KALKIRA 13:3 - Boy Lonana

³ Moiz di suuna ana, «Humugi gagi kay buu ma agi cuk ay ki hu mbassa Egiptera buɗ ay ki hu mbaɓura, Yawe cukugi ay ki ni u saɓakŋa, sa ka ti fu ma u kuffa dukummaɗi.

KALKIRA 13:3 ပူးပေါင်းရင်းမြစ်များ

GA 8ATAMBARA 24:18

Humuŋ gaŋ kay li ma aŋ li ay hu Egiptena aŋ ay ni mbaɓuna may, Yawe Loogina buɗuŋ ay ki hu mbaɓura. Kay ndaɗta an dagi ana agi mba li u boy namma jiviya.

GA 8ATAMBARA 5:15

Humuŋ gaŋ kay mbassa Egiptera hu li ma aŋ ay mbaɓurana, Yawe Looŋŋa kalaŋ ay ki u bik kom ma saɓakŋa, kay ndaɗta Yawe Looŋŋa ɦaŋ voɗta ana aŋ saa kay buu ma vi Lonna.

KALKIRA 20:2

«Anni Yawe, Lo maŋŋa, ma kalaŋ ay ki hu mbassa Egiptera, ay ki hu mbaɓura.

GA 8ATAMBARA 16:12

Humugi mba gagi ana agi ay hu mbassa Egiptera ni mborɓiina may. Agi gol gaɗ ndaɗta jiviya, lagi uɗ may.

GA 8ATAMBARA 5:6

«Anni Yawe Lo maŋŋa, ma kalaŋ ay ki hu mbassa Egiptera, ay ki hu mbaɓurana.

GA 8ATAMBARA 15:15

Humuŋ gaŋ kay mbassa Egiptera hu li ma aŋ ay mbaɓura huna, Yawe Looŋŋa buɗuŋ ay kiyo, ni kay ndaɗta an ɦagi gaɗ ndaɗta cemi wanna.

GA 8ATAMBARA 6:12

Lagi tagi jiviya, maaragi ki kay Yawe ma cukugi ay ki hu mbassa Egiptera nadi, nammi sa ma buɗugi ay ki hu mbaɓurana.

GA 8ATAMBARA 16:3

Agi ka ti fu ma kuffa dukummaɗi ta ta buuna kiɗisiya ni agi ti ni fu ma bay kuffa dukumma sak sakŋi fu ma hahawra, kay agi cuk ay ki hu Egipte ni na zak gaw, a humugi gagi kay buu ma agi cuk ay ki hu mbassa Egiptera hu buuna tew tew hu li ma agi ka iiri tuna.

GA 8ATAMBARA 8:14

ŋgaagi tagi a maaragi ki kay Yawe Looginaɗi. Nammi sa ma cukugi ay ki hu mbassa Egiptera, hu sunda mbaɓurana.

KALKIRA 13:14

«Lini goroŋŋa joɓoŋ vin ana na ni kay mege? Ni aŋ dam ana Yawe cukuygi ay ki hu mbassa Egiptera ni u saɓakŋa buɗuy ay ki hu mbaɓura.

JOSUWE 24:17

Kay Yawe ni Loomina, nammi sa ma taɓammi ay ki kolona, ami u somoyomi halaŋ ay ki hu mbassa Egiptera, buɗumi ay ki hu mbaɓura. Nam li dlara mbuɗ mbuɗta ŋgolora irimi coco ko wandara na. Nam golomi ay hu voɗta fiyekka wanda halaŋ, golomi ay duk suu ami jak ay dukusi cana halaŋ.

GA 8ATAMBARA 13:10

Aŋ ndak a cam ki ni ci na ɗow, a cam kira ni aŋŋi sa ma a koŋ tin egem jewna, suu hiŋŋa hin dokoŋŋi dokiya.

GA 8ATAMBARA 24:22

Humugi gagi kay agi li ay ki hu mbassa Egiptera ni mborɓiina may. Kay ndaɗta an dagi ana agi mba li u gaɗ ndaɗta jiviya.

KALKIRA 12:42

Ni njeŋge mayra Yawe saa kay suu Israelna a cukusi ki hu mbassa Egiptera. Njeŋge ndaɗta ki ni maŋ Yawe. Ni Buu ma suu Israelna saa ha kam fok na gak gakŋa.

GA 8ATAMBARA 13:5

Agi tuɗ ni u Yawe Loogina nam dew, agi lammi ndaaram na dew, agi li ni u gaɗ mamba na hol, agi humummi delem na dew, sunummi nam dew may, agi njun tagi ni egem na dew.

GA 8ATAMBARA 4:34

Ɗowba lo ma ɦawa maa tuk tam dew a mba duk suuna a tlasi ki a suu mamsina u takka ko wanda na ka su? Ma duu kay suu mamsina u bik kom u saɓakŋa li ndaana coco ko ndal Bu Suuna Loogina li ay kagi hu Egiptera na ka su?

KALKIRA 23:15

Agi li luu ma ti fu ma bay kuffa dukumma buuna kiɗisiya ni agi ti ni fu ma bay kuffa dukumma ko an haɗaginara na hu til ma ŋgaamma til ma yam wana neeyna. Ni buu ma agi cuk ay ki hu Egiptena. Sa ka mbay egen a golon u kom ma vadlnaɗi.

KALKIRA 20:8

«Humuŋ gaŋ kay buu ma koɗ tara, buu namma aŋ golom ki teteɗ.

KALKIRA 12:19

Hu buu ma kiɗisiya namma ni sa ka wi kuf vo varagiɗi. Sa ma ti fu ma kuffa dukŋa, koyna ɗowba sa ma voona, sa namma ka duk suu Israelna oloɗi. Njafam bulum ki duk suu Israelna.

KALKIRA 12:8

«Agi kom tliw namma ki ni njeŋge ndaɗta, agi cuf tliw namma ni cufiya, komommi u fu ma bay kuffa dukumma, tlumum u usu ma galaana.

KALKIRA 6:1

Yawe di Moiz ana, «Cemi aŋ hin wi dlara an hin a laɗ eg Farawda. Nam hin hinisi tuɗ ki ni u doolera, nam hin dikisi ay ki hu mbas mamba ni u saɓakŋa.»

KALKIRA 3:20

An hin maɗ kon kiyo, hin ci suu Egiptena u dlara mbuɗ mbuɗta zeɗ zeɗ ta an hin laɗ dukusira, ŋgoo dagan nam hin hinigi agi tuɗa.

KALKIRA 12:15

«Ta ta buuna kiɗisiya ni agi ti ni fu ma bay kuffa dukumma. Hu buu ma jewna gawni, agi cuk kuffa ka vo varagira ki halaŋ. Sa ma ti fu ma kuffa dukumma hu buu ma jewna ta ta buu ma kiɗisiyana, sa namma hin tlam ki duk suu Israelna.

SOOLLA 105:5

Humugi gagi kay dlara mbuɗta nam laɗta, takka u ɓak ma kal ay ki funumma,

EFESNA 1:19

Agi mba wi saɓak ma mbuɗ mbuɗta ma nam ɦam maygi aygi suu vinana. Saɓak namma Lona takam ki u eŋga ŋgolla

1 KORINTNA 11:24

ŋgoo dagan gi deɓ Lona kam sini, nam ɓorowom kiyo hin diya, «Ni mbalatan ta ɦal ki kagira. Lagina kay humugi mba gagi kanu.»

1 KORINTNA 5:8

Laygi luu maygina u kuffa basiraɗi, kuffa vi cora u dlara zoŋgaɗi u fu ma bay kuffa, fu ma teteɗna u gasira.

Boy Ma Ayra Ma LUK Ɓiirimma 22:19

Nam tli funa kom tani, gi deɓ Lona kamu, mbulukum irim ki duk mbulukŋi, ɦasina ana, «Ni tliwin [ma ɦam ki kagina, lagi ka na tew tew a humugi gagi kanda.»

NEHEMI 9:10

Aŋ li dlara, tak dlara mbuɗ mbuɗta eg Faraw, eg suu mam suu li sunda, eg suu hu mbas mambana halaŋ kay aŋ wi ana u ŋga ta masira asi lasasiya, aŋ yi semma kaŋŋi ko ma wam karamma na.

1 DLAŊ MULINARA 16:12

Humugi gagi kay dlara mbuɗ mbuɗta nam laɗta. Dlaamba mbuɗ mbuɗta u kaɓak ma kal ay ki funuma.

MATIYE 10:12

Zira agi cuk hura, dagi ana, Heɓpa li hu zi ndaɗta.

KALKIRA 6:6

Kay ndaɗta aŋ di suu Israelna ana, ni an Yawe. An hin paɗagi ki hu lassa suu Egiptena ka lasagira, an hin buɗugi ki ko mbaɓura, an hin saagi sugulugi ni u saɓakŋa u eŋga.

KALKIRA 7:4

Faraw hin ka a humugi vunugiɗi, an hin tin kon kay mbassa Egiptera, an hin cuk suu mansina ki u eŋga suu man suu Israelna ki hu mbassa Egiptera.

KALKIRA 12:17

Agi saa kay luu ma fu ma bay kuffa dukumma tew tew, kay hu buu namma ni buu ma an cukugi ɓagi magi ma duuna ki kiɗikŋa. Agi saa kay buu namma hu basara basara hani na gak gakŋi ka gaɗta ɗo ki dukgi.

KALKIRA 13:9

Yawe kalaŋ ay ki hu mbassa Egiptera ni u saɓakŋa, ni dlara hin a gaŋ humuŋ kara, aŋ waɗ u iriŋu, ka ndum gaɗ ndaɗta vi Yawera u vunuŋ may.

GA 8ATAMBARA 7:8

Lini Yawe u kom ma saɓakŋa cukugi ay ki wa, suɗugi ki ko mbaɓura wa, ko Faraw mul ma Egiptena ni kay Yawe minigiya, vi vunum ay ni u somoyogi day.

1 MULINA 8:42

Kay suuna hin hum ha ki kay seŋ ma ŋgol cocona, kay koŋ ma saɓakŋa u bikiŋ ma nek cocona. Lini nam mba a ceneŋ eg zi ndaɗta ni,

SOOLLA 114:1

Hu li ma suu Israelna cuk ay ki hu Egipte, hu li ma goryoŋ Yakobma hin njaf suu co asina ha kina,

SOOLLA 136:11

nam cuk suu Israelna ay kiyo kay ɗegee mamba ka ni na gak gak.

URA TIN AYRA 15:16

Gor ŋgologi maŋ suu fiɗina hin hoŋ ay tani ni asiya, kay cora vi suu Amorna bay ndak tuwa.»

KALKIRA 6:7

«An hin mbuɗugi ki ni a suu mansina, an hin li ni a Loogina may. Agi hin wi ki ana, anni Yawe, ni Loogina, ni sa ma buɗugi ay ki ko lassa Egiptera.

KALKIRA 12:2

«Til namma hin varagi ni a til ma jewna duk tilna halaŋŋa. Agi gijaŋ ndum basa magira ni u til namma.

KALKIRA 12:41

Hu li ma basara 430 ndakŋa, hu buu namma, Yawe cuk suu mamsina ay ki hu mbassa Egiptera ko tasi dew.

KALKIRA 34:18

«Humuŋ mba gaŋ kay luu ma fu ma bay kuffa dukumma tew tew. Hu buuna kiɗisiya aŋ ti fu ma bay kuffa dukumma. Ni va ma an daŋŋa kina. Ni hu til ma wana neeyna, kay agi cuk ay ki hu Egipte ni hu til ma wana nena.

GA 8ATAMBARA 6:21

Aŋ hin di ka maŋ gooroŋ ana, «Aygi ay ki ni mborɓiina vi Faraw hu mbassa Egiptera, may Yawe cukuygi ay ki ni u bik kom ma saɓakŋa hu mbassa Egiptera.

GA 8ATAMBARA 9:12

Yawe hin dan ana, «Col kolo zak ɗiŋ ha ki gaa, suu maŋsina ɓalak ki wa, suu maŋ suu aŋ cukusi ay ki hu Egiptena. Asi juɓ ka a li u voɗta an takasiraɗi, asi min fulina lorra ma asi yoorom u kurana kay tasiya.»

GA 8ATAMBARA 13:6

Sa ma jok vun Lona ɗowba sa ma wi ha fokom namma cam kiyo, kay nam li dla cora ni eg Yawe Loogina, ma cukugi ay ki hu mbassa Egiptera hu mbaɓura, sa namma hal a tuɗugi ki ni day eg voɗta Yawe Loogina takagirara. Agi tli co ndaɗta ki dukugiya.

GA 8ATAMBARA 13:11

Aŋ gikim ki u ɦinira nam miɗ kiyo, kay nam hal a tuɗuŋ ki day eg Yawe Looŋŋa, ma kalaŋ ay ki hu mbassa Egiptera hu li ma mbaɓurana.

GA 8ATAMBARA 16:1

Humugi maa ki kay til ma yam ana Abibmaɗi, hu til namma ni lagi luu ma Pakŋa, maŋ Yawe Loogina. Nam, Yawe, cukugi ay ki hu Egipte ni hu njeŋge ndaɗta.

GA 8ATAMBARA 26:8

«Yawe cukumi ay ki hu mbassa Egiptera u kom ma saɓak cocona, u ndaa ma ŋgol cocona u dlara takka mbuɗ mbuɗta ɦay.

SUU KAƁAKŊA 2:12

Asi noy Yawe, Lo ma vi somoyosina kiyo, ma cukusi ay ki hu mbassa Egiptera. Asi pereɗ iirisi ki u loogi suu vi suu ɦawana, suu may suu ŋguyusina. Asi goɓ ga fokosiya. Asi ɓalak huu Yawe kiyo.

SUU KAƁAKŊA 6:8

Yawe sun sa ma jok vun Lona ay eg suu Israelna dew mba dasi ana, «Yawe, Lo ma vi suu Israelnana, di ana, Anni ka sa ma cukugi ay ki hu mbassa Egiptera ɗi su? An buɗugi ay ki hu mbaɓura ni ka an ɗi su?

NEHEMI 1:10

Asi ni suu maŋ suu sunda, suu maŋsina, suu aŋ gususi u saɓak maŋ ma ŋgolna, u saɓak koŋu.

SOOLLA 89:14

Aŋŋi malaŋ saɓakŋa, koŋ ma njufna su ki kay dlara halaŋ.

SOOLLA 136:12

Kom saɓak cocoo, bikim fiyek lay kay ɗegee mamba ka ni na gak gak.

JEREMI 34:13

Na ɗaŋŋi Yawe, Lona vi suu Israelna, ɓak anaba, an ni sa haɗ vi vun namma maŋ somoyogina, hu li ma an selesi ay ki hu mbassa Egiptera hu zi ma mbaɓura.

DANYEL 9:15

Cecem wanda Bu Suuna, Loomina, aŋ ma sel suu maŋsina ay ki hu mbassa Egiptera u koŋ ma saɓakŋa, ma seŋ fi ŋgara um ko aŋ karam gak ka wanda nana, ami ay jew ni suu sulukŋa, suu cona.