KALKIRA 3:12 - Boy Lonana

¹² Nam dam ana, «An ka u aŋu, gola ni va ma hin tak ki ana, An ka u aŋu, sunuŋ ay ni anuna. Hu li ma aŋ cuk suu Israelna ay ki hu mbassa Egiptera wa ni, agi hin mba sunun an Loogina kay ɦini ndaɗta tani.»

KALKIRA 3:12 ပူးပေါင်းရင်းမြစ်များ

JOSUWE 1:5

Hu li ma aŋ ka iiri tu wanna sa ma hin col ay fokoŋ na ɗow ni kaɗi. An hin li u aŋŋi ko ndal an ay u Moizza na may. An ka laŋ dlara coɗi, an ka noyoŋ kiɗi.

ROMMA 8:31

Ni aygi hin daygi ana mege? Lini Lona ni maygina ni sa hin halaygi a honira ni gege?

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

GA 8ATAMBARA 31:23

Yawe ɦal voɗta maŋ Josuwe ma goŋ Nunna dam ana, «So uŋ kiyo col eŋe, aŋŋi sa ma hin a cuk suu Israelna hu mbassa an vi vunun kaɗ a ɦasirara, an hin li u aŋ lay.»

URA TIN AYRA 31:3

Yawe di Yakob ana, «Hoŋ hu mbassa vi somoyoŋga hu li ma aŋ vuɗ ay huna. An hin li u aŋ lay.»

KALKIRA 4:15

Aŋ hin njaɗamu, boy ma aŋ a damma aŋ hin ɓakamma ha funumu. An may ni ka njun u vunuŋ may njun u mamma lay. An hin haɗagi dlara agi hin a laɗta.

KALKIRA 4:12

Cemi ni aŋ tuɗa an ka u vunuŋu, an hin haɗaŋ dla mayra aŋ hin daɗta.»

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

EZAYI 43:2

Lini aŋ taɓa mbona ni an ka u aŋu. Aŋ taɓa mbo lumma ni nam ka tluɓuŋgi. Lini aŋ tuɗ duk kura lay ni ndaɗ ka ŋgalaŋgi. Ndoos kura ka laŋ vaɗi lay.

SUNDA 11:21

Saɓakŋa vi Bu Suuna li ay u asiya, suuna ŋgolo viya, mbuɗ hurusi kay Bu Suuna.

MARK 16:20

Suu haɗina tuɗ ki a di Boy ma Ayra kay yam mbassa halaŋ. Bu Suuna li sunda u asiya, mbuɗusi boy masina ki gasi u dlara mbuɗta nam ɦasira ay kosira may.]

HEBRENA 13:5

Hin saara vi begera a su kagiɗi, furiyugi u va ma ka kogina, kay Lona di ana «An ka hiniŋ kiɗi, ka noyoŋ kiɗi lay.»

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

SOOLLA 86:17

Tak dlaaŋga mbuɗ mbuɗta ki kanu kay a suu babali mansina wi na ni mbuɗ ki zolona, kay aŋ, Yawe, ni sa ma njun unna. Aŋŋi sa ma ɗilin irinna.

EZAYI 37:30

«Ezayi di mulna Ezekiyas ana, dla ndaɗta hin li a takaŋ kira cukuni ni suuna hin ti ni mogoo tlesuu day ay kay tasina. Ha hu basara daara ni na lay. May hu basara hindira ni zaaragi tlena, feɗegisina, pagi gutlu gutluna, hin tagina vuɗum may.

SUU KAƁAKŊA 7:11

Aŋ hin hum dlara asi ka daɗta ni saɓakaŋ hin mba huwa, aŋ ndak a tuɗ usi ga hu kaŋ masina.»

SUU KAƁAKŊA 6:21

Sa sunda vi Yawe maɗ fun tokolora komba ŋgen tliwna u fu ma bay kuffa dukumma na ni kura kal ay ki duk ɦinira ŋgal tle asina ki halaŋ. Sa sunda vi Yawe viɗ ii Gedeonni na gaw.

SUU KAƁAKŊA 6:17

Gedeon dam ana, «Lini gasi aŋ wan hahawanu ni aŋ daŋ may ni takan va ma tak ki ana aŋ ɓakanni aŋu na aya.

URA TIN AYRA 15:1

Ŋgoo dla mayra li ay ndaɗta, Yawe di Abram hu doyra ana, «Li ndaaɗi anni mbari maŋŋa, warak maŋŋa hin li ŋgol cocoo.»

URA TIN AYRA 15:8

Abram hoŋom dira ana, «Bu Suuna Yawe, an hin wi ni u me ana ndaɗ ni varanu rage?»

SUNDA 7:7

Lona di ana an hin kaɓakŋa kay suu asi li mbaɓura ay varasina. Asi hin cuk ki tuɗ geleɗen hu li namma.

KALKIRA 3:1

Moiz a taa yoori suu vi kunumma, Jetro, mul ma li ɓivunna vi suu Madiyanna wanni. Nam a tuɗ yoorina ki ŋgoo bagi hu fulla tew eg ɦini mayra vi Lonara hu Ҥinira Horebba

KALKIRA 3:13

Moiz di Lona ana, «Gola an min tuɗ eg suu Israelna, tuɗ dasi ana Lo ma vi somoyogina sunun ay egegi ni namu, lini asi hin joɓon wa ana, sem ana mege? An hin dasi ni ana me mayge?»

KALKIRA 18:5

Jetro ma kunuŋ Moizna, goryom u caamba tuɗ eg Moiz ŋgoo bagi hu fulla asi cuki eg Ҥinira vi Lonara.

KALKIRA 33:14

Yawe di ana, «An tuɗ ha uŋŋi u tanda a ɦaŋ koɗ tara.»

NDUMBA 16:28

Moiz di ana, «Cemini agi halaŋ hin wi ki ana Yawe sunun ay a lam sun mamba ni namu, an li dla ndaɗta ni ka u min manda a hal mul kay tanɗi.

NDUMBA 23:21

Dlara gunira sa ka waɗ duk njaf suu vi Yakobmaɗi, lassa sa ka waɗ duk suu Israelnaɗi. Yawe Loosina ka u asiya. Vo varasi ni asi ka gi soolla geleɗ mulnara tew tew.

SUU KAƁAKŊA 6:16

Yawe hoŋom dira ana, «An hin tuɗ u aŋu. Aŋ hin dik suu Madiyanna ni ko sa ma dewna ɦawa na.»

2 MULINA 19:29

Aŋ Ezekiyas may ni an ka takaŋ dlara hin lira haa. Cukini wanni suuna hin ti ni mokoo wa blena, daa wanni asi hin ti ni tlesuu day ay kolo kay tasina, may hu basara hindira ni zaaragi tlena, feɗegi sina ay vo lay. Pagi gugutluna, hin tagina vuɗum may.

JEREMI 1:8

Aŋ li ndaa saɗi. An ka u aŋ a buɗuŋ kira. Yawe di na.»

URA TIN AYRA 26:3

Kak hu mbas ndaɗta tani. An hin li u aŋu, an hin paɗ vunun ki kaŋu. An hin ɦaŋ mbas ndaɗta halaŋŋi maŋ u njafaŋu, an hin li u suura an suu tan u buŋ Abrahamba.

KALKIRA 8:27

Yawe li ko Moiz dira na may, loloona tuɗ ki vi Faraw, hin suu sun mamsina u suu mamma halaŋ lay. Maa hin ka na ɗew ɗi.

SUU KAƁAKŊA 6:12

Sa sunda vi Yawe ndi ki iirimu hin dam ana, «Yawe ka u aŋu, sa njuf ma duuna.»

1 SAMUEL 14:10

May lini asi di wa ana, mbaagi ay egemiya ni, aygi hin tuɗ egesiya. Ni ana Yawe ɦaygisina ki duk koygi wa. Va hin tak tam ki iriygi hu li namma.»

1 DLAŊ MULINARA 9:20

Pinhas goŋ Eleazarna ay jew ni sa fokosina. Yawe ay u namu.