JONAS 2:7 - Boy Lonana

⁷ An kali ga ta ta u zul ɦinira, kawi ma ga duk ndaŋgarana duk vunum ki kanu. Na may ay ga hu zulla aŋ paɗan ay ki kolo iiriya. Ҥii, Yawe, Loonna.

JONAS 2:7 ပူးပေါင်းရင်းမြစ်များ

2 DLAŊ MULINARA 30:27

Ŋgoo dagan muli suu li ɓivunna yow kolo paɗ vunusi ki kay suuna. Delesi hum ki duk suuna kal ha ki kolo huu Lona, cen masira tew ha ki huulona, hu liim ma teteɗna.

SOOLLA 11:4

Yawe ka hu ziimba teteɗta, dlam mamba mulla ka kolo huulona. Irim ka gol aya, nam ka wi sunda suu warna laɗta halaŋ.

SOOLLA 142:3

An mba sek manda ni fokomu, an tak hahaw manda ni fokomu.

SOOLLA 143:5

Humun gan kay buu ma jak kina, an ka saa tlesuu aŋ lasina halaŋ, an hoŋ di kay sunda aŋ laɗ u bik koŋga.

SOOLLA 18:6

An kalni hu lina vi suu miɗina, bay ma vi maɗnana ki guni fokonu.

SOOLLA 20:7

Cemi ni an wi ki wa, Yawe suɗ saam ma nam Fuurumma. Ay hu Ziim ma Teteɗna nam hoŋom dira aya, nam njunum u saɓak kom ma njufna.

SOOLLA 22:14

Asi mal vunusi ay ki ko ndal dlona na, asi sawalla hal dlara vanda.

SOOLLA 27:13

An wi ki gasi ana an hin kak iiriya, an hin wi tlesuu jivi suu vi Yawena wi li ma suu iirina ka huna.

SOOLLA 42:11

Dlaasira mbuɗ egenni ko mbil mbeŋŋa na, hu li ma suu babali mansina ŋgulunna. Tew tew asi ka joɓon ana, «Looŋŋa ni arage?»

SOOLLA 42:5

Jew ni an tuɗ hu Ziŋ Lonara ko tan u suuna, dukusi ni an ka furi cocoo. An li luuna u furira, gi soolla ŋga Lona, humun gan kay boy namma wa ni hurun haɗ cocoo.

SOOLLA 43:5

Ŋgus manda va ma ndak a fam hu tiinana ni mege? Ndak yoo takŋi kay mege? Saa ni kay Lona na ɗow. Na daŋ may, an hin ŋgaam olo, nammi sa ma suɗunna, ni Loonna.

SOOLLA 65:4

Hu li ma coomira su kamiya, aŋ bulumumi coomira ki wa.

EZAYI 38:17

Yoo manda mbuɗ ki suɗta wa. Aŋ vi taŋ eg iiri manda kay ana an kal hu zullaɗi. Aŋ cukun coonda ha ki ŋgoroŋ dagan halaŋ halaŋ.

EZAYI 50:10

Dukugi ni sa ma li ndaa Yawe ka su? Sa namma humum vun saam ma sunda haa, sa ma ka tuɗ duk ndufunda bay wi kiɗikka tu ka su? Nam tin saa mamba ni kay sem Yawe, nam deŋ tammi eg Loomma na ɗow.

JONAS 2:4

Aŋ gan hu li ndufunna ga duk mbo ŋgolna. Mbo ma ɓaɗna ŋguyun ki duku, kuluɓ ki kan halaŋ.

MISE 1:2

Humugi haa, agi njaf suuna halaŋ. Ndaŋgara li kagi jejege u tlesuu kaɗna halaŋ. Bu Suuna Yawe kaagi ɓakŋa kagiya, Bu Suuna ay kolo hu ziim day.

HABAKUK 2:20

May Yawe ka coli hu ziimba teteɗta, yam ndaŋgara halaŋ seŋ vunuɗ fokomu.

HEBRENA 12:3

Saaragi kamu nam vi dlara suuna noyom kira kammi kay suu cora. Hinigi vun dikigi a ɓigigiɗi, lagi ndaaɗi.

1 SAMUEL 30:6

David mbuɗ ki hahaw cocoo kay ana suuna ɓak ana hin cam ki u gogoyra. Gegelay ni hurum haɗ cocoo, saa kay goryom suu njufiina u suu gorɓiina. Na may David hin fi so ura ni u Yawe, Loomma.