KALKIRA 17:7 - Boy Lonana

⁷ Nam tin sem li namma ana Massa u Meriba, Tukka u Honira, ni ko yal ma suu Israelna yal u namma. Kay asi tuk Yawe di ana, «Na ni Yawe ka dukuygi gasi su?»

KALKIRA 17:7 ပူးပေါင်းရင်းမြစ်များ

SOOLLA 81:7

an tlam nekka ki kam wa, nekka ay komba nam tiniɗ ki ga wa.

SOOLLA 95:8

soogi hurugi ki ko agi li ay hu Meribara na oloɗi, ko hu li ma agi ay ŋgoo bagi hu mbassa Massara naɗi.

NDUMBA 20:13

Ni mbo ma Meribana, ni ana Honira, ni hu li ma suu Israelna hal a li ɦonira u Yawena, nam tak teteɗ mamba kiyo.

GA 8ATAMBARA 9:22

Ay hu Tavera, Massa u Kivrot-Taava agi ɓeŋ huu Yawe ay na olo.

KALKIRA 17:2

Suu Israelna yal u Moiz ana, «Ҥami yo ma cira aya.» Moiz dasi ana, «Agi yalanni kay mege? Agi min a tuk Yawe ni kay mege?»

NDUMBA 20:24

«Aaron cemi ka dukugi oloɗi, nam tuɗ ki eg somoyom suu jewna, nam ka ndak a kal hu mbassa an ɦaɗ maŋ suu Israelnaraɗi, kay agi ŋgelen vunun li ka u boy ma an dagina ay fun mbo ma Meribanaɗi.

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

JOSUWE 22:31

Pinhas, ma goŋ mul ŋgol ma li ɓivunna, Eleazar, di goryoŋ Rubenna u goryoŋ Gadna u suu vi Manasena ana, «Ami wi ki ana Yawe ka dukuygiya kay ana agi li dlara co ka eg Yaweɗi, agi buɗ gorsegi suu Israelna ki ko Yawe wa.»

GA 8ATAMBARA 31:17

Li wa na ni yaanda hin puk kasi hu buu namma, an hin noyosi kiyo, hin ŋgay tan ki irisiya. Yoora u hahawra ŋgolla hin fasiya, asi hin di hu buu namma ana, dlara hahawra fami ko ndaɗta na ni kay Loomina ka u ami oloɗira.

KALKIRA 34:9

Nam di ana, «Lini an fi gasi jivira iriŋ wa ni ɦii, Bu Suuna, tuɗ ay dukumiya, kay suuna ca ni yasi eŋ cocoo. Na may aŋ bulumumi dla coomira kiyo. Aŋ mbuɗumi ki a suu maŋsina.»

NDUMBA 14:22

duk suu asina halaŋ suu wan ŋgol manda ki u irisina, wi dlara mbuɗ mbuɗta an laɗ ay hu Egiptera lay, u dlara an laɗ aya ŋgoo bagira lay, asi hin li dlara a tukunda ki yasi ca ni doogo, ka min a humun vununɗi,

NDUMBA 27:14

Ni kay ana ay ŋgoo bagi hu fulla Sinda hu li ma suu Israelna halan a ɦonira, aŋ lay li ka u dlara an daŋgaraɗi hu li ma an daŋ ana takan teteɗ manda ki fok suuna u mbo ma ɓaɗ ay ki duk ɦinirana.» Ni mbo ma Meriba ay hu Kades hu fulla Sindana.

GA 8ATAMBARA 6:16

Agi ka tuk Yawe Looginaɗi, ko ndal agi lam ay hu Massara naɗi.

GA 8ATAMBARA 33:8

Kay Levi ni nam di ana Tummim maŋŋa u Urim maŋŋa ni maŋ sa ma kaki u aŋ ɗegeena, ko aŋ fi tuk ndaɗta ay hu mbassa Masarana, hu mbo ma ay hu Meribana.

SOOLLA 78:18

Asi tuk Lona u dlara, joɓ ana asi min a ti ni u min masira.

SOOLLA 81:8

Hu li ma aŋ ka yi kolo kay lassa an buɗuŋ ki wa, an hoŋoŋ dira ay ki ŋgay gumun wa, an tukuŋ ay u dlara tok eg mbo ma Meribana.

SOOLLA 106:32

Hu li ma asi tew tok eg mbo ma Meribana, asi ɓeŋ huu Lona olo. Hu li namma Moiz fi daŋgayna lay,