Sa ŋgol ma hu Zira Tokkana hurum ɓeŋ ki eg Yesu kay dlara Yesu suɗ cara ki hu buu ma vi Lonna. Nam col kolo, tli ɓakŋa, di suu molina ana, «Buuna karkiya ca ni ma aygi li sunda hurummaɗi su? Ka ana li ni hu buu ma vi Lonnaɗi.»
Hu buuna karkiya ni aŋ li sun maŋga huruŋ minda halaŋ, may hu buu ma kiɗisiyana ni aŋ koɗ taŋu, kay ana kor maŋga u mbutl maŋŋa koɗ tasiya, a goryoŋ caaŋga sunda u ŋgay maŋŋa koɗ tasi may.
«Hu buuna karkiya ni sana li sun mamba kay tamba. Na may buu ma kiɗisiyana ni buu ma vi Lonna, ni buu ma koɗ tara u tokka teteɗta. Buu namma ni buu ma agi ka li sun huɗina. Ni buu ma vi Yawena, li ni agi ha ki cuki ni aragelay.
Hu buuna karkiya ni aŋ li sunda, na may buu ma kiɗisiyana ki magi ni a buu ma teteɗna, ni buu ma vi Lonna. Ni buu ma koɗ tara vi Yawe. Sa ma li sunda hu buu namma lina, cam kiyo.
«Bu Suuna, Yawe, di ana, Vun ma vo kurufu ii u maɗiina nana hinim dugira na ta ta buuna karkiya, hu li ma asi ka li sundana. Hu buu ma vi Lonna ni hin malam kiyo, malam ki ni hu luu ma vun tilna may.
