KALKIRA 10:3 - Boy Lonana

³ Moiz u Aaron tuɗ vi Faraw dam ana, «Yawe, Lo ma vi suu Hebrena, di ana, Aŋ hin a hoŋ yaŋ ga fokonni saɓa tuge? Hinin suu mansina asi tuɗ sununu.

KALKIRA 10:3 ပူးပေါင်းရင်းမြစ်များ

1 PIYER 5:6

Hoŋogi yagi kaŋga fok Lona ma saɓakŋa, nam hin mba tlagi yagi kolo hu buu ma nam ŋgaamma.

Magaara JAK Ɓiiriɗta 4:10

Hoŋogi yagi kaŋga fok Bu Suuna nam hin yowogi koloo.

1 MULINA 21:29

«Akab hom yam ay ga fokonni aŋ wi su? Nam hoŋ yam ga fokonu ni an ka mbaaram hahawra kam hu li ma nam iirinaɗi. Hahawra hin mba ka kay suu mamsina ni hu li ma goromma hin varak kana tuwa.»

HEBRENA 12:25

Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.

ROMMA 2:4

Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

JEREMI 13:18

Di ha maŋ mulna, u su mulna, «Jum makka mulla cecemmi ndaɗ ndi ay ki kaŋga ni kay yakka su? Jum makka mulla ta jivira.

EZEKIYEL 5:6

Cemi ni Yerusalem hin ci wayra u dlara an daɗta. Li dla cora su njaf suu may suu ɦawana, ŋgelen gaɗ manda su mbassa daŋga ŋguy kaɗta. Asi hinin dlara an daɗta kiyo, tuɗ ka u gaɗ manda ɗegeeɗi.

JEREMI 13:10

Suu may suu co suu ka min a humun boy mannaɗina, tuɗ fok u su vunna, liŋ ki u loogi suu daŋŋa a goɓosira. Asi mbuɗ ki cora ko gandi namma ka jivi oloɗira na.

EZAYI 2:11

Hu buu namma ni suu ŋga tasina yasi hoŋ gaa, suu tli yasi kolona halaŋ hin hoŋ ki dagani. Hu buu namma geleɗta hinni maŋ Yawe dew.

EZAYI 1:5

Agi min a waɗagi ni ana me ologe, agi suu tuɗ fok u dla cora gak gakŋa? Yagi halaŋ mbuɗ ki ni tuguɗiyo. Hurugi mbuɗ maŋiya.

VUN ŊGOLNA 18:12

Jew sana bay ndi ga tu ni, nam ŋga tam cocoo. Jew sana a fi bibiŋilla ni nam hoŋ yam ga may.

VUN ŊGOLNA 1:24

Kay an yagiya, agi humun kaɗi, an feɗegegi ha lay ni, sa ma caa yam a golon kon kaɗi.

VUN ŊGOLNA 1:22

«Agi suu giniŋŋa hin hinigi giniŋ magira ki ni saɓage? Suu pan suuna hin hin panda pananda ki ni saɓage? Suu laɓana hin hin noyra noy yalna ki ni saɓage?

JOB 42:6

Cemi ni kay boy man ma an damma zolona van funun wa, an hom wa. Cemi ni an ka ci way oloɗi.

2 DLAŊ MULINARA 34:27

kay ana boy namma ŋgeneŋ huruŋu. Aŋ hoŋ yaŋ kaŋga fok Lona may hu li ma aŋ hum dla ndaɗtana, aŋ haa barawi maŋsina ki lay, tii taŋ fokon coco lay, an may ni an humuŋ wa. Di ni Yawe, Lona.

2 DLAŊ MULINARA 33:19

Cen mamba u humba Lona humum cen mambara u dla coomba nam laɗta, lira nam li ka ɗegee fok Lonaɗira, ndum li ma nam min li ma li ɓivunna maŋ loogi suu ɦawanana, pi gu ma teteɗna zeɗ zeɗ lay u foto tlesuu ceɗina layna, jew bay a nam wi coomba a hoŋ ay eg Lona tura ni tle asina halaŋ ka ɓiiri magaara sunda vi Hozai.

2 DLAŊ MULINARA 33:12

Hu li ma Manase ka hu lassa na ni nam gijaŋŋa a cen Yawe, loomma. Nam wi coomba halaŋ fok Lo ma vi somoyomma.

1 MULINA 18:21

Eli ɦuɗ tam ay eg suu halaŋŋa dasi ana, «Agi hin hinigi dlara yowoɗ kogi na mba' mbara ki ni saɓa tuge? Lini Yawe a Lona ni namu ni vagi um may. Lini Baal a Lona ni namu ni vagi um gaw may.» May suu Israelna sa ma hoŋom di na dew kaɗi.

NDUMBA 14:27

«Suu co asina hin a hin ŋgulla ŋgulunda ki ni saɓage? An hum gurnira asi gurni u senda wa.

KALKIRA 16:28

Yawe di Moiz ana, «Agi hin li u gaɗ manda ni saɓa tuge?

KALKIRA 9:17

Aŋ so huruŋ gak gak ka min a hinin suu mansina tuɗɗi.

2 DLAŊ MULINARA 7:14

lini suu mansina mba yan sen hu li ma sen ka yii huna, lini asi hoŋ yasi kaŋgaa, lini asi cena, halan a wanu hin dla coosira kiyo ni an ay kolo huulona day ni hin humusi cen masira, an hin bulumusi coosi ndaɗta kiyo, hin suɗusi mbas masira ki may.

KALKIRA 4:23

An daŋu hinin gorona nam tuɗ ki sununu. Lini aŋ hinim ka a tuɗɗi ni, an hin caŋ goroŋ ma ŋgolna ki may.»

KALKIRA 10:4

Lini aŋ ka hinin suu mansina a tuɗɗi gakini, vin wanni an hin mbaa baa jeena hu mbas maŋga.

2 MULINA 22:19

kayra aŋ hum boy namma, nam ŋgeneŋ huruŋ cocoo, aŋ hoŋ yaŋ kaŋga fok Yawe hu li ma aŋ hum dlara an daɗ kay li namma u suu ɦurummara ana li namma hin mbuɗ ki ni li ma ɦawana, li ma gam vunna kina. Kayra aŋ haa barawi maŋsina kira, aŋ tii coco fokon lay, jiviya an may ni an hum wa. Yawe di ko ndaɗta na.

JEREMI 50:29

Yowogi suu wi munda ay kay Babilon, suu u gu mbuurura kosina halaŋ. Minigi tagiya, ŋguyugi ki kaɗu, ka a sa suɗ kiɗi. Warakagira ki kay tuɗ maɗta cora. Lagira egeɗ ni dlara ndaɗ laɗta ndaɗ di boy ma cona maŋ Yawe ɦay, maŋ ma Teteɗ ma vi suu Israelna.

DANYEL 5:22

Doli ɗaŋŋi aŋ goromma, Baltazar, aŋ wi dla ndaɗta halaŋ lay ni heɓ huruŋ ka kaŋgaɗi,

KALKIRA 5:1

Ŋgoo dagan Moiz u Aaron mbay di Farawna ana, «Gola, Yawe, Lona vi suu Israelna, di ana, Hinin suu mansina asi tuɗ koyra ŋgoo bagi hu fulla a ŋgaanu.»