Libanda, suu Hetna, suu Amorna, suu Kanaanna, suu Perizna, suu Hivna, suu Jebusna halaŋ,

GA 8ATAMBARA 1:7

Cemi ni pereɗ irigi tuɗugiya, tuɗugi u ɦinira vi suu Amorna, vi suu ŋguy egesina halaŋ, ŋgoo bagi hu fulla, hu mbassa gara hu Negeb, kolo kay doŋga hu mbassa vi suu Kanaanna hu Liban ta ta tew fun mbo lum ma Efratna.

NDUMBA 13:19

Agi hin wi lay mbassa asi cuki huruɗ ndaɗta li jivi kala, co kala, zi ma asi cuki huna li mini eŋ coco kala, li fet ɦawa kala.

URA TIN AYRA 15:13

Yawe di Abram ana, «Njafaŋ hin tuɗ ki ŋgayra hu mbassa daŋga, mbas ndaɗta ka ni masiraɗi, asi hin li mbaɓura fi lassa ta ta basara kis kis fiɗi.

URA TIN AYRA 46:4

An u tanda hin tuɗ u aŋ Egipte, an hin hoŋoŋ ay vo lay. Yosef hin duguŋ iriŋŋi namu.»

KALKIRA 5:23

Hu li ma an tuɗ eg Faraw a njaɗ kay seŋga ni, nam ka las suu asina aŋ hin buɗ suu maŋsina ka kiɗi lay.»

KALKIRA 12:41

Hu li ma basara 430 ndakŋa, hu buu namma, Yawe cuk suu mamsina ay ki hu mbassa Egiptera ko tasi dew.

GA 8ATAMBARA 6:3

Agi suu Israelna humugi haa, lagi uwa, ni agi hin fi saɓakŋa agi hin zul coco ko Yawe vi vunum u tamba dira na, Lona vi somoyogiya, hu mbas mayra law mbiira u mbul yumma.

AMOS 2:10

An may ɗaŋŋi selegi ay ki hu mbassa Egiptera hin tuɗugi hu fulla basara dok fiɗi, a tli mbassa vi suu Amorna.

URA TIN AYRA 43:11

Busi Israel dasi ana, «Hin na ni lagi ko ndaɗta na. Yowogi tlesuu jivi suu hu mbas mayrana ha kogi a ɦasi maŋ sa namma. Tlesuu li mbul ma hisna nde may, mbul yumma nde may, u daɓaŋga may, u kumuna, u vuɗ guna, u tlesuu ɗus huu ziginina nde may.

DLAŊ LEVIRA 20:24

Ni ko an dagira na, Agi hin tlasi mbas masira ki ni agiya, an ɦagira ki ni an daŋ may. Ni mbas mayra mbiira u mbul yumma huruɗ cocora. «Ni an Yawe magina, mbuɗugi ki zeɗ duk njaf suu daŋŋa halaŋ.

NDUMBA 13:18

Agi gologi mbassa ay ki jiviya, suu cuki huruɗna li saɓak kala, maŋi kala, lini suuna ka hu ŋgolɗi kala, li huruɗ zuli kala.

JOSUWE 5:6

Suu Israelna li basara ŋgoo bagi hu fulla ni dok fiɗi. Hu basa ndaɗta suu may suu cuk ay ki hu mbassa Egiptera ki ndaki a duunana daɓ ki miɗna ŋgoo bagi hu fulla halaŋ halaŋ. Suu may suu ŋgel vun Yawe nam suu tam ki ana asi ka cuk hu mbassa nam vi vunum kaɗ a ɦaɗ maŋ somoyosiraɗina, mbas mayra law mbul yumma u mbiira.

JOSUWE 9:7

Suu Israelna di suu Hivna ana, «Kala agi li ka cuki ni dukumi tani tok kalage. Ami hin a vi galamba u agi ni ana mege?»

1 DLAŊ MULINARA 1:15

Ma Hivna, ma Arkŋa, ma Sinna,

SOOLLA 12:6

Suu wihawra ka las cocoo, suu va ka kosiɗina ka yoora. Yawe di ana, «Cemi an col koloo, an suɗ suu asi ka lasasina kiyo.»

EZAYI 36:17

Minigi tagi ki jew bay an mba, a yowogi ki tuɗugi ki hu mbassa daŋga ko magira nara, mbassa li blena, sum veŋŋa, mbassa funa hu cocora, ta gugutlura hu coco layra.