KALKIRA 16:3 - Boy Lonana

³ Suu Israelna dasi ana, «Lini Yawe cami ha ni hu li ma ami ay laki hu Egipte, fun doy tliw mamina ti may hoɓ lay na ni mariyaɗ, agi hin mbaarami cukumi ki ŋgoo bagi tani a suu mamisina laɓ ki ko mayra.»

KALKIRA 16:3 ပူးပေါင်းရင်းမြစ်များ

KALKIRA 17:3

Hu li namma suuna laara casi cocoo, suu Israelna gurni eg Moiz ana, «Aŋ a cukumi ay ki hu Egipte ni kay mege? Hin a laɓami ki u laara, ami lay, goryomi lay, yoori mamisina lay ni amege?»

YOORA 4:9

Suu casi ki u ŋgewnana jivi su suu mayra casi kina, suu puk kaŋga saɓakasi kaɗi ko va ka li hu senena oloɗira.

GA 8ATAMBARA 28:67

Maɗii ni agi yoo ana njeŋgera hin mba ni saɓage, njeŋge ni agi yoo ana maɗiira hin fo ki ni saɓage, hurugi ki mbuɗi ndaana coco kay dlara agi ka waɗ li u irigira.

JEREMI 2:6

Asi di ka ana, Yawe ni arage? Ma selemi ay ki hu mbassa Egiptera, ma takami voɗta ay hu fullana, hu mbassa gogoyra u dawna, mbassa faɗta ɦayra, li ma ci suuna kina, mbassa sa ka jak huɗira, sa ka kak huɗi layra?

NDUMBA 14:2

Suu Israelna halaŋ gurni kay gi Moiz u Aaron suu Israelna u dlasi halaŋ mba dasi ana, «Ҥaya lini ami miɗ ha ni hu Egipte ni mariyaɗ, ɗowba lini ami miɗimi ni ŋgoo bagi tani ni irimi mariyaɗ.

1 KORINTNA 4:8

Agi fagi tlesuu agi minisina wa halaŋ, ɦizigi wa halaŋ, agi mbuɗugi ki mulina, ami ka na koɗi, an min ana agi mbuɗugi ki a muli suu gasina, kay ami mba taɓ u agi mbuɗ na may.

JOSUWE 7:7

Josuwe cen Lona hin di ana, «Ҥii, Bu Suuna Yawe, aŋ hin hin suu Israelna a calaɗ mbo lum ma Yurdanna ay ki ni kay mege? Ni kay a hinimi ki ko suu Amorna a asi baami kira su? Lini hinimi ha ni doŋ lumma keŋ hiŋŋa ni mariyaɗɗi su?

2 KORINTNA 11:1

Lini agi mina vi laɓara kagiya siɓ u anu.

SUNDA 26:29

Pol hoŋom dira ana, «Cecemi lay, ha fokka lay an cen Lona ana huruŋ mbuɗ ni aŋ dewɗi, agi suu humun karam boy mannana halaŋ mbuɗ ni ko an na may, kay njunda an njuni u galinara ɦawaɗi.»

JOB 3:20

«Nam hin kiɗikka li kay sa ma ka lasna mbee ni kay mege? Ҥal iirira maŋ suu ka hu yoorana ni kay mege?

JOB 3:10

Kay ndaɗ doo vuɗta an vuɗ ay ki huu sunda kaɗi, hin a an wi hahaw mayra coco wanda u irinu.

JOB 3:1

Ŋgoo dagan wanni Job gijaŋ ɓakŋa ŋgul buu maa nam vuɗ ki kay ndaŋgarana.

GA 8ATAMBARA 8:3

Nam gagi ki hawra, nam ndagi ki mayra, hin ɦagi manna a tira, fu ma agi u somoyogi lay tam ka dewɗina. Ni kay a takagi ki ana sana kak iirira ni ka kay funa dewɗi, may nam kak iirira ni kay boy ma kal ay ki fun Yawena halaŋ.

NDUMBA 16:13

Cuk mayra aŋ cukumi ay ki hu mbas mayra law ki mbiira u mbul yumma mba lakami ki ŋgoo bagi hu fulla tanira ndakaŋ ka tuɗi su? Cemi olo an min ana aŋ kak a mulla kamiya?

NDUMBA 11:15

Lini aŋ a lanni na ni mariyaɗ ni can kiyo. Lini aŋ wan hahawan wa ni, hinin a an zii dlara ɓeŋ huuna ko wanda naɗi.»

KALKIRA 5:21

Asi dasi ana, «Ko Yawe gol aya nam kaɓak mamma, Faraw u suu mamsina ka minimi oloɗi, ni kay boy magina, agi guurusi sii ŋgewina kosi a cami kira wa.»

KALKIRA 2:23

Duk ɦoŋ basara fiyek ndaɗta Faraw, mul ma Egiptena, miɗ kiyo. Goryoŋ Israelna ka yoo tasi ko lassa mbaɓura may. Asi ka yi eg Lona koloo, yiisira tew kolo eg Lona wa may.

NDUMBA 14:3

Yawe min a tuɗumi hu mbassa a suuna cami kira ni kay mege? Boyogomi u goryomi suuna hin yowosi ki mbaɓura, mariyaɗa ni ka hoŋoygi hu Egipteɗi su?»

SOOLLA 78:19

Asi cen Lona di ana, «Na ni Lona hin ndak a ɦasi tina ki ŋgoo duk gura tani su?

SOOLLA 78:25

Gegelay ti ni ti ma vi suu sunda huulona, nam ɦasi tlesuu tira asi ti ki u mayasiya.

JEREMI 42:14

Lini agi di ana ɦawaa ami min a hoŋŋi Egipte hu li ma ami ka a wi dlara duuna oloɗi, hu li ma ami hin hum sawalla duuna oloɗi lay, hu li ma ami hin ka wi haw fu ma tira oloɗi layna, ami min kakŋi hu li namma.

JEREMI 44:17

Ami min li ni dlara ami vi vunumi kaɗ a laɗta. Ŋgalami ɓivunna maŋ mul cara kolo huulonara. Ami hin ɦaɗ mbul ma his jivina ko ami li ay hu ɦoŋzi ma Yerusalemma u ma Yudana na. Ami tamira lay, somoyomi lay, muli mamisina lay, suu ŋgolo mami suu sunda lay. Ko ndaɗta na ami fami fu ma tira um hin ki komi lay. Ami kaki u heɓpa ka wami dla co egemiɗi lay.

KALKIRA 14:11

Asi di Moiz ana, «Aŋ a mbaarami ki tani na ni ndaŋgara pamira ha ka hu Egipteɗi su? Aŋ mba baami ki ŋgoo tani ni kay mege? Aŋ a lami egemi na ni dla mege?

NDUMBA 11:20

Na may ta ta tilna dew, ta ta nam mbuɗ kal ay ki cinigiya, mbuɗ bisigi ki lay. Halaŋ ca ni kay agi noy Yawe ma ka dukugina kira, agi tii ana aygi cuk ay ki hu Egipte ni kay mege?»

NDUMBA 21:5

Suuna gijaŋ gurni eg Lona u Moiz ana, «Agi cukumi ay ki hu mbassa Egiptera ni kay mege? Ni a ami ba ki ŋgoo bagi tanira ɦawaa, kay ŋgoo tani fu kaɗi lay, yo kaɗi lay, fu ma ami tam tew tew wanna bisimi wa lay.»

SOOLLA 107:5

Mayra casiya, laara lasi lay, asi laɓ ha ki ŋgooro.