JOEL 2:27 - Boy Lonana

²⁷ Agi hin wi ana an ka hu Israel, anni Yawe Loogina, lo ma daŋ kaɗi. Suu mansina hin ka mbuɗ ki zolo a fafaɗtaɗi.

JOEL 2:27 ပူးပေါင်းရင်းမြစ်များ

SOOLLA 46:5

Mbo lum ma namma vun kom furi suu hu ɦoŋzi ma vi Lonna cocoo, ni zi ma ki teteɗ ma vi Lonna.

SOOLLA 68:18

Lona u pus pus ma kulumi suu duuna bolow ka ndumbi, nam ka mbay hu Sinay, hu Ziiŋ ma Teteɗna.

VUN ŊGOLNA 1:23

Mbaagi ay humungi gaɗ manda. Gola an min kalagi saa manda ha hurugiya, an min takagi boy manna.

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

EZAYI 44:3

An hin si mbona ki hu li ma yo ka huɗina, gi mbo ma ɓaɗna hu mbas mayra yo ka huɗira. An hin fo Musuk manda kay goryoŋu. Paɗ vunun ki kay njafaŋ halaŋ.

EZAYI 44:8

Lagi ndaaɗi, dlak tagiɗi, boy namma An dagina ay ka ki fok jewɗi su? Agi ni suu wi dla ndaɗta ki a diki kannaɗi su? Gasi lo ma daŋ ma suun ka su? A gasira ni Ҥini ma daŋ ma an wam kaɗi.

EZAYI 45:18

Yawe li huulona ni namu, nammi Lona, nam li ndaŋgara ni nam lay. Nam laɗ ni hini yaɗ ka ki ɦawaɗi, ni kay a suuna cuk zina kaɗu. Nam di ana, anni Yawe, sa ma daŋ ma ko ndal an na kaɗi.

EZAYI 45:5

Anni Yawe, sa ma daŋ ka ko ndal an na kaɗi. Ni an dew daŋ, lo ma daŋ kaɗi. An ɦaŋ saɓak ma namma lay ni aŋ wan kaɗi.

EZAYI 45:6

Ni kay a suuna wi ki ana col ay u maɗiina ta ta u fiɗigina ni sa ma daŋ kaɗi ni an dew daŋ. Anni Yawe, sa ma ko ndal an na kaɗi.

EZAYI 46:9

Humugi gagi kay dlara li ay ki fok jewra. Na daŋ may an ni Lona, Lo ma daŋ kaɗi. Va ma ŋgaa ko tam u an Lona kaɗi, tlena halaŋ ki ni ɦawaa.

EZAYI 49:23

Mulina hin mbuɗ ni a suu haɗagina, gorɓii suu vi mulinana hin mbuɗ ni suu wulugi goryogina. Asi hin goɓ vogosi ga halaŋ goɓ fokoŋu. Asi hin tanaɗ gugum ma ŋgoo seŋŋa ki u sinisiya. Ni aŋ hin wi ki ana anni Yawe. Suu tin hurusi kanna ka mbuɗ zoloɗi.

EZAYI 53:6

Aygi halaŋŋi ko timigiina na, ay ki viɗiya, gegelay ni tli voɗta nam tuɗ hura. Yawe tokoygi dla cooygira ki kam halaŋ.

EZEKIYEL 37:6

An hin cukugi sarina egegiya. An hin wulugi tliwigi ay egegi balamam may, hin ɗufugi bakagi ha kayam may. An hin foogi musukka hurugiya. Agi hin hoŋ ki iiriya. Agi hin wi ki ana anni Yawe.»

EZEKIYEL 39:22

Col ha hu buu namma na ta ta hu dlara hin li ha fokka lay ni suu Israelna hin wi ki ana anni Yawe, Lo mamma.

EZEKIYEL 39:28

Asi hin wi ki ana anni Yawe, Loosina. Kay hu li ma an njayasi ay ki duk njaf suu daŋŋa ni an hin tokosi ay vo balamasi kay ndaŋga masira. An ka hinisi ha ki hu li namma oloɗi.

EZEKIYEL 39:29

An ka ŋgay tan ki irisi oloɗi kay ana an fo Musuk manda kay suu Israelna. Di ni Bu Suuna, Yawe.

JOEL 2:26

Agi hin tiya, suu ki kagi lay agi hin geleɗegi sem Yawe Loogina, ma lagi dlara jivira egegina. Suu mansina hin ka mbuɗ ki zolo a fafaɗtaɗi.

SOFONI 3:11

«Hu buu namma ni ndak hin ka haɗ huruk kay dlaaka cora oloɗi, kay yara ndak landa egendaɗi lay, kay hu li namma an yow suu ŋga tasi cocona ki varak da, ndak hin seŋ li mayra li dla cora kay ɦini manda teteɗta kiyo.

SOFONI 3:17

Yawe, Lookŋa, ka vo varaku, u saɓak mamma, a su kay suunara. Nam furi cocora ni kaku, u min mamba nam holoŋok kolo ki wiliya. Nam luu njoŋŋa furi coco ni kaku.»

ZAKARI 2:9

Yawe di ana, an tanda may ni an hin kakŋi huwa. An hin li kaɗ ni ko ndal gulumun maɗna na u kura, an hin li a saɓak ma huruɗna ni anu.»

NDUMBA 11:29

Moiz hoŋ dira ana, «Aŋ li honira ni egen su? Lini suu vi Yawena a mbuɗ ki suu jok vun Lona halaŋŋi suu may suu Yawe fo musuk mamba kasina.»

NDUMBA 23:21

Dlara gunira sa ka waɗ duk njaf suu vi Yakobmaɗi, lassa sa ka waɗ duk suu Israelnaɗi. Yawe Loosina ka u asiya. Vo varasi ni asi ka gi soolla geleɗ mulnara tew tew.

2 KORINTNA 6:16

Ziŋi Lonara ndak taɓ ko taɗ u fulina vi suu bay vina nanage? Ami ni Ziŋ Lona ma iirina ko Lona u tamba dira na, «An min kak dukusiya, poy u asi lay. An hin li a Loosina asi hin li a suu manna may.»

GA 8ATAMBARA 23:14

Sa ma asgaana gegelay ni li va ma vek zulla komu, hu li ma nam kal ki doŋ kaana wa ni nam vek zulla hin tos soɗom ki ga huwa.

1 PIYER 2:6

Gola ni va ɓiira hu magaara damma, «An manni ɦini ma dlam ŋgolna, an tinimmi a ɦini ma gi u zina hu Siyon kamma, sa ma tin hurum kamma ka mbuɗ zoloɗi.»

WIRA ŊGAYRA 21:3

An hum della di ay kay dlamba mulla eŋga ana, «Cecemi li kakŋa vi Lona ka duk suuna, nam hin kak u asiya, asi hin lini suu mamsina may, Lona tamba hin lini a Loosina, asi hin li a suu mamsina may.