KALKIRA 18:1 - Boy Lonana

¹ Jetro, mul ma li ɓivunna vi suu Madiyanna, kunuŋ Moizna, hum dlara Lona laɗ u Moiz u suu Israelna suu mamsinara halaŋ, Yawe cukusi ay ki hu mbassa Egiptera.

KALKIRA 18:1 ပူးပေါင်းရင်းမြစ်များ

KALKIRA 3:1

Moiz a taa yoori suu vi kunumma, Jetro, mul ma li ɓivunna vi suu Madiyanna wanni. Nam a tuɗ yoorina ki ŋgoo bagi hu fulla tew eg ɦini mayra vi Lonara hu Ҥinira Horebba

KALKIRA 2:16

Mul ma li ɓivunna ma vi suu Madiyanna gorɓiina kom ma kiɗisiya. Asi mbay go yona ga a ɦam maŋ yoori suu vi busina.

SUNDA 14:27

Asi mba Antiok tok suu vi Kristuna halaŋ egesiya, vasi u boy ma Lona li sunda ay u asina halaŋ, u mayra nam mal voɗta ki maŋ njaf suu daŋŋa asi vira lay.

ZAKARI 8:23

Yawe, ma Saɓakŋa Kom Belna, ɓak ana, hu buu namma wanni suuna doogo hu njaf vun ma suuna ɓakamma hin taɓ tasi eg sa Juif maa dew vam vun baraw mamma hin di ana, «Ami min a tuɗ u agiya, kay ami hum ana Lona ka u agiya.»

SOOLLA 106:2

Sa ma ndak a wi sunda ŋgolora vi Yawe ni gege? Sa ma ndak a ŋgaam ŋgol mambana ni gege?

SOOLLA 105:43

Nam cuk suu mamsina ay ki u furira, suu nam manasina tuɗ u soolla ayra irisiya.

SOOLLA 78:4

aygi ka ndak a ŋgay boy namma ki ko goryosiɗi, aygi haɗam ka maŋ njafaygi ma hin ka ŋgoroygi daganna may. A asi wi bibiŋilla vi Yawera, saɓak mamma ni dlara mbuɗ mbuɗta nam laɗta.

SOOLLA 44:1

Soolla vi sa ma fok suu gi soollana, soolla haɗta vi goryoŋ Korena.

SOOLLA 34:2

An gi deɓ Yawe tew tew, an ka hin deɓpa an gambara kiɗi.

JOSUWE 9:9

Asi hoŋom dira ana, «Suu sun maŋsina col ay ni hu mbassa dayra ni kay dlara vi Yawe, Looŋŋa, ami hum sem tii ha ki cocoo, dlara nam laɗ ay hu mbassa Egiptera.

JOSUWE 2:10

Kay ami hum ki ana hu li ma agi cuk ay ki hu mbassa Egiptera, Yawe soogi mbo Lum ma Cerewna ki fokogiya, u dlara agi laɗ eg muli suu Amorna suu mbana ay ŋgoo lum ma Yurdanna ii hiŋŋana gi Sihon u Og agi toosi ziisi ki halaŋ halaŋga.

ROMMA 15:18

Lini an min a ɓak eŋ kay va ni kay mayra Kristu yan ki a mbuɗ njaf suu daŋŋa ki a hum u Lona nam tak dla ndaɗta ki u boyna u sunda may.

SUNDA 15:12

Suu tokina halaŋ sa ka ɓak boyɗi, a hum vun gi Pol u Barnabas, a vasi u dlara takka u dlara mbuɗta ta Lona laɗ u asi duk suu ka njaf suu Juifnaɗina.

JEREMI 33:9

Asi hin li ni a gogor guun ma ɗuf wilina, ni semma tiira, ni dlara eg sana jivi mayra tak ki maŋ njaf suuna kay ndaŋgara halaŋ ana an ɦal tlesuu jivina maŋ Yuda u Israel ɦay lay. Asi hin mbuɗ ki ndaana ko tlesuu jivi suu an ɦasisinana lay, begera an ɦasira ŋgol cocora lay.

SOOLLA 105:5

Humugi gagi kay dlara mbuɗta nam laɗta, takka u ɓak ma kal ay ki funumma,

SUU KAƁAKŊA 4:11

Coki ndaɗta ni Heber ma Kenna ka cuki eg Kedes na tok. Nam ɓorow dukum ay ki u suu Kenna suu hiniŋŋa suu hu njaf Hobab ma tanaŋ Moizna. Nam pi mbutluɓ mamma ki eg ɦoy ma Sananimma na tok eg Kedes.

NDUMBA 10:29

Moiz di tanamma Hobab, ma goŋ Rewelna, ma kunum ma Madiyanna ana «Ami tuɗ hu mbassa Yawe vi vunum kaɗ a ɦamirara, aŋ tuɗ ay umiya, ami min ɦaŋ jivi mayra Yawe vi vunum kaɗ a ɦaɗ maŋ suu Israelnara.»

KALKIRA 4:18

Moiz hoŋ eg kunumma, Jetro, dam ana, «Cemi an min hoŋ eg gorsenna hu Egipte tuɗ golosiya, lini asi ka iiri tuwa.»

KALKIRA 2:21

Moiz vi kam a cuk ziim tok eg sa namma may. Nam ɦam goromba Sifora a caamba gaw may.

KALKIRA 2:18

Asi hoŋ ay vo eg busi Rewel, nam dasi ana, «Agi hoŋ ay karam na zakŋi nanage?»

KALKIRA 6:6

Kay ndaɗta aŋ di suu Israelna ana, ni an Yawe. An hin paɗagi ki hu lassa suu Egiptena ka lasagira, an hin buɗugi ki ko mbaɓura, an hin saagi sugulugi ni u saɓakŋa u eŋga.

SUU KAƁAKŊA 1:16

Suu Kenna njaf ma vi kunuŋ Moizna yow ay hu ɦoŋzi Jerikona u suu Yudana, ŋgoo bagi hu mbassa Yudara hu ɦoŋzi hu Aradta na. Asi mba vi ziisi ki duk suu ŋgoo bagina.