KALKIRA 20:4 - Boy Lonana

⁴ «Aŋ mba vi u loogi suu ceɗesi ceɗinaɗi, u tlesuu kolo huulonaɗi lay, u tlesuu kay ndaŋgaranaɗi lay, u tlesuu ga duk mbona u ndaŋgara ganaɗi lay.

KALKIRA 20:4 ပူးပေါင်းရင်းမြစ်များ

DLAŊ LEVIRA 26:1

Yawe di ana, «Goɓogi loogi suu ɦawanaɗi, ceɗegi tlesuu agi a goɓ fokosi ko Lonana naɗi. Hu mbas magira ni ceɗegi ɦini mayra suuna a goɓ fokoɗta kalaɗ ay huɗi, goɓogi fokoɗɗi lay, kay anni Yawe, Loogina.

GA 8ATAMBARA 5:8

«Aŋ mba vi u loogi suu ɦawanaɗi u tlesuu kolo huulonnaɗi lay, u tlesuu ga kay ndaŋgaraɗi lay, tlesuu ga duk mbona u ndaŋgara ganaɗi lay.

SOOLLA 97:7

Suu togol fulina halaŋ zolona vagi wa, agi suu ŋga tagi ɦayna. Agi loogi suu ɦawana halaŋ goɓogi ga fokomu.

DLAŊ LEVIRA 19:4

«Hoŋogi irigi u loogi suu ɦawanaɗi, ka agi ceɗegi tlesuu gol ko ndal Lona nanaɗi lay. Ni an, Yawe, Loogina.

SUNDA 17:29

Aygi ni goryomu, ni ka ndak di ana Lona tli tam ko lorra naɗi, ko doonora ɗowba, ɦinira naɗi lay. U va ma sa ŋgaam u saa mamba ɦawaɗi.

GA 8ATAMBARA 27:15

«Sa ma min fulina na minna sa namma ba ki wa dla mayra ka ii Yawe Lona jiviɗira, tlesuu sa warna lasi u komma, ŋgayasi vo um na enna. Suu halaŋŋa hoŋ dira ana, Amin.

WIRA ŊGAYRA 16:2

Sa sunda huulona ma jewna tuɗ vo yara hu kop mammara ha kay ndaŋgara. Mbil mbeŋ ma bay cilla ndi kay suu huɗukka vi vabakŋa egesina u suu cen va ma tli tam ko nam nana.

ROMMA 1:23

Hu li ma a geleɗ saɓakŋa vi Lona ma ka miɗɗina asi hoŋ geleɗ ni va ma tli tam ko sana ma miɗ kina na. Layagina, mburina, u tlesuu ɦaram kaŋgana, asi geleɗesi ni asiya.

EZAYI 45:16

Suu goɓ loogi suu ɦawana halaŋ ki mbuɗi zolona, suu ceɗ loogina halaŋ suuna ka ŋgulusiya.

EZAYI 42:8

Anni Yawe, senni na daŋ may. Bibiŋil manda an ka haɗ maŋ sa ma daŋgi. Geleɗta geleɗenda ka geleɗ ful u ndaɗɗi lay.

EZEKIYEL 8:10

An kal ha kalafiya. An gola ni foto tlesuu ɦaram kaŋgana tinira na zeɗ zeɗ u foto tle bagina lay. Fuli suu vi suu Israelna halaŋ ki ɓiiri eg gulumunna lay, ki ŋguy kasi na halaŋ halaŋ.

WIRA ŊGAYRA 9:20

Suu hin bay ci ko lassa ndaɗta halaŋ, ka hom kay dla cora asi laɗtaɗi, asi ka hin cenda cen fulina u gugunina mini u lorna, u doonora, u kawina, u ɦinira, u guna, tlesuu irisi ka wiɗi, ka humbi, ka tuɗɗi layna.

EZAYI 42:17

Suu may suu goɓ tlesuu asi minisina, gu ma asi ceɗemma, yasi a loosinana halaŋ hin mbuɗ ki zolona.

2 DLAŊ MULINARA 33:7

Nam cuk tlesuu fulina suu asi ceɗesina ki hu Ziŋ Lonara. Doli ɗini Lona di David u goromma Salomon ana, «Hu zi ndaɗta u ɦoŋzi ma Yerusalemma halaŋ an hin tin sen hu ni a fafaɗta.

1 MULINA 12:28

Mulna fi saara daŋga. Nam yoo gor mbutlina mba' u lorra. Nam di suu Israelna ana, «Agi tuɗ tew tew ni Yerusalemmi gola agi suu Israelna Loogina wanna, ni ma cukugi ay ki hu mbassa Egiptera.»

KALKIRA 34:17

«Aŋ mba li lo ma yoorom yooriɗi.

KALKIRA 32:1

Hu li ma suuna wi ana Moiz ha kolo kay ɦinira ka ɗiŋ ay ki ga zakgi ni, asi tok tasi ay eg Aaron dam ana, «Col koloo, lami lo maa fokomiya, kay Moiz sa ma cukumi ay ki hu mbassa Egiptera ami ka wi va ma lammaɗi.»

KALKIRA 32:23

Asi dan ana, Lami lo ma hin tuɗ fokomiya, kay Moiz, ma cukumi ay ki hu mbassa Egiptena, ami ka wi va ma lammaɗi.

KALKIRA 32:8

Asi kak ka na njok a viɗ tasi ki hin voɗta an takasira hara kiraɗi. Asi min goo mbutlna fokosiya, asi goɓ ga fokomu, asi lam ɓivunna lay, di ana, gola ni loogina agi suu Israelna, ni ma cukugi ay ki hu mbassa Egipterana.»

NDUMBA 12:8

An ɓakam ay ni u delen tanda olo ni an tak tan ki irimu, an ɓakam ka u boy ma ŋgayɗi. Nam wi ta Yawe ki u irimu. Ni nanaba agi ndak a tum u saan ma sunda Moiz nege?»

SUU KAƁAKŊA 17:3

Mika hoŋ gursu doonora kis kis doogo yam dew ndaɗta maŋ sumu. Sum hin dam ana, «An u tanda hin doono ndaɗta ki ni maŋ Yawe ni kay gooronna a yoo foto lona u doonona. An tuɗ cemi ni ɦamba.»

2 MULINA 17:12

Yawe dasi ki ana asi goɓ lo ma daŋgi lay ni asi hin goɓmi fulina na ɗow.

SOOLLA 78:58

Asi ɓeŋem hurum u goɓpa goɓ loogi suu ɦawana kolo kay ɦinira, fuli masisina ɓeŋem hurummi ɓeŋi na ɗow.

EZEKIYEL 8:3

Vana maɗ ay ki ko ndal ko sa warna na, mboɗon tlimiɗ yan u dewna. Ŋgoo dagan Musukka tlan ki kolo duk ɦoŋ huulona u ndaŋgara. Hu wiinda ni ndaɗ tuɗun hu Yerusalem, colon fun vun ma kal ha kalafi dukŋa hu Ziŋ Lonara hu keŋ ma ii mbayawna na, ni hu li ma fuli ma dlam cona ka tini huna, fuli ma zuɗ suuna mbuɗusi hurusi ki cona.

EZEKIYEL 20:7

An dasi ki ana gegelay ni hin dla co mamba ka kom cemi wanda kiyo, mbuɗugi tagi ki njenje u fuli suu Egiptenaɗi. An ni Yawe, Loogina.

KALKIRA 20:23

Agi ka golonni ko lo ma mini u doonora ɗowba u lorra ɦawa naɗi, ka agi li lo ma minim mininaɗi.

KALKIRA 32:4

Hu li ma nam yowosi lorra ay kosi yow yowni, nam yoo foto goo mbutlna u lorra. Suuna halaŋ di ana, «Goloygiya ni looygi ma cukuygi ay ki hu mbassa Egiptena.»

GA 8ATAMBARA 16:22

Ҥinira ceɗi ta suuna goɓoɗta agi sa col taa fokom voɗi lay. Yawe Loogina ka minɗi.