KALKIRA 24:3 - Boy Lonana

³ Moiz mba cuɗ boy ma Yawe damma ki maŋ suuna halaŋ u gaɗta lay. Suuna halaŋ hoŋ dira vunusi na dew ana, «Boy ma Yawe damma halaŋ ami min a li umu.»

KALKIRA 24:3 ပူးပေါင်းရင်းမြစ်များ

KALKIRA 19:8

Suuna halaŋ hoŋ dira ana, «Dlara Yawe daɗta halaŋ ami min laɗu.» Moiz hoŋ boy ma suuna damma maŋ Yawe may.

KALKIRA 24:7

Nam tli maga mayra galamba ndumuɗ maŋ suuna, asi di ana, «Dlara Yawe daɗta halaŋ ami min li uɗu, ami min hum uɗu.»

JOSUWE 24:22

Josuwe di suu Israelna ana, «Agi ni a suu dikina kay tagira tok, kay agi man Yawe a sunumba ni agi daŋ may.» Asi hoŋ dira ana, «Ami ni suu diki kay tamina.»

GA 8ATAMBARA 6:1

Gola ni gaɗta, yalna u nera Yawe Loogina takanda ana an haɗagira, agi may ni li uɗu, goloɗ jivi hu mbassa agi hin tok a cuk huruɗ cemi wandara.

GA 8ATAMBARA 5:1

Moiz yi suu Israelna ay halaŋ dasi ana, Agi suu Israelna humugi haa, gaɗta u nera an min haɗagira wanda ni agi humuɗ ki jiviya haɗaɗ lay, saa kaɗu, li uɗ tew tew may.

GA 8ATAMBARA 4:45

Gola ni gaɗta u nera Moiz jogoɗ ki maŋ suu Israelna hu li ma asi cuk ay ki hu mbassa Egiptera.

GA 8ATAMBARA 4:5

Gologiya an min haɗagi gaɗta u nera ko ndal Yawe Loonna haɗandara na. Ni kay a agi li u gaɗ ndaɗta hu li ma agi cuk hu mbas mayra agi hin lak huruɗta.

GA 8ATAMBARA 4:1

Cemi ni agi suu Israelna humugi haa, humugi gaɗta u nera an min haɗagira karamba haa. Agi li u haɗ ndaɗta kay a agi lak iiriya, a hin cuk hu mbassa Yawe ɦagirara, Lo ma vi somoyogina.

GA 8ATAMBARA 11:1

Agi min Yawe Loogina u hurugi halaŋ, agi hum u dlara nam dagirara li uɗ may. Gaɗ mamba nera u yalna halaŋ, hu buuna tew tew.

GA 8ATAMBARA 5:31

Aŋ may ni hin ka coli egen tani, an min daŋ gaɗta ha ki halaŋ halaŋ. Gaɗta u nera aŋ tuɗ haɗasira asi li uɗu, ha hu mbassa an hin ɦasira a asi lak hura.»

KALKIRA 24:2

Moiz dew ni sa ma hin ɦuɗ tam ay eg Yawena. Asi suu hiŋŋa ɦuɗ tasi ay kaɗi. Suu halaŋŋa ɗiŋ ay koloɗi kama.»

JOSUWE 24:24

Suu Israelna hoŋ dira maŋ Josuwe ana, «Ami hin sunni Yawe, Loomina, ami hin humummi vunum doy hol.»

JEREMI 11:4

Ta an ɓakaɗ dlaɗ ay maŋ somoyogi hu li ma an cukusi ay ki hu mbassa Egiptera, hu li ma kura cocona. Humungi delenu, takangi dlara an ɓakagirara ki kiɗiki. Na ɗaŋŋi agi hin mbuɗ ki suu mansina may. An hin mbuɗ ki Loogina may.

JEREMI 34:13

Na ɗaŋŋi Yawe, Lona vi suu Israelna, ɓak anaba, an ni sa haɗ vi vun namma maŋ somoyogina, hu li ma an selesi ay ki hu mbassa Egiptera hu zi ma mbaɓura.

MALASI 2:10

Aygi halaŋŋi buygi ka ni dewɗi su? Lo ma dewna laygi ka ni nambi su? Ni kay me huruygi mbuɗ ki cora eg taygi na halaŋ halaŋ a ɓeŋeygi banara vi somoyoygira ki ge?

JOSUWE 24:21

Suu Israelna hoŋ di Josuwe ana, «Ҥawaa, kay ami a sunni Yawe.»

2 DLAŊ MULINARA 15:14

Asi suu tasi ki fok Yawe u ko kona cocoo, u bu tokolomma u diffa lay.

2 DLAŊ MULINARA 15:15

Suu hu mbassa Yudara halaŋ furi coco kay suura asi suu tasi ndaɗta. Kay asi suu tasi ni vi ki gasi u hurusi halaŋ u minda jivira lay ana asi hal Yawe, nam tak tam masi may. Nam hinisi asi fi koɗ tara keŋ lina zeɗ zeɗ halaŋ.

SOOLLA 50:5

Tokogi aya suu man suu ɗegeena, suu vi galamba u an ha ɓivunnana.

Magaara Vi Sa Jok Vun Lona AGE 2:5

Ko dlara an daɗ ki u vunun kagi hu li ma agi sel ay ki hu mbassa Egiptera na, ko ndaɗta na Musuk manda dukugi tew tew lagi ndaa vaɗi.