KALKIRA 3:18 - Boy Lonana

¹⁸ Asi hin humuŋ deleŋu, aŋ u suu ŋgolo suu Israelna hin tuɗugi vi mulna Faraw agi dam ana, Yawe, Lo ma vi suu Hebrena, tak tam ay ki irimiya. Cemi ami min tuɗ ta ta buuna hindi ŋgoo bagi hu fulla, kay a li ɓivunna maŋ Yawe Loomina.

KALKIRA 3:18 ပူးပေါင်းရင်းမြစ်များ

KALKIRA 9:1

Yawe di Moiz ana, «Tuɗ vi Faraw dam ana, Yawe, Lo ma vi suu Hebrena di ay ana, hinin suu mansina asi tuɗ sununu.

KALKIRA 7:16

Aŋ di Faraw ana, Yawe, Lo ma vi suu Hebrena, sunun ay ana an daŋ ana, Hinin suu mansina asi tuɗ sunun ki ŋgoo hu fulla, ta ta cemi ni aŋ ka min a humbi.»

KALKIRA 10:3

Moiz u Aaron tuɗ vi Faraw dam ana, «Yawe, Lo ma vi suu Hebrena, di ana, Aŋ hin a hoŋ yaŋ ga fokonni saɓa tuge? Hinin suu mansina asi tuɗ sununu.

KALKIRA 9:13

Yawe di Moiz ana, «Col kolo maɗii na feɗet tuɗ tak taŋ ii Faraw dam ana, Yawe, Lo ma vi suu Hebrena di ana Hinin suu mansina asi tuɗ sununu.

SOOLLA 110:3

Hu li ma aŋ tuɗ duuna suu maŋsina tuɗ uŋ u furira. Suu maŋsina mbay egeŋ kay ɦinira teteɗta, ko ndal mbaɗagira gi maɗira na.

2 DLAŊ MULINARA 30:12

Hu mulla Yudara ni ko Lona hin gi kay suu may suu li u boy ma mulna u suu ŋgolo mamsina damma ko ndal Yawe dira na may.

JOSUWE 1:17

Ami vi vun Moiz ay kay dlara nam damirara halaŋ. Ami min a hum uŋŋi ko ndaɗta na may. Na daŋ may Yawe, Looŋŋa, hin li u aŋŋi ko ndal nam li ay u Moizza na may.

NDUMBA 17:4

Mul ma li ɓivunna Eleazar yow ganun walakka suu asi mbaarasi ay fok Yawena, asi dlasi ki a baa kay givin ma togolla.

KALKIRA 30:6

Aŋ tin givin ma togolla ni fok baraw ma cak duk ɦoŋ Zandukka Galamba kina na gay. Ni fok va ma dugi vun Zandukkana na. Ni hu li ma an ŋgaf u aŋ huna.

KALKIRA 25:22

Hu li namma ni an mba ŋgaf u aŋŋi huwa, duk ɦoŋ Serubimma. Kolo kay Yam Zandukka, an hin daŋ dla mayra an min a daɗ maŋ suu Israelnara ka halaŋ.

KALKIRA 19:1

Hu til ma hindina dagan asi cuk ay ki hu mbassa Egiptera, karam na gawni suu Israelna tew ŋgoo bagi hu fulla Sinayra.

KALKIRA 4:31

Suuna vi boy namma. Asi wi ki ana Yawe mbay a njun kay suu Israelna wa, nam wasi hahaw masira ay wa, asi goɓ ga cen Lona.

KALKIRA 4:24

Ay hu voɗta a tuɗta wanni, Yawe ŋgaf u Moiz, hal a cam kiyo.

KALKIRA 3:16

Tuɗ tok suu ŋgolo suu Israelna dasi ana, Yawe, Lo ma vi somoyogina, Lona vi Abraham, Lona vi Isaak, Lona vi Yakob tak tam ki irin dan ana, An min a kal tan hu boy magina, kay dlara asi lagira egegi hu Egipte wanda.

KALKIRA 3:12

Nam dam ana, «An ka u aŋu, gola ni va ma hin tak ki ana, An ka u aŋu, sunuŋ ay ni anuna. Hu li ma aŋ cuk suu Israelna ay ki hu mbassa Egiptera wa ni, agi hin mba sunun an Loogina kay ɦini ndaɗta tani.»

URA TIN AYRA 48:3

Yakob di Yosef ana, «Lona ma Saɓakŋa tak tam ay ki irin hu Luz hu mbassa Kanaanda. Nam paɗ vunum ki kanu.

URA TIN AYRA 17:1

Hu li ma basa Abram li ki dok-dleeŋe yam dleeŋe ni, Yawe tak tam ki irim dam ana, «Anni Lona ma Saɓakŋa. Aŋ poy fokonu li ɗegee.

URA TIN AYRA 15:1

Ŋgoo dla mayra li ay ndaɗta, Yawe di Abram hu doyra ana, «Li ndaaɗi anni mbari maŋŋa, warak maŋŋa hin li ŋgol cocoo.»

URA TIN AYRA 12:1

Yawe di Abram ana, «Hin mbas maŋga u somoyoŋu u ziŋ buŋŋa ki tani, tuɗ hu mbassa an hin takaŋgara.

JEREMI 26:5

Lini agi ka hum boy ma suu man suu jokon vununna dammaɗi, suu an sunusi ha egegi tew tewnaɗi, ka humugiɗi lay ni.

JEREMI 2:6

Asi di ka ana, Yawe ni arage? Ma selemi ay ki hu mbassa Egiptera, ma takami voɗta ay hu fullana, hu mbassa gogoyra u dawna, mbassa faɗta ɦayra, li ma ci suuna kina, mbassa sa ka jak huɗira, sa ka kak huɗi layra?

JEREMI 2:2

Tuɗ ci luluura hum Yerusalem. Yawe ɓak anaba, an ka njaɗak dlaakka ndak laɗ ay u gorokka, min mayra ndak min njufuk ma vak wilinara. Ndak tuɗ ay kay ceren hu fulla, kay ndaŋga mayra va ka wul huɗira.

EZAYI 64:5

Ami halaŋŋi suu cona, sunda ami laɗta halaŋ iriŋŋi ko baraw ma zoɗina na. Dla coomira felemi kolo ko hum bubura sooyra na, babaana siiriɗ kiyo.

KALKIRA 30:36

Aŋ li ma hiŋŋa ki fuɗ fuɗta kay a hoorom vok Zandukka hu zira suuna tok hura ni magiya, ndaɗ hin ki ni teteɗ may.

URA TIN AYRA 14:13

Sa ma pii ay kina dew mba di Abram ma Hebrena, nam ka cuki ni ii ɦoyna hu Mamre. Sa ma Amorna wayaŋ Esekol u Anerna asi banara u Abram.

KALKIRA 4:1

Moiz hoŋ dira ana, «Asi hin ka van boy mannaɗi, asi ka hin humun vununɗi lay. Asi hin di ni ana Yawe tak tam ay ka iriŋgi.»

KALKIRA 5:1

Ŋgoo dagan Moiz u Aaron mbay di Farawna ana, «Gola, Yawe, Lona vi suu Israelna, di ana, Hinin suu mansina asi tuɗ koyra ŋgoo bagi hu fulla a ŋgaanu.»

KALKIRA 5:3

Asi hoŋom dira ana, «Lo ma vi suu Hebrena tak tam irimiya, dami ana ami tuɗ ta ta buuna hindi ŋgoo bagi a li ɓivunna maŋ Yawe, kay ka nam cukumi tuguɗira cora u ŋgewna kamiɗi.»

KALKIRA 8:1

Yawe di Moiz ana, «Di Aaron ana nam maɗ kom ki u tokolora kay mbo lumma, lokka u goloŋina halaŋ cuk luu gigiɗina ay ki kay mbassa Egiptera halaŋ.»

KALKIRA 8:20

Yawe li ko ndaɗta na, loloona cuk kalafi hu ziŋ Farawra cocoo, hu ziŋ suu mam suu sundana lay, ki kay yam mbassa halaŋ, mbassa halaŋ ɓalak ki u loloona.

KALKIRA 17:5

Yawe di Moiz ana, «Jak fok suu Israelna, yow suu ŋgolo uŋ ɦiw, tli tokolo maŋga aŋ waɗ lumma Nilna ay u ndaɗta may, tuɗa.

KALKIRA 4:23

An daŋu hinin gorona nam tuɗ ki sununu. Lini aŋ hinim ka a tuɗɗi ni, an hin caŋ goroŋ ma ŋgolna ki may.»

KALKIRA 8:23

Ami a li ɓivunna ni tuɗ ta ta buuna hindi tuwa, ki ŋgoo bagi hu fulla hin lini na tuwa, li ɓivunna maŋ Yawe, Loomina, ni u yal ma nam hin takamina a ami lamma.»