KALKIRA 24:9 - Boy Lonana

⁹ Moiz ɗiŋ kolo kay ɦinira, asi ugi Aaron, Nadab, Abihu u suu ŋgolo suu Israel suu dok-kiɗisiyana may.

KALKIRA 24:9 ပူးပေါင်းရင်းမြစ်များ

KALKIRA 24:1

Yawe di Moiz ana, «Ɗiŋ ay kolo egenu aŋ may, Aaron may, Nadab u Abihu may, suu ŋgolo suu Israelna suu dok-kiɗisiyana may, agi tuɗ goɓ Lona ha ki na ɦuɗ.

KALKIRA 19:24

Yawe dam ana, «Hoŋ ha ki gaa, kay aŋ hin ɗiŋ ay kolo ni ko taŋ u Aaron. Muli suu li ɓivunna u suu halaŋŋa ka asi ɦuɗ tasi ay ɗi.»

KALKIRA 28:1

Tay wayaŋŋa Aaron ay egeŋ u goryom halaŋ duk suu Israelna kay a nam li sunda li ɓivunna. Aaron u goromma Nadab, Abihu, Eleazar u Itamar.

DLAŊ LEVIRA 10:1

Nadab u Abihu goryoŋ Aaronna yow ganun masina kosiya, yow kura daŋga ay kosi hu may, vo mbul ma his jivina kayam may. Asi tuɗ ɓivun ma ka u voɗombi namma fok Yawe, li ka ko gaɗta di kira naɗi.

NDUMBA 11:16

Yawe di Moiz ana, «Tokon suu ŋgolo suu Israelna ay egeŋ na dok-kiɗisiya, suu aŋ wi ana gasi asi ndaki suu ŋgolonana suu kaɓakŋa fok suuna. Aŋ mbaarasi ay fok Mbutluɓ ma Tokkana, asi mbay ko tasi u aŋu.

EZEKIYEL 44:3

Na may mulna, kay nammi mulna, hin kak hu vun namma kay ti funa fokonda. Nam kal ay hu ni ii vun ma keŋ zira ŋgolla na. Nam hin hoŋ ki bunsu ni hu voɗ ndaɗta lay.»

KALKIRA 33:20

Nam hin dam hu olo ana, «Aŋ ka ndak a wan vogonɗi, kay sa war ma wan u irimma ka kak iiri oloɗi.»

SUU KAƁAKŊA 13:22

Manoa di caamba ana, «Ay ca ni hin miɗ ki ɗaŋ kay ay wi Lona u iriya.»

1 MULINA 22:19

Mise hoŋ di hu olo ana, «Jiviya, aŋ hum boy ma Yawe damma haa. An wi Yawe kaki kay dlam mamba. Suu duu suu huulonana coli kolo u sesi egemu, kay bikim njuf may, bik gulu may.

EZAYI 6:1

Hu coki mayra mulna Oziyas miɗta ni an wi Bu Suuna kak kay dlamba ŋgolla kolo dayra, vun baraw ma cuki tamma oy huu Ziŋ Lonara kiyo.