KALKIRA 13:16 - Boy Lonana

¹⁶ «Yawe cukuygi ay ki ni u saɓakŋa hu mbassa Egiptera. Ni dla mayra hin a takaŋ ka na gak gakka, aŋ waɗ u iriŋ lay.»

KALKIRA 13:16 ပူးပေါင်းရင်းမြစ်များ

KALKIRA 13:9

Yawe kalaŋ ay ki hu mbassa Egiptera ni u saɓakŋa, ni dlara hin a gaŋ humuŋ kara, aŋ waɗ u iriŋu, ka ndum gaɗ ndaɗta vi Yawera u vunuŋ may.

GA 8ATAMBARA 11:18

Boy ma an dagina wanna vagina hurugi jiviya, ŋgayam hurugiya, agi takam ki u njunda njunum ki del kogira, ɓiirigina ki vogogi a va ma gi humba.

KALKIRA 13:14

«Lini goroŋŋa joɓoŋ vin ana na ni kay mege? Ni aŋ dam ana Yawe cukuygi ay ki hu mbassa Egiptera ni u saɓakŋa buɗuy ay ki hu mbaɓura.

MATIYE 23:5

Tlesuu asi lasi halaŋŋa ni ana suuna wasiya. Ni kay ndaɗta asi ɓii magaara gaɗta ɓii ni, njunuɗ kosiya. Asi ɗee tlesuu magaara gaɗta ɓiiri huna vun barawi masisina ŋgol lay.

GA 8ATAMBARA 26:8

«Yawe cukumi ay ki hu mbassa Egiptera u kom ma saɓak cocona, u ndaa ma ŋgol cocona u dlara takka mbuɗ mbuɗta ɦay.

KALKIRA 12:13

«Busuna ni va ma hin tak ki kay zi ma agi ka huna. An wi busuna wa ni, an hin jak kagiya, dla mayra ɓalak zina hin ka li varagi hu li ma an a ci suu Egiptenaɗi.

SUNDA 13:17

Lona vi suu Israelna manaygi somoyoygi aya. Nam zul suu mamma ay ki hu li ma asi ay ki duk suu daŋŋa, ni hu ndaŋgara Egiptera, ŋgoo daganda nam yowosi ay ki ni u saɓakŋa cocoo.

KALKIRA 6:1

Yawe di Moiz ana, «Cemi aŋ hin wi dlara an hin a laɗ eg Farawda. Nam hin hinisi tuɗ ki ni u doolera, nam hin dikisi ay ki hu mbas mamba ni u saɓakŋa.»

KALKIRA 6:6

Kay ndaɗta aŋ di suu Israelna ana, ni an Yawe. An hin paɗagi ki hu lassa suu Egiptena ka lasagira, an hin buɗugi ki ko mbaɓura, an hin saagi sugulugi ni u saɓakŋa u eŋga.

KALKIRA 12:41

Hu li ma basara 430 ndakŋa, hu buu namma, Yawe cuk suu mamsina ay ki hu mbassa Egiptera ko tasi dew.

GA 8ATAMBARA 5:15

Humuŋ gaŋ kay mbassa Egiptera hu li ma aŋ ay mbaɓurana, Yawe Looŋŋa kalaŋ ay ki u bik kom ma saɓakŋa, kay ndaɗta Yawe Looŋŋa ɦaŋ voɗta ana aŋ saa kay buu ma vi Lonna.

GA 8ATAMBARA 6:21

Aŋ hin di ka maŋ gooroŋ ana, «Aygi ay ki ni mborɓiina vi Faraw hu mbassa Egiptera, may Yawe cukuygi ay ki ni u bik kom ma saɓakŋa hu mbassa Egiptera.

SUU KAƁAKŊA 2:12

Asi noy Yawe, Lo ma vi somoyosina kiyo, ma cukusi ay ki hu mbassa Egiptera. Asi pereɗ iirisi ki u loogi suu vi suu ɦawana, suu may suu ŋguyusina. Asi goɓ ga fokosiya. Asi ɓalak huu Yawe kiyo.

NEHEMI 1:10

Asi ni suu maŋ suu sunda, suu maŋsina, suu aŋ gususi u saɓak maŋ ma ŋgolna, u saɓak koŋu.

SOOLLA 136:11

nam cuk suu Israelna ay kiyo kay ɗegee mamba ka ni na gak gak.

VUN ŊGOLNA 6:21

Vi gaɗ ndaɗta huruŋ jiviya, njunuɗ ki keleŋ ko ndal ɦeɗewna na.

DANYEL 9:15

Cecem wanda Bu Suuna, Loomina, aŋ ma sel suu maŋsina ay ki hu mbassa Egiptera u koŋ ma saɓakŋa, ma seŋ fi ŋgara um ko aŋ karam gak ka wanda nana, ami ay jew ni suu sulukŋa, suu cona.