KALKIRA 19:9 - Boy Lonana

⁹ Yawe di Moiz ana, «Gola an min mbay ta ta egeŋ u ɗugulla doɓorokka, kay ana hu li ma an ɓak u aŋŋa ni suuna hum may, aŋ ɓak u anni asi hum may, a asi tin saa masira kan a fafaɗta.» Moiz tuɗ boy ma vi suunana maŋ Yawe may.

KALKIRA 19:9 ပူးပေါင်းရင်းမြစ်များ

GA 8ATAMBARA 4:36

Ay kolo huulona agi humum delemba ɓakŋa kiyo, ni a haɗagira, kay ndaŋgara tani nam takagi kura ŋgolla, ay duk ku ndaɗta agi humum delemba ɓakŋa.

KALKIRA 19:16

Hu buu ma hindina maɗiira a fo kira ni, della ɓak may, welera li may, ɗugulla doɓorokka kuluɓ ki kay ɦinira, del diffa bu ay saɓak cocoo, suuna hu ɦoŋzina halaŋŋi dlak ki na jik jik.

MATIYE 17:5

Vunum bay ndi kaŋga tu may ni, ɗugulla weleɗta kuluɓ ŋgusna kasiya. Asi hum della ɓak ay dukuɗ ana, «Ni Goron ma an minim ɦayna. An furiyum u hurun halaŋ. Agi vam vunumu.»

SOOLLA 97:2

Ndufunda u ɗugulla ŋguy kamu, ɗegeera u gasira ni dlam mamba mulla.

KALKIRA 20:21

Suuna mol ha ki na day. Moiz ɦuɗ tam ha hu li ma ndufun coco ma Lona ka huna.

KALKIRA 14:31

Suu Israelna wi dlara eŋga Yawe laɗ eg suu Egiptenara ki u irisiya. Suu Israelna li ndaa Yawe cocoo, asi tin hurusi kay Yawe kay Moiz saam ma sunda lay.

WIRA ŊGAYRA 1:7

Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.

Boy Ma Ayra Ma LUK Ɓiirimma 10:16

Yesu di suu haɗi mamsina olo ana, «Sa humugi vunugina, humun ni an may. Sa noyogi kina noyon ki ni an may. Sa noyon kina noy ki ni sa sunun ayna may.»

MARK 9:7

Ɗugulla kuluɓ ki kasiya. Asi hum della ɓak duk ana, «Ni gooron ma an minim ɦayna. Agi humum vunumu.»

EZAYI 19:1

Gola ni dlara njaɗ kay Egiptera, Yawe ful ay kolo kay ɗugul mayra ɓaɗ cocora, nam mba hu Egipte, fuli suu Egiptena dlak ndaana kom cocoo. Saɓak ma vi suu Egiptena lammi hurusi kurufuu.

EZAYI 7:9

Kay saɓak Efrayim ka hu Samari, saɓak Samari ka u goryoŋ Remaliyana may. Lini agi hurugi ka tinni saɓakgi, ni agi ka hin a col fok suu duuruginaɗi may.»

2 DLAŊ MULINARA 20:20

Suuna halaŋ yow kolo maɗii feɗet a tuɗ hu ŋgoo bagira Tekoara. Hu tuɗta asi ka jakka ni Josafat col kolo di ana, «Agi suu Yudana u suu Yerusalemma humugi haa, tinigi hurugi kay Yawe, Loogina, ni sa ma hin a su kagi kaɗi. Vagi vun suu mam suu jokom vunumma ni agi hin ti suuna.»

2 DLAŊ MULINARA 6:1

Salomon hin di ana, «Yawe min a kak hu li ma ndufunna, duk ndufunda.

1 MULINA 8:12

Salomon oo um kolo di ana, «Bu Suuna min a kak duk ndufunda.

KALKIRA 4:5

«Na ɗaŋŋi asi hin vi ana Yawe tak tam ay iriŋu, ni Lo ma vi somoyosina, Lona vi Abraham, vi Isaak, vi Yakob.»

KALKIRA 4:31

Suuna vi boy namma. Asi wi ki ana Yawe mbay a njun kay suu Israelna wa, nam wasi hahaw masira ay wa, asi goɓ ga cen Lona.

KALKIRA 34:5

Yawe cuk sem ay ga hu ɗugulla mba col egemu, Moiz yi sem Yawe.

NDUMBA 12:5

Yawe cuk ay ga duk ɗugulla mba col fun Mbutluɓ ma Tokkana. Nam yi gi Aaron u Miriyam. Asi jak ɦuɗ tasi ay fokomu.

SOOLLA 99:7

Nam ɓakasi ay kolo duk ɗugulla, asi hum u dlara nam dasirara may, hum u gaɗta nam ɦasira kara may.

GA 8ATAMBARA 4:10

Hu li ma Yawe dan boyna ay u ɦinira Horebpa ni agi ay coli egenu, Yawe dan ana, «Tokon suuna ay egenu, an min ɓakasi boy manna a asi haɗam a lan ndaaran hu li ma asi ka iiri tu kay ndaŋgara tanina. A asi haɗ boy namma ka maŋ goryosi may.»