KALKIRA 20:2 - Boy Lonana

² «Anni Yawe, Lo maŋŋa, ma kalaŋ ay ki hu mbassa Egiptera, ay ki hu mbaɓura.

KALKIRA 20:2 ပူးပေါင်းရင်းမြစ်များ

GA 8ATAMBARA 5:6

«Anni Yawe Lo maŋŋa, ma kalaŋ ay ki hu mbassa Egiptera, ay ki hu mbaɓurana.

Magaara Vi Sa Jok Vun Lona OZE 13:4

An tanda, Yawe, Looŋŋa, ay hu mbassa Egiptera day. Aŋ wan an kaɗi ni ka wi Lo ma daŋgi, sa suɗ ma daŋ kaɗi, ni an dew.

DLAŊ LEVIRA 26:13

Anni Yawe, Loogina, ma suɗugi ay ki hu mbassa Egiptera kay a agi li a suu masi suu sunusina oloɗi. An kaagi jug ma kelegina ay ki ni anu, agi mbuɗ tuɗ yagi ki tlii kolo ni unu.»

SOOLLA 81:10

hinigi loogi suu daŋŋa varagiɗi, agi goɓ gaa fok lo ma daŋgi.

KALKIRA 13:3

Moiz di suuna ana, «Humugi gagi kay buu ma agi cuk ay ki hu mbassa Egiptera buɗ ay ki hu mbaɓura, Yawe cukugi ay ki ni u saɓakŋa, sa ka ti fu ma u kuffa dukummaɗi.

DLAŊ LEVIRA 19:36

Ŋgaagi kelew tlena ni u voɗosi ɗegee, ŋga nekka ɗegee, ŋga fiyek tlena ɗegee may. Ni an, Yawe, Loogina, ma buɗugi ay ki hu mbassa Egiptera na.

GA 8ATAMBARA 7:8

Lini Yawe u kom ma saɓakŋa cukugi ay ki wa, suɗugi ki ko mbaɓura wa, ko Faraw mul ma Egiptena ni kay Yawe minigiya, vi vunum ay ni u somoyogi day.

GA 8ATAMBARA 5:15

Humuŋ gaŋ kay mbassa Egiptera hu li ma aŋ ay mbaɓurana, Yawe Looŋŋa kalaŋ ay ki u bik kom ma saɓakŋa, kay ndaɗta Yawe Looŋŋa ɦaŋ voɗta ana aŋ saa kay buu ma vi Lonna.

DLAŊ LEVIRA 23:43

Kay ana basara u basara agi wi ki ana hu li ma an buɗ suu Israelna ay ki hu Egiptena ni an buurusi ni hu mbutluɓma. Ni an Yawe, Loogina.»

GA 8ATAMBARA 15:15

Humuŋ gaŋ kay mbassa Egiptera hu li ma aŋ ay mbaɓura huna, Yawe Looŋŋa buɗuŋ ay kiyo, ni kay ndaɗta an ɦagi gaɗ ndaɗta cemi wanna.

GA 8ATAMBARA 13:10

Aŋ ndak a cam ki ni ci na ɗow, a cam kira ni aŋŋi sa ma a koŋ tin egem jewna, suu hiŋŋa hin dokoŋŋi dokiya.

DLAŊ LEVIRA 26:1

Yawe di ana, «Goɓogi loogi suu ɦawanaɗi, ceɗegi tlesuu agi a goɓ fokosi ko Lonana naɗi. Hu mbas magira ni ceɗegi ɦini mayra suuna a goɓ fokoɗta kalaɗ ay huɗi, goɓogi fokoɗɗi lay, kay anni Yawe, Loogina.

JEREMI 31:33

Gola ni galamba an hin vaɗ u suu Israelna ŋgoo dagan wanda. Yawe di na. An hin ɦasi gaɗ manda hurusi kurufuwa, ɓiiriɗ ki egesi lay, an hin li ni a Loosina, asi hin mbuɗ ki ni suu mansina may.

SOOLLA 50:7

Humugi haa suu mansina, an min ɓakka, aŋ Israel, an min di dlara kaŋga. «Anni Lona, ni Looŋŋa.»

ROMMA 10:12

Suu Juifna u njaf suu daŋŋa ka zeɗ zeɗɗi, kay asi halaŋ Bu Suuna masina ni dew ma ɦal tlena maŋ suu yam semma.

ROMMA 3:29

Na ni Lona ni Lo vi suu Juifna dew su? Nammi ka Lona vi njaf suu daŋŋa layɗi su? Nammi Lona vi njaf suu daŋŋa lay.

JEREMI 31:1

Hu coki ndaɗta Yawe di ana, an hin li ni a Lona vi suu Israelna halaŋ, asi may ni hin mbuɗ ki ni suu mansina.

2 DLAŊ MULINARA 28:5

Yawe, Loomma, hinim ki hu duk ko mul ma Sirina. Suu Sirina casiya, yow suu daŋŋa bolow coco daŋgayna may, tuɗusi ha ki hu Damas. Nam hinim ki ko mul ma Israelna, nam lasam ɓalak tlena cocoo.

KALKIRA 6:6

Kay ndaɗta aŋ di suu Israelna ana, ni an Yawe. An hin paɗagi ki hu lassa suu Egiptena ka lasagira, an hin buɗugi ki ko mbaɓura, an hin saagi sugulugi ni u saɓakŋa u eŋga.

KALKIRA 15:13

U ɗegee maŋga aŋ tak voɗta maŋ suu maŋ suu aŋ buɗusi ay kina. Aŋ golosi u saɓak maŋŋa. Tinisi ki hu liiŋ ma teteɗna.

KALKIRA 15:16

Ndaa ma ŋgolna ndi kay suu asina cocoo. U bik koŋ ma saɓak cocona asi seŋ vunusi halaŋ halaŋ. Hu li ma suu maŋsina ka jakŋa, Yawe, suu aŋ suɗusi ay kina hu li ma asi tuɗna.

KALKIRA 15:26

Nam dasi ana, «Anni Yawe, Loogina. Lini agi hum unu, lini agi li dlara an miniɗta, lini agi vi u gaɗ manda halaŋŋi, an ka tinigi tuguɗira an tiniɗ ay kay suu Egiptena wanda kagiɗi. Kay anni Yawe ma garaɗagi kina.»

KALKIRA 20:1

Lona njaɗ boy mamma halaŋ di ana,

KALKIRA 29:46

Asi hin wi ki ana, Anni Yawe, Loosina, Anni sa ma cukusi ay ki hu mbassa Egiptera a kak u asina, Anni Yawe, Anni Loosina.

DLAŊ LEVIRA 11:45

Kay ni an, Yawe, ma cukugi ay ki hu mbassa Egipterana kay a agi wi ki ana anni Lona, agi mba li tagi ki teteɗ, kay an ki ni teteɗ.»

SUU KAƁAKŊA 2:1

Sa sunda vi Yawe col ay hu Gilgal mba hu Bokim di ana, «An cukugi ay ki hu mbassa Egiptera. An mba selegi ki hu mbassa an suu tan vi vunun kaɗ u somoyogira. An di ana, an hin fokŋi ka bus galam manda an vaɗ u agira kiɗi.

EZAYI 43:3

Kay an, Yawe, ni Looŋŋa, ma Teteɗ ma vi suu Israelna ni saaŋ ma suɗuŋŋa. An ɦal suu Egiptena ki a mbuɗuŋga. Suu Etiyopina u suu Sebana varak ki ni kay seŋu.

JEREMI 2:6

Asi di ka ana, Yawe ni arage? Ma selemi ay ki hu mbassa Egiptera, ma takami voɗta ay hu fullana, hu mbassa gogoyra u dawna, mbassa faɗta ɦayra, li ma ci suuna kina, mbassa sa ka jak huɗira, sa ka kak huɗi layra?

JEREMI 16:14

Na ɗaŋ buuna mba wa, Yawe di na. Hu buu namma wanni sa hin ka di ana, «Yawe ma sel suu Israelna ay ki hu mbassa Egiptena ka iiri» ɗi.

JEREMI 34:13

Na ɗaŋŋi Yawe, Lona vi suu Israelna, ɓak anaba, an ni sa haɗ vi vun namma maŋ somoyogina, hu li ma an selesi ay ki hu mbassa Egiptera hu zi ma mbaɓura.

EZEKIYEL 20:7

An dasi ki ana gegelay ni hin dla co mamba ka kom cemi wanda kiyo, mbuɗugi tagi ki njenje u fuli suu Egiptenaɗi. An ni Yawe, Loogina.

EZEKIYEL 20:19

Anni Yawe, Loogina, poyogi ni u gaɗ manda. Golongi ni neenda, li uɗu.

AMOS 2:10

An may ɗaŋŋi selegi ay ki hu mbassa Egiptera hin tuɗugi hu fulla basara dok fiɗi, a tli mbassa vi suu Amorna.

KALKIRA 13:14

«Lini goroŋŋa joɓoŋ vin ana na ni kay mege? Ni aŋ dam ana Yawe cukuygi ay ki hu mbassa Egiptera ni u saɓakŋa buɗuy ay ki hu mbaɓura.

DLAŊ LEVIRA 25:38

Anni Yawe, Loogina, anni sa ma cukugi ay ki hu mbassa Egiptera a ɦagi mbassa Kanaanda ki magina, kay a an li irigi ni a Lona may.

DLAŊ LEVIRA 25:42

Kay suu an suɗusi ay ki hu mbassa Egiptera halaŋŋi suu sun mansina, sa ka ndak a gususi ki ko suuna gus mborɓiina naɗi.

DLAŊ LEVIRA 25:55

Kay suu Israelna ni suu man suu sunda, asi ni suu sun man suu an cukusi ay ki hu mbassa Egipterana. Anni Yawe, Loogina.»

GA 8ATAMBARA 20:1

Hu li ma agi cuk ki a duu u suu babali magisina, lini agi wi kulumina u puspus ma kulumina bolow coco lay ni, lagi ndaa kosiɗi. Kay Yawe Loogina ka u agiya, nammi sa ma cukugi ay ki hu mbassa Egiptera.

SUU KAƁAKŊA 6:10

An dagi anaba, Anni Yawe, Loogina, agi lagi ndaa loogi suu Amorna suu agi cuki dukusina ɗi. Agi may ni humungi vunun kaɗi.»

1 MULINA 18:39

Suuna halaŋ wi na ni, goɓ ki kaŋga u vun givisi halaŋ halaŋ di ana, «Yawe ni Lona, Yawe ni Lona.»

2 MULINA 17:7

Dla ndaɗta li na ni kayra suu Israelna li sulukŋa eg Yawe, Loosina. Nammi sa ma cukusi ay ki hu mbassa Egiptera. Asi hin li ki ni ndaa loogi suu daŋŋa na ɗow.

2 MULINA 17:12

Yawe dasi ki ana asi goɓ lo ma daŋgi lay ni asi hin goɓmi fulina na ɗow.

SOOLLA 81:7

an tlam nekka ki kam wa, nekka ay komba nam tiniɗ ki ga wa.

SOOLLA 81:11

Anni Yawe, Loogina ni, ma kalagi ay ki hu mbassa Egiptera, malagi vunugi kiyo, an min ɦagi tina.

EZEKIYEL 20:5

«Aŋ dasi ana, Bu Suuna, Yawe, di ana, hu buu ma an man suu Israelna kina ni an suu tanu, tli kon kolo fok njaf suu vi Yakobma, an tak tan ki irisiya, ay hu mbassa Egiptera, an suu tan tli kon kolo dasi ana. Anni Yawe, Loogina.

Magaara Vi Sa Jok Vun Lona OZE 12:10

An may ni Yawe, Looŋŋa, ay hu mbassa Egiptera day. An hin hoŋoŋ cecemi aŋ hin kak u mbutluɓ maŋŋa daŋgadla, ko ndal hu buu ma an mbay ŋgafagina na.