KALKIRA 28:3 - Boy Lonana

³ Aŋ taŋga ɓak suu wi yalna suu an oyosi u ŋgussa yalna, aŋ dasi asi cil barawna maŋ Aaron, kay a nam li ki ni mul ma lan ɓivun manna.

KALKIRA 28:3 ပူးပေါင်းရင်းမြစ်များ

EFESNA 1:17

An joɓ Lona vi Bu Suuna Yesu Kristu, mala ŋgolla, a nam ɦagi Musukka hin a takagi dlara ŋgayra vi Lona a agi hin wi Lona ki jivi suwa.

EZAYI 11:2

Mul namma Musukka vi Yawera ka kamu, ni ŋgussa yalna, ta gi ii dlara kira, ŋgussa ɗilira, u saɓakŋa, ta wi dlara, ta li ndaa Yawera.

Magaara JAK Ɓiiriɗta 1:17

Ҥala ɦawara jivira halaŋ u ɦala pasiyakka col ay ni koloo, ɦaɗ ay ni Lona, nam sa ma li kiɗikka kolora. Lona ka mbuɗɗi. Nam ka jok ndufunda ha fok na ɗowɗi.

GA 8ATAMBARA 34:9

Josuwe ma goŋ Nunna oy u musukka yalna kay Moiz tin kom ka kamu. Suu Israelna hum umu, a li u gaɗ mayra Yawe ɦaɗ ka maŋ Moizza.

VUN ŊGOLNA 2:6

Kay Yawe ɦal yalna ay ni namu, yal ma wira u gasira cuk ay ki ni funumu.

KALKIRA 35:35

Nam oyosi u yalna a li sunda ceɗ ɦinira, yoo tlena, ndal barawna zeɗ zeɗ, ma tlawna, ma tlaw keŋ keŋŋa u ma tlawam war warna, baraw dlemba suu wi yal cil tlena, yow suu li sunda zeɗ zeɗ u sunusiya.

KALKIRA 35:30

Moiz di suu Israelna ana, «Gola Yawe yi Betsaleel ma goŋ Urina, goŋ Hurna hu njaf ma vi Yudana.

KALKIRA 35:25

Boyogi suu yal suu paa barawra u kosina, ɦaɗ aya, baraw ma wili wilina u baraw ma tlaw keŋ keŋŋa, baraw ma tlawam war warna u baraw dlemba dereŋga.

KALKIRA 35:31

Nam oyom u Musuk Lonara a nam fi yalna, fi mbeleŋŋa, fi wira, wi yal ma li tlena halaŋŋa.

KALKIRA 36:1

«Betsaleel, Oholiyab u yal ma Yawe ɦammana, gegelay u mbeleŋ mamma wi yal sunda nam laɗta suu asina halaŋ li sunda Yawe dasi kaɗ ana laɗura.»

1 MULINA 7:14

Hirammi goŋ cara donora. Ndaɗ ni hu njaf ma vi Neftalina. Bummi sa ma Tirna may. Nam li sun kawi ma tlawna. Nam wi dla coco lay, yal coco lay, mbeleŋ ɦay lay. Nam yoo ndal tlena zeɗ zeɗ halaŋ. Nam mbay eg Salomon a li sunda nam ɦambara halaŋ.

KALKIRA 35:10

Suu wi yalna dukugi halaŋŋi mbay a li sunda Yawe daɗta.

KALKIRA 36:2

Moiz yi gi Betsaleel, Oholiyab u suu Yawe oyosi u yal mammana ay halaŋ, suu hurusi vi a li sundana halaŋ.