KALKIRA 2:20 - Boy Lonana

²⁰ Nam di goryom ana, «Sa namma ni arage? Agi hinim ha kini kay mege? Tuɗ yam ay nam mbay ti funa.»

KALKIRA 2:20 ပူးပေါင်းရင်းမြစ်များ

URA TIN AYRA 31:54

Yakob li ɓivunna kay ɦinira, nam yi gorsemma ay kay tina. Asi ti tini buu kay ɦini ndaɗta gaw.

URA TIN AYRA 43:25

Asi gi ii tlegeyesi suu a ɦasi maŋ Yosefna kaki may, a juɓum nam a kal ay ki faalira. Kay asi hum ki ana asi hin ti karam faali ni varamu.

HEBRENA 13:2

Lagi suu mba varagina jiviya, ko suu daŋŋa li suu sunda huulona jivi bay wasi ana ni asiya.

1 TIMOTE 5:10

Suuna halaŋ waɗ ki u sun maɗta jivira ndaɗ wul goryoɗ jiviya, ndaɗ gol suu mba varaɗna jiviya, ndaɗ mbus sem suu vina vi Lona njun u suu hahawra li sunda jivira halaŋ.

JOB 42:11

Gorsemma, gorsem suu gorɓiina, u ndarayam suu wamma halaŋ mbay a golomba. Asi ti funa ay u nam vo hu ziimu. Asi ɗilim irim kay hahawra ŋgolla Yawe mbaramba ay kamba. Asi halaŋŋi suu ɦam gursura may, suu ɦam kaaɗum lorra may.

JOB 31:32

Koy ma mbay vo varan ka buu ki bunsuɗi. Suu mba varanna halaŋ an malasi vun zina kiyo.

URA TIN AYRA 18:5

An hin tuɗ halagi va ma ti ay nde a ɦagi saɓakŋa, ŋgoo dagan agi hin jak koy magira tuwa. Ni kay ndaɗta agi tli ay kay saagi ma sunda ni na.» Asi hoŋom dira ana, «Li ko aŋ dira na.»

URA TIN AYRA 29:13

Hu li ma Laban hum kay Yakob goŋ wayambana na ni, nam paɗ liŋŋa, tuɗ mboɗom hurumu, hin mbaaram ay voo varamu. Yakob cuɗ dlaamba ki maŋ Laban halaŋ halaŋ.

KALKIRA 2:19

Asi dam ana, «Sa ma Egiptena suɗumi ay ki ko suu taa yoorina, nam go yona u tamba maŋ yoori mamisina ni nam lay.»

KALKIRA 2:21

Moiz vi kam a cuk ziim tok eg sa namma may. Nam ɦam goromba Sifora a caamba gaw may.