KALKIRA 3:13 - Boy Lonana

¹³ Moiz di Lona ana, «Gola an min tuɗ eg suu Israelna, tuɗ dasi ana Lo ma vi somoyogina sunun ay egegi ni namu, lini asi hin joɓon wa ana, sem ana mege? An hin dasi ni ana me mayge?»

KALKIRA 3:13 ပူးပေါင်းရင်းမြစ်များ

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

MATIYE 1:21

Ndaɗ hin vuɗ goona, aŋ tinim sem ana Yesu, kayme nam hin suɗ suu mamsina ki hu coosira.»

JEREMI 23:6

Hu coki mamba ni Yuda ki suɗiya. Israel kak u heɓpa. Gola ni sem ma asi hinimma kamma, «Yawe ni ɗegee maygira.»

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

VUN ŊGOLNA 30:4

Sa ma tuɗ ay kolo huulonana ni gege? Sa ma mbay ga col ay kolo huulonana ni gege? Sa ma vi semeɗna kolo hu duk komma ni gege? Sa ma vo yona hu baraw mamma ɦoyna ni gege? Sa namma sem ana mege? Sem goromma ni ana me mayge? Lini aŋ wiya ni dan aya.

KALKIRA 3:14

Lona di Moiz ana, «Anni ma Kana, aŋ dasi ana MA KANA sunun ay egegi ni namu.»

URA TIN AYRA 32:29

Nam dam ana, «Sa ka yaŋ ana Yakob oloɗi, seŋ mbuɗ ki ni ana Israel, kay aŋ njogoɗ u Lona, duk suu warna ni aŋ su ki kasi wa.»

MATIYE 1:23

«Goowayra hin vi wiina, ndaɗ hin vuɗ goona, tinim sem ana Emmanuel,» (ni ana Lona ka u aygiya).

SUU KAƁAKŊA 13:17

Nam joɓom ana, «Seŋŋi ana mege kay ami hin ŋgaaŋ ka hu li ma boy ma aŋ damma li kina mayɗi su?»

SUU KAƁAKŊA 13:6

Cara hoŋ ay voo, mba cuɗ boy namma maŋ njufuɗ di ana, «Sa ma vi Lonna ndi ay ki irinu. Nam tli tammi u sa sunda huulona tam laŋ ndaa cocoo. An joɓom ka ana nam col ay ni arageraɗi kama. Nam takan sem kaɗi may.

KALKIRA 15:3

Yawe ni sa ma duuna. Semmi ana, Yawe.

SUNDA 3:13

Loŋ Abrahamma, Loŋ Isaakŋa, Loŋ Yakobma, Lo ma vi somoyoygina ɦal saɓakŋa maŋ saam ma sunda Yesu. Agi u tagira ɦam ki maŋ suu ŋgolona asi ɦam ki maŋ Pilat ni agiya, nam Pilat tin gin hurum a gamu.

KALKIRA 3:12

Nam dam ana, «An ka u aŋu, gola ni va ma hin tak ki ana, An ka u aŋu, sunuŋ ay ni anuna. Hu li ma aŋ cuk suu Israelna ay ki hu mbassa Egiptera wa ni, agi hin mba sunun an Loogina kay ɦini ndaɗta tani.»

KALKIRA 3:15

Lona hin di Moiz olo ana, «Aŋ hin ɓak suu Israelna ana, Yawe Lo ma vi somoyogina, Lona vi Abraham, Lona vi Isaak, Lona vi Yakob sunun ay egegi ni namu. Ni sen ma fafaɗna, ni asi hin cenen hu basara basara ni u sen namma.

KALKIRA 7:16

Aŋ di Faraw ana, Yawe, Lo ma vi suu Hebrena, sunun ay ana an daŋ ana, Hinin suu mansina asi tuɗ sunun ki ŋgoo hu fulla, ta ta cemi ni aŋ ka min a humbi.»

EZAYI 52:6

Cemi ni suu mansina hin wan sen kiyo, asi hin wi ki ana an ka ni ko jewra na, ma di ay ki ana, an wanni na.