KALKIRA 3:14 - Boy Lonana

¹⁴ Lona di Moiz ana, «Anni ma Kana, aŋ dasi ana MA KANA sunun ay egegi ni namu.»

KALKIRA 3:14 ပူးပေါင်းရင်းမြစ်များ

HEBRENA 13:8

Yesu Kristu ni ko kaa na lay, karam lay ha fok na gak gak.

Boy Ma Ayra Ma JAŊ Ɓiirimma 8:58

Yesu hoŋosi dira ana, «An dagi ni gasira, jew Abraham bay vuɗ tu ni, An kaa.»

WIRA ŊGAYRA 1:8

Anni Gijaŋŋa u Daɓpa, Alfa u Omega, Bu Suuna, Lona ma Saɓakŋa, di na ni namu, ammi ma ka cecemma, ma ay jewna lay, ma hin a mbay fokŋa lay.

SOOLLA 90:2

Jew bay ɦinira li tura, bay aŋ li ndaŋgara tu u tlesuu hu duliyarana tu lay, aŋ ka gak gakŋi Lona.

EZAYI 44:6

Yawe mul ma vi suu Israelna di ana, nammi sa ma buɗusi ay kina, Yawe ma Saɓakŋa Kom Belna, anni ma jewna, ni ma do daganna lay, ki ŋgoron dagan ni lo ma daŋ kadi.

WIRA ŊGAYRA 1:4

Ni an Jaŋ maŋ suu vi Kristuna hu mbassa Azira kiɗisiya. Ko Lona ɦagi oora u heɓpa, namma ka cecemma ma li ay jewna ma hin ha fok a hin mbay tuna lay. Ko lini u minda vi Musuk Lonara kiɗisiyara fok dlam mamba mulla lay.

WIRA ŊGAYRA 1:17

An wam wi ni ndi kaŋga fokom ko miɗira na. Nam tin kom ma njufna kan dan ana, «Li ndaaɗi, an ni ura tin ay jewra u daɓpa daganda lay.

KALKIRA 6:3

An tak tan ay ki ii Abraham, ii Isaak, ii Yakob ni El Saday, na may an tak tan ka irisi u sen ma Yawe naɗi.

WIRA ŊGAYRA 4:8

Tlesuu iiri asina ma dewna garaŋam karkiya, karkiya. Asi u iira hurusi bari kurufu lay, egesi lay. Asi gi soolla ni na tew tew faali lay njeŋge lay, «Teteɗna, teteɗna, teteɗna Bu Suuna, Lona, ma Saɓakŋa Kom Belna. Ma ay jewna. Ma ka cecemina. Ma hin mbana.»

2 KORINTNA 1:20

Kay a li u va ma Lona damma halaŋŋi ana ɦaa. Aygi tagi «Amin» maygira ni u Yesu Kristu kay a ɦal ŋgolla maŋ Lona.

Boy Ma Ayra Ma JAŊ Ɓiirimma 8:28

Yesu dasi ana, «Hu li ma agi tli Goŋ Sanna kolo wa ni, agi hin wi ana an kaa. Agi hin wi ana an ndak a li va kay tanɗi. An di ni tlesuu Bun haɗansina doy hol.

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

SOOLLA 68:4

Na may suu ɗegeena ka furiya, asi ka ŋga Lona furi u hurusiya.

MATIYE 18:20

Lini suu mba' kala, hindi kala, tok tasi u sen wani, an ka dukusi may.»

JOB 11:7

Aŋ ndak a wi zul zul dlara vi Lonara ki bel su? Aŋ ndak a wi daŋ mayra vi ma Saɓakŋa Kom Belna su?

Boy Ma Ayra Ma JAŊ Ɓiirimma 8:24

Kay ndaɗta an dagi ana, agi hin miɗ ni hu coogira. Lini agi tin hurugi ka ana, An kaa, naɗi ni, agi hin miɗ ni hu coogira daŋ may.»

KALKIRA 3:13

Moiz di Lona ana, «Gola an min tuɗ eg suu Israelna, tuɗ dasi ana Lo ma vi somoyogina sunun ay egegi ni namu, lini asi hin joɓon wa ana, sem ana mege? An hin dasi ni ana me mayge?»

KALKIRA 6:2

Lona ɓak Moiz dam ana, «Anni Yawe.

KALKIRA 23:21

Agi golom jiviya, humugina vunumu, cagi way u nambi, nam ka ndak a siɓ ŋgel vunnaɗi kay sen ka hurumu.

KALKIRA 15:3

Yawe ni sa ma duuna. Semmi ana, Yawe.

EZAYI 42:8

Anni Yawe, senni na daŋ may. Bibiŋil manda an ka haɗ maŋ sa ma daŋgi. Geleɗta geleɗenda ka geleɗ ful u ndaɗɗi lay.