KALKIRA 3:16 - Boy Lonana

¹⁶ Tuɗ tok suu ŋgolo suu Israelna dasi ana, Yawe, Lo ma vi somoyogina, Lona vi Abraham, Lona vi Isaak, Lona vi Yakob tak tam ki irin dan ana, An min a kal tan hu boy magina, kay dlara asi lagira egegi hu Egipte wanda.

KALKIRA 3:16 ပူးပေါင်းရင်းမြစ်များ

SOOLLA 8:4

Hu li ma an gol tlesuu kolo huulonana, ni sunda aŋ laɗ u bik koŋga, tilna, u ciciwra aŋ tinisi kolo huulona,

KALKIRA 4:31

Suuna vi boy namma. Asi wi ki ana Yawe mbay a njun kay suu Israelna wa, nam wasi hahaw masira ay wa, asi goɓ ga cen Lona.

KALKIRA 4:29

Moiz u Aaron tuɗ tok suu ŋgolo suu Israelna kaŋga halaŋ.

URA TIN AYRA 50:24

Yosef di gorsemma ana, «An miɗni miɗiya. Lona hin gologi kaa, nam hin hoŋogi ha ki hu mbassa nam suu tam kaɗ ana nam hin ɦaɗ maŋ Abraham, maŋ Isaak, maŋ Yakobpa.»

SUNDA 15:14

Simon dagi jew ana Lona min njaf suu ka Juifnaɗina, nam man suu dukusi ɦiw mbuɗusi ki a suu mamsina.

1 PIYER 5:1

An di cecemi maŋ suu ŋgolo suu gol suu vina, an lay ni sa ma gol suu vina, sa ma diki kay wihawra vi Kristuna, an ka u bibiŋilla vi Lonara hin a tak kira. Gola ni va ma an a joɓosi kamma.

1 PIYER 2:12

Poyogi ɗegee duk suu bay vina, lini asi kaagi boyna egegi ana agi ni suu cona lay ni, asi hin wi sun magira jivira hin geleɗ Lona hu buu ma nam hin mbayna.

SUNDA 20:17

Pol hu Milet wanni gi sunda ha kay suu ŋgolo suu vi Kristuna hu Efes ana asi mbay egemu.

SUNDA 11:30

Va ma asi famma asi sunum ha maŋ suu ŋgolo suu ha Yudena ko Barnabas u Sol.

Boy Ma Ayra Ma LUK Ɓiirimma 19:44

Asi hin hawaɗaŋ ki kaŋgaa, caŋ suu maŋŋa ki halaŋ lay. Ҥini ta dew hin ka a li jaki kolo kay ndaraɗɗi. Asi hin tooɗ ki kaŋga halaŋ, kayme aŋ wi buu ma Lona mba a njun uŋ huna kaɗi.»

Boy Ma Ayra Ma LUK Ɓiirimma 1:68

«Geleɗ Bu Suuna, Lo ma vi suu Israelna. Nam tin saa mamba kay suu mamma a suɗusi kira.

MATIYE 26:3

Hu li namma muli suu li ɓivunna u suu ŋgolo suu Juifna, tok tasi vi mul ŋgol ma li ɓivunna yam ana Kaif.

RUT Magaara Njaɗ Dlara vi Rut 1:6

Ndaɗ col u boyogi suu vi goryoɗna a hoŋ ay hu mbas maɗta, kay ndaɗ hum ana tina ka huwa. Yawe ka njun suu mamsina.

KALKIRA 13:19

Moiz a tuɗta ni paɗ sok Yosef ha ki kamu. Kay Yosef suu suu Israelna ka ki ana, «Lona humum ka hin maa ki kay a njun kagiraɗi, hu li ma agi a cuk kina ni, agi yowon sokon ha ki kagiya.»

KALKIRA 4:5

«Na ɗaŋŋi asi hin vi ana Yawe tak tam ay iriŋu, ni Lo ma vi somoyosina, Lona vi Abraham, vi Isaak, vi Yakob.»

KALKIRA 2:25

Lona wi suu Israelna las hu mbaɓura nani, humum gamu.

KALKIRA 24:11

Suu Israelna gol Lona na may Lona lasi va ma co egesiɗi, asi ti lay, ci lay.

KALKIRA 18:12

Jetro, ma kunuŋ Moizna, li ɓivun ma ŋgalam kina, u ɓivun ma daŋŋa maŋ Lona. Aaron u suu ŋgolo suu Israelna halaŋ mba ti fu namma fok Lona u kunuŋ Moizna.

KALKIRA 15:14

Suu daŋŋa hum na ni mbuɗ ki ndaa cocoo. Suu Filistina halaŋ mbuɗ ki ndaa cocoo.

KALKIRA 3:2

Sa sunda vi Yawe tak tam irim duk kura hum goo guna. Nam gola ni hum guna ki u kura halaŋ, ta guna ka ŋgalɗi may.

URA TIN AYRA 21:1

Yawe humum gam kay vi vun mamma u Sarana, nam hin laɗ ko nam dira na may.

URA TIN AYRA 1:7

Lona hin li va namma ɓorow duk ɦoŋ mbo ma kaŋgana ki u ma kolona. Nam hin li na gaw may.

URA TIN AYRA 28:13

Yawe coli kolo kay jaŋalana di ana, «Anni Yawe, Lona vi buŋ ŋgolo, Abraham, Lona vi buŋ Isaak, ndaŋgara aŋ buuri kaɗ wanda an hin ɦaŋga ni maŋ u njafaŋu.

URA TIN AYRA 48:15

Nam paɗ vunum ki kay Yosef di ana, «Lona ma somoyon gi Abraham u Isaak tuɗ ay umma, Lona ma golon ay day ta ta cemina.

KALKIRA 3:6

Nam di ana, «Anni Lo ma vi somoyoŋŋa, Lona vi Abraham, Lona vi Isaak, Lona vi Yakob.» Moiz baa irim kiyo kay nam mbuɗ ki ndaana ka gol Lonaɗi.

KALKIRA 4:1

Moiz hoŋ dira ana, «Asi hin ka van boy mannaɗi, asi ka hin humun vununɗi lay. Asi hin di ni ana Yawe tak tam ay ka iriŋgi.»

KALKIRA 17:5

Yawe di Moiz ana, «Jak fok suu Israelna, yow suu ŋgolo uŋ ɦiw, tli tokolo maŋga aŋ waɗ lumma Nilna ay u ndaɗta may, tuɗa.

SOOLLA 33:18

May Yawe ka juɓ u suu lam ndaaramma, u suu tin hurusi kay ɗegee mambana.

KALKIRA 1:8

Ɗaŋŋi mul ma wili ma wi Yosef kaɗina varak kay mulla vi suu Egiptena ɗaŋ.

SOOLLA 102:21

nam ka hum zamba vi suu daŋgayna, cuk suu ɓakŋa kaay kasi a casi kina kiyo.