JONAS 1:2 - Boy Lonana

² «Col koloo tuɗ hu ɦoŋzi ma ŋgolna, Ninive, dasi boyna kay coosira. Kay ana dla cora hu ɦoŋzi nammara tew ha ki ta ta egenu.»

JONAS 1:2 ပူးပေါင်းရင်းမြစ်များ

URA TIN AYRA 10:11

Nimrod hin mbas ndaɗta ha ki tani tuɗ Asiri. Nam min ɦoŋzina Ninive, Rehobot u Kela,

2 MULINA 19:36

Senakerib, mul ma Asirina, ho ni na gaw, hoŋ hu Ninive li ma nam ay kaki huna.

2 DLAŊ MULINARA 28:9

Sa ma jok vun Lona ma vi Yawena ka dew sem ana Obed, kal ay ki ŋgaf vok suu duuna suu hoŋ ay vo Samarina, dasi ana, «Yawe, Lo ma vi somoyogina, hurum ɓeŋ eg suu Yudana. Kay ndaɗta nam ɦagisina ki hu duk kogiya. Agi hin ci suu daŋŋa ki u huu ma cona cocoo ta ta dlasi tuɗ gak gak tew ha ki kolo huulona.

EZDRAS 9:6

Dam ana, «Loonna, an zolona can cocoo, an li dlara zolona ka tli irin kolo egeŋgi, Loonna, kay dla coomira zul kami ŋgolla. Suluk mamina wul ta ta tew huulona wa.

EZAYI 37:37

Senakerib mul ma Asirina hoŋ dagan tuɗ Ninive kak ha ki huwa.

EZAYI 58:1

Bu Suuna di ana, Oo uŋ koloo, sawalla loɓbi, ko ndal tokolomma bura na, tli deleŋ koloo. Dla cora suu mansina laɗta dasira ha kiyo. Di goryoŋ Yakobma ha ki kay suluk masina.

JEREMI 20:9

Hu li ma an di ana, «An hin ka ɓak boy namma oloɗi, an hin ka ɓak boy u sem oloɗina», nam mbuɗ ki hurun kurufu ko kura ŋgalla na, a tliw tan ki gii daŋgayna an loɓ tan ana an daɓam hurunu may an ka ndakgi.

EZEKIYEL 2:7

Aŋ tuɗ dasi ni boy manna. Lini asi hum lay, ka humbi lay. Asi ni suu gonokka.

Magaara Vi Sa Jok Vun Lona OZE 7:2

Asi may ni ka ɓak tasi hurusi kurufu ana dla cora asi laɗta halaŋŋi an ka ndumuɗ kanuraɗi. Cecem wanda dla coosira ka tini kasiya, ndaɗ ka fokonu.

JONAS 3:2

«Col kolo, tuɗ hu Ninive, ɦoŋzi ma ŋgolna, tuɗ dasi boy ma an hin daŋŋana.»

JONAS 3:3

Jonas col kolo hin tuɗ may ɗaŋ ko Yawe damba na. Doli Ninive mbuɗ ni ɦoŋzi ma ŋgol cocoo. A calaɗ ɦoŋzina ki halaŋga ni li buuna hindi u tuɗta.

JONAS 4:11

An may ni ka wi hahaw ɦoŋzi ma ŋgol ma Ninivena manɗi su? Suuna ka hurummi suu buɓ buɓ kis duk dok mba' (120,000) suu ka wi a ɓorow ii jivira ki u coraɗina, yoorina ka hu coco lay.»

MISE 3:8

An doli ɗaŋŋi u heɓpa vi Musuk Yawera an oyra u saɓakŋa u ɗegeera u siɓpa a tak yara vi Yakobpa u suluk ma vi Israelna kiyo.

NAHUM 1:1

Ɓak boyna kay Ninive. Magaara Nahum ma Elkokŋa ɓii dlara tak taɗ irimba huruɗta.

NAHUM 3:19

Dlaaŋga iriɗ ka a giɗi, ka a fi yal ma ciliŋ mbiliŋŋaɗi. Gegelay humuŋ dlaaŋga nam ko kom u cooŋga. Ni na, sa ma yaaŋga ŋgenem kaɗi may, tam tam kaɗi mayna ni gege?

MATIYE 10:18

Asi tuɗugi fok suu ŋgolona u mulina kay senu. Fok suu Juifna u suu ɦawana lay ni, agi ni suu vovoɗ manda.

MATIYE 12:41

Suu Ninivena hum boy ma vi Jonas na ni, asi jok hurusi ki zeɗ gaw. Kay ndaɗta hu buu ma kaɓakŋa, asi yow kolo, ɓak co kagiya. Cem cemmi sa su ki kay Jonasna ka dukugiya.

Magaara JAK Ɓiiriɗta 5:4

Suu li sunda hu sene magina agi min ka warakasi sunusi kiɗi. Agi humugi sek masira haa, suu feɗegi waagina vona tii masina kal hum Lona, Bu Suuna ma Saɓakŋa Kom Belna wa.

WIRA ŊGAYRA 18:5

Kay cooɗta tew ha ki kolo huulona, Lona humum ka maa kay dlaaɗta coraɗi.