KALKIRA 16:7 - Boy Lonana

⁷ Vin maɗii ni agi hin wi bibiŋilla vi Yawera kay nam humugi gurni magira egemba ha wa, ami ni me kay tami mayge? Agi gurni ni ka egemiɗi, ni eg Yawe.»

KALKIRA 16:7 ပူးပေါင်းရင်းမြစ်များ

EZAYI 40:5

Bibiŋilla vi Yawera hin tak kiyo, suuna hin waɗ ki u irisiya. Tlesuu iirina halaŋ hin waɗu, ta vun Yawe ɓak kaɗta.

NDUMBA 16:11

Kay ndaɗta aŋ u suu maŋ suu uŋŋa halaŋ taɓagi tagi a duu u Yawe, Aaron nammi ge ba agi a duu u nam mige?»

Boy Ma Ayra Ma JAŊ Ɓiirimma 11:40

Yesu hin daɗ ana, «An li dak ay ana, ndak li tin huruk kanu ni, ndak hin wi saɓak ma vi Lona tuwa naɗi su?»

Boy Ma Ayra Ma JAŊ Ɓiirimma 11:4

Yesu hum boy namma na ni, di ana, «Lazar ka miɗ ko tuguɗi ndaɗtaɗi. Tuguɗi ndaɗta a tak ki ni saɓak ma vi Lonna, a hin ɦal saɓakŋa maŋ Goŋ Lonna lay.»

EZAYI 35:2

Ko asi halaŋ ɓoo, asi weɗ koloo, luura, sawalla furira. Bibiŋilla vi gu ma Libanna ɦasira ki wa. U ŋgolla vi ɦinira Karmella ura Saronda lay. Suuna hin wi bibiŋilla vi Yawe wi ŋgolla vi Looyginara.

KALKIRA 40:34

Ɗugulla kuluɓ ki kay mbutluɓma, bibiŋil Yawe oy ki kalafi hu mbutluɓma.

KALKIRA 16:10

Hu li ma Aaron ka ɓak suu Israelna na ni, nam mbuɗ irim ha ŋgoo bagi hu fulla na. Bibiŋilla vi Yawera tak taɗ ay ki hu ɗugulla.

NDUMBA 14:10

Suu Israel suu tokkina hal a gikisi u gogoyra, may ni bibiŋilla vi Yawera tak taɗ ay ki kolo kay yam zira tokka.

NDUMBA 14:27

«Suu co asina hin a hin ŋgulla ŋgulunda ki ni saɓage? An hum gurnira asi gurni u senda wa.

KALKIRA 24:16

Bibiŋilla vi Yawera ka kolo kay Ҥinira Sinayra, ɗugulla kuluɓ ki kay ɦinira ta ta buuna karkiya. Hu buu ma kiɗisiyana, nam yi Moiz ay duk ɗugulla.

KALKIRA 24:10

Asi wi Lona ma suu Israelna goɓomma, u sem ga ni ko ɦini mayra yaɗ ana Safirra na, gi mbaɗagira ko ndal huulona na.

DLAŊ LEVIRA 9:6

Moiz di ana, «Gola ni dlara Yawe min ana agi laɗta kay ana bibiŋilla vi Yawera tak taɗ ki irigiya.»

KALKIRA 16:12

«An hum gurnira vi suu Israelna ha wa. Aŋ dasi ana, fiɗigi goona gege ni agi hin kommi tliwna, maɗiira ni agi hin hoɓ u funa may. Agi hin wi ki ana anni Yawe, Loogina.»

KALKIRA 16:8

Moiz min dasi ni ana, «Hu fiɗigira ni Yawe hin ɦagi tliwna maɗiira ni nam ɦagi funa agi ti, hoɓ may. Kay Yawe humugi gurni magira ha wa agi gurni ni egemu, ami ni gege a agi gurni egemi nige? Agi gurni ni eg Yawe.»

NDUMBA 17:5

Ni a gi humba maŋ suu Israelna kay ana sa ma ka hu njaf ma vi Aaronnaɗina ka ndak a ɦuɗ tam ay fok Yawe a ŋgal mbul ma hisnaɗi. A gasi humusi ana ka dlara hin vasi ko Kore na oloɗi, asi ba ki u suu mamsina. Yawe di boy namma ay ki jew fun Moiz lay.