JOEL 2:17 - Boy Lonana

¹⁷ Duk ɦoŋ vun goŋga u givin ma togolla, muli suu li ɓivunna u suu ŋgolo suu sunda vi Yawena tii tasi huwa. Asi di ana, «Yawe wi hahaw suu maŋsina, mbuɗ jooŋŋa ki zolonaɗi a suuna pan suu maŋsinaɗi. Ka a suuna di duk tasi ana Loosina ni arageraɗi.»

JOEL 2:17 ပူးပေါင်းရင်းမြစ်များ

1 MULINA 6:3

Huu Ziŋ Yawera ŋgolla gina pi funuɗu, fiyekem meter doogo ko ɦay zira na ga, huu zaŋŋa ha kurufu ni meter vadl may.

1 MULINA 9:7

ni an hin bulum suu Israelna ki kay yam ndaŋgara halaŋ, kay ndaŋgara an ɦasirara lay. Zira an mbuɗuɗ ki teteɗ a yan sen hura an hin hiniɗ ha ki egen na day. Suu Israelna hin mbuɗ ki ni a njunjunda vi suunara halaŋ.

2 DLAŊ MULINARA 7:20

an may ni hin tlaŋ ki kay ndaŋgara an ɦaŋga wandara u ziin mayra an mbuɗuɗ ki teteɗ tin sen huruɗ wanda lay. An hin hin ziin ndaɗta ha ki egen na day. An hin mbuɗuɗ ki ni a njun njunda maŋ suuna halaŋ.

2 DLAŊ MULINARA 8:12

Hu li namma na gaw ni Salomon li ɓivunna kay givin ma togolla fun Ziŋ Lonara hu li ma nam minim a li ɓivunna maŋ Yawena.

NEHEMI 9:36

Gola karam wanni ami mbuɗ ki suu mbaɓura, ki hu mbassa aŋ ɦaɗ ki maŋ somoyomi a taɗ vuɗuɗ u begera huruɗta, gola ami mbuɗ ki suu mbaɓura wa.

SOOLLA 115:2

Suu ka wi Lonaɗina di kami ana, «Loosina ni arage?» kaymege?

SOOLLA 42:10

An di Lona, ɦini manna, ana, «Aŋ maaran ki ni kay mege? An poy u yoora na ni kay mege? Aŋ hin suu babali mansina lasan amege?»

SOOLLA 42:11

Dlaasira mbuɗ egenni ko mbil mbeŋŋa na, hu li ma suu babali mansina ŋgulunna. Tew tew asi ka joɓon ana, «Looŋŋa ni arage?»

SOOLLA 42:3

May Lona kan cocoo, Lo ma iirina, an hin kal kalafi a col fok Lona ni saɓage?

SOOLLA 42:4

Faali lay, njeŋge lay, simina mbuɗ ko vaan ma tira na, hu li ma asi ka dan tew tew ana, «Looŋŋa ka ni arage» na.

SOOLLA 74:10

Ҥi, Lona, suu babali mamsina hin hinimi panda ni saɓage? Asi hin hin ŋgulla ŋguluŋ seŋga ni saɓage?

SOOLLA 79:10

Ka hin suu ka waŋ aŋ Lonaɗina joɓomi ana, «Loosina arage» ɗi. A njaf suu ɦawana wi dlara ni umiya sa sukul suu maŋ suu asi casi kina.

SOOLLA 79:4

Suu vok ziimi suu ŋguyumina halaŋ ka ŋgulumiya, suu ŋguy kamina halaŋ ka panamiya.

SOOLLA 89:41

Aŋ toom gulumun ma kay ziimmana ki gaa, aŋ ŋgalam ziim ma coli eŋŋa kiyo.

SOOLLA 89:51

Bu Suuna saa kay suu sun maŋsina ka lassa, kay suu maŋ suu aŋ ka golosina halaŋ.

KALKIRA 34:9

Nam di ana, «Lini an fi gasi jivira iriŋ wa ni ɦii, Bu Suuna, tuɗ ay dukumiya, kay suuna ca ni yasi eŋ cocoo. Na may aŋ bulumumi dla coomira kiyo. Aŋ mbuɗumi ki a suu maŋsina.»

EZAYI 22:12

Hu buu namma Bu Suuna Yawe, ma Saɓakŋa Kom Belna, yagi ana agi tiira, yoo tagiya. Kaa yagi kiyo, njun baraw ma doona hurugiya.

EZAYI 37:20

Na may ni aŋ, Yawe, Loomina, suɗumi ki ko sa namma kay a mulla kay yam mbassa halaŋ wi ki ana aŋ dew ni Yawe.»

EZEKIYEL 20:9

Na may an hin li ka naɗi ni kay sen anu. Kay ana asi ka mbuɗ ki lalas ii njaf suu ɦawana suu asi cuki dukusi wannaɗi. An tak tan ki irisiya, ki duk njaf suu daŋŋa halaŋ. An cukusi ay ki hu mbassa Egiptera.

EZEKIYEL 8:16

Nam tuɗun ha hu gulumunna kurufu eg Ziŋ Yawera. Gola kurufu hu Ziŋ Yawera ni duk ɦoŋ vunna u givin ma togolla ni suuna ka hu va ma dok-mba' yam vadl. Ŋgorosi mbuɗi maŋ li ma vi Yawena na, irisi mbuɗi u maɗiina na may. Asi ka goɓ vogosi ga fok faɗta.

Magaara Vi Sa Jok Vun Lona OZE 14:2

Hoŋ ay eg Yawe, Lookŋa, ndak, Israel, kay ana ni dla cookka gak kaŋga ni ndaɗu.

JOEL 1:13

Njunugi doona hurugiya, tiirigiya, muli suu li ɓivunna, yoorogi tagiya suu ŋgal ɓivunna. Mbaagi aya, buurugi cukugi baraw bolna kagiya, suu sunda vi Loonna. Ɓivun u njaf wana u ɦalla sum veŋŋa ki noy hu zira vi Looginara.

JOEL 1:9

Ҥalla ɦawara u ɓivunna ki bulumi hu zira vi Yawera. Muli suu li ɓivunna u doona egesiya, suu sunda vi Yawe lay.

AMOS 7:2

Baarina ti usu ma hu mbassana ki halaŋ, an di ana, «Bu Suuna, Loonna, ɦan gira, an ceneŋu, na ni Yakob hin col fokoŋ su? Nam goo cocoo.»

AMOS 7:5

An di ana, «Bu Suuna Loonna, cola, an ceneŋu, na ni Yakob ndak a col fokoŋ su? Nam goo cocoo.»

MISE 7:10

Ndaɗ hin wi ki jiviya, babali manda, ndaɗ hin mbuɗ ki zolona, ndaɗ mayra li dan ana, «Yawe, Looŋŋa, ni aragera?» Irin ka tini kaɗ ta, an hin tayaɗ ki kaŋga u sen ko ndal luɓuna hu voɗtara na.

MALASI 1:9

Ŋgoo dagan ɗaŋŋi halagi dla mayra a heɓ huu Lona a nam waygi hahawaygira. Dla ndaɗta col ay ni kagiya, nam hin vagi u furira su? Yawe, ma Saɓakŋa Kom Belna, di na.

NDUMBA 25:6

Hu li ma suuna ka moli fun Mbutluɓ ma Tokka tii may ni, gola ni sa ma Israelna dew kal ay dukusi u goora Madiyanda umu, ni ii Moiz u suu Israelna na halaŋ gaw lay.

MATIYE 23:35

Ni kay ndaɗta suu ɗegee suu asi casi ki na, busuusi hin hin ni kagiya. Busu Abel ma ɗegeena u busu suu hiŋŋa halaŋ, gak gak, tew busu Zakari, goŋ Barasina, ma agi cam ki hu Ziŋ Lonara bay nam tew givin ma togolla tuna, busuusi namma halaŋŋi hin ni kagiya.

MATIYE 27:43

Nam ɦal hurum maŋ Lona nam di ana, Nammi Goŋ Lonna lay ni, aygi goloygiya, Lona hin mbay suɗum ki kalage.»

GA 8ATAMBARA 28:37

Yawe njayagi ha ki kay yam mbassa daŋga, suu hu li nammana wi na ni li ndaa coco kay dlara li ay egegi wanda, asi mbaɗagiya, hin panagi may.

GA 8ATAMBARA 32:27

Va ma an li ndaana dew ni kay suu babali mansina hin ŋga tasi ana, ami su kasi ni u saɓak tamira, ka hin a di ana Yawe li dla ndaɗta ni namuraɗi.

JOSUWE 7:9

Suu Kanaanna u suu cuki hu mbas ndaɗta halaŋ hum boy namma na ni, asi hin tokŋi kami bel bel. Asi hin bulumumi semi ki hu mbas ndaɗta, ɦa ni aŋ hin saa kay seŋ ma ŋgol coco wanna ni ana mege?»