KALKIRA 23:2 - Boy Lonana

² Aŋ ka taɓ vunuŋ u suu li dla coraɗi. Lini aŋ a di ki kay dla fun ɓakŋa ni di dlara kaboyna a baa gasira ki garaɗi.

KALKIRA 23:2 ပူးပေါင်းရင်းမြစ်များ

VUN ŊGOLNA 1:15

Ҥawaa, goonna, tuɗ ko taŋ u asiɗi, ɦuɗ taŋ ki eg voɗta asi tuɗ huruɗta na day.

JOB 31:34

An ka li ndaa a tak tan ki duk suunaraɗi. An ka ŋgay ana ndarayanna hin pananuraɗi lay. An ka ni sa ma dakinaɗi.

GA 8ATAMBARA 1:17

Hu kaɓak magina agi ka sek ii saɗi. Humugi dlaŋ gogonara kora vi sa ŋgolnara na lay. Lagi ndaa saɗi kay kaɓakŋa ni vi Lona, lini dla ndaɗta gol irigi loɓ wa ni agi tuɗunda ay fokonu, an hin gol u dla ndaɗta.»

MARK 15:15

Pilat min a heɓ hu suuna wanni, nam gasi Barabbas kiyo, Yesu nam poŋom poŋŋi, ɦasina a ɓalam kay gu ma garakŋa.

VUN ŊGOLNA 4:14

Tuɗ taŋ hu voɗta vi suu conaɗi, dlaɓ taŋ u suu li dla coraɗi lay.

1 MULINA 19:10

Nam hoŋom dira ana, «Yawe Lo ma Saɓakŋa, an hurun miniŋ cocoo. An ka ndak a siɓ dlara suu Israelna laɗtaɗi. Asi bus galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

JOSUWE 24:15

Lini ka irigi jivi a sun Yaweɗi ni managi sa ma agi a sunumma kiyo, lini loogi suu vi somoyogi suu asi goɓosi ay ŋgoo lumma ii hiniŋŋa na kala, lini loogi suu vi suu Amorna hu mbassa agi cuki huruɗ cemi wanda kala ni. An u ziin halaŋ ami sunni Yawe.»

SUNDA 25:9

Festus a li tam jivira ii suu Juifna ni nam joɓ Pol ana, «Aŋ min tuɗ Yerusalem an kaaŋ ɓak maŋŋa ki kay boy namma su?»

SUNDA 24:27

Li basara mba' ŋgoo dagan Porsiyus Festus varak balam Feliks a mulna. Feliks min a li tam jivi ii suu Juifna, ni nam hin Pol hu daŋgayna.

JEREMI 38:9

Nam dam ana, «Malanna mulna, dlara suu asina laɗ eg Jeremi, sa jok vun Lonara, ni coo. Asi gam kaŋga hu zulla. Nam hin miɗ ki ko mayra hu zulla, kay ana mappana ka hu ɦoŋzina oloɗi.»

JEREMI 37:21

Na daŋŋi mulna Sedesiyas ɦal voɗta ana asi hin Jeremi ki hu taraŋga hin ɦam komnjoɗira dew dew hu buuna tew tew ay hu li ma li mappana ay huna ta ta hu li ma sa ka fi mappa hu ɦoŋzina oloɗina. Na daŋŋi Jeremi hin ki kiɗik hu taraŋga ni na gaw.

JEREMI 37:15

Suu ŋgolo suu sunda mbuɗ yara u Jeremi vam cam poŋga tuɗum gam daŋgayna hu zira vi sa ŋgol ma li sunda Yonatan. Asi min zira daŋgayna huwa.

SOOLLA 72:2

Ko asi ti kay suu maŋsina u ɗegeera, suu hoŋ yasi gaa u jivi maŋgana.

DLAŊ LEVIRA 19:15

«Kaagi ɓakŋa ni u ɗegeera, njun u sa ma maŋinaɗi, aŋ ka njun u sa ŋgolna ana nam ŋgoloraɗi lay, kaasi ɓakŋa ni u voɗom a asi ni gorseŋŋara halaŋ.

URA TIN AYRA 19:4

Asi bay buu kaŋga tu may ni suu ɦoŋzina tok ay ndul ndul mbay ŋguy yam ziŋ Lotna, kemba u suu ŋgolona lay tok ay halaŋ.

URA TIN AYRA 6:12

Lona gol dlara hu ndaŋgarara na halaŋi, ndaɗ mbuɗ ki coo, tlesuu kay ndaŋgarana halaŋ poy masira mbuɗ ki coo.

ROMMA 1:32

Asi kay tasira wi ɓak ma vi Lonna ki jiviya, suu li ko ndaɗta na na hin fi miɗna, asi wi ki masi na lay yasi gak li dla mayra ndaɗta, asi taɓ vunusi u suu li dlara ndaɗta lay.

EZEKIYEL 9:9

Nam dan ana, «Suluk ma vi suu Israelna u suu Yudana kal ki saɓakiya, mbassa ki oy u busuna cocoo, ɦoŋzi ma ŋgolona halaŋ ki hoɓi u dla cora. Kay asi ka di ana, Yawe noy mbas ndaɗta ki wa, nam ka ndak a waɗ oloɗi.

GA 8ATAMBARA 24:17

Aŋ ka gus ɓakŋa a mbuɗ boy ma vi ŋgaynana u goo kuyuna ki coraɗi. Aŋ ka vi baraw ma vi cara donora balnaɗi.

GA 8ATAMBARA 16:19

Aŋ baa yam gasira ki gaɗi, aŋ ka ɓorow ii suunaɗi, aŋ ka vi ŋgomba suuna ŋgomoŋgaɗi, kay ŋgomba duk ii sa ma wi gasira kiyo, ɓalak boy ma vi sa ma mamma ɗegeena ki lay.

URA TIN AYRA 7:1

Yawe di Nowa ana, «Cukugi hu lumba u suu maŋŋa halaŋ, an wi ana duk suuna halaŋŋi sa irin ɗegeena ni aŋ dew daŋ.

Magaara Vi Sa Jok Vun Lona AGE 1:4

«Na ni jivi kagi a agi kak hu ziigi ma mini jivina hu li ma ziinda ka ki tooy kaŋgana su?

1 SAMUEL 15:9

Na may ni Sol u suu mamsina hin Agag bay cira u yoori mam suu gorina may suu ŋgolona may, u tlesuu gori suu daganna gor timigiina u tlesuu jivi suu huna halaŋ. Nam hin vi ka kam a ɦasi ki a ciraɗi. Tlege suu sunusi kaɗina, suu ka jiviɗina, nam ɦasi asina kiyo.

VUN ŊGOLNA 18:5

Col ki ŋgoo sa ma dlaamba cona, mbuɗ boy ma vi sa ma ɗegeena ki cora ni ka jiviɗi.

1 SAMUEL 15:24

Sol di Samuel ana, «An li suluku, an calaɗ ki kay gaɗta vi Yawera u boy mamma lay. An li ndaana ni ko suuna, an hin vasi vunusiya.