JOEL 2:16 - Boy Lonana

¹⁶ Tokogi suuna eg tasiya, yagi tokka teteɗta. Tokogi suu maana kay tasi may, gorzoŋina kay tasi may, kem gorira fun ponara kay tasi may. Sa vi caamba wilina hin ziimba buuna kiyo, cara fi njufna wilira hin ziiɗta buuna kiyo.

JOEL 2:16 ပူးပေါင်းရင်းမြစ်များ

2 DLAŊ MULINARA 20:13

Suu hu mbassa Yudara halaŋ boyogina u kemba lay, coli u sesi fun Ziŋ Lonara bel bel.

2 DLAŊ MULINARA 29:5

Ni kay a dasi ana, «Humungi vunun haa, agi njaf suu vi Levina, cemi wanda ni danagi tagi ki na teteɗ. Lagi Ziŋ Yawera ki na teteɗ may. Nammi Lo ma vi somoyogina. Tlesuu njenje suu hu Ziŋ Lonarana yowogisina ki bel bel.

2 DLAŊ MULINARA 30:17

Hu li ma suuna toki ŋgol cocona asi li tasi ka ki teteɗ halaŋgi. Dee suu vi Levina li sunda a ŋgaɗ tlesuu luu Pakŋa ni asiya. Ni kay sem suu ka ki teteɗɗina bel, suu ka ndaki a li sunda teteɗta fok Yaweɗina.

2 DLAŊ MULINARA 30:19

Maŋ suu tin hurusi a hal Lonana halaŋ, Yawe, Lo ma vi somoyosina, li ni tasi ka ki teteɗ ko gaɗta dira naɗi lay.»

2 DLAŊ MULINARA 35:6

Ŋgaɗagi Yoori suu Pakŋa, lagi tagi ki teteɗ, njunugi u gorsegina cocoo a li u boy ma vi Yawe ma nam dam ay fun Moizna.»

JOB 1:5

Hu li ma luuna daɓ ki wa ni, Job yasi ay halaŋ mba li ɓivunna ki kasiya. Nam col kolo maɗii fedet li ɓivun ma ŋgalam ki ŋgalina ki kasi dew dew halaŋ kay nam ɓak tam ana, «Kala goryon li dla cora ŋgul Lona hurusi kurufu wa kala ni, an wiɗi.» Job ka li ɓivun ma namma na tew tew.

SOOLLA 19:5

dlaamba ndak ki kay yam mbassa halaŋ, boy namma tew ki hu duliyara halaŋ. Lona min ziŋ faɗtana ay kolo huulona,

KALKIRA 19:10

Yawe di Moiz ana, «Tuɗ eg suu Israelna asi li tasi ki teteɗ karami, vinni asi mbus barawi masisina ki may.

KALKIRA 19:15

Nam di suuna ana, «Hu buu ma hindi cana ni agi lak juɓpa, sa ŋgen tam eg caambaɗi.»

KALKIRA 19:22

Muli suu li ɓivunna lay lini asi a ɦuɗ tasi ay eg Yawe ni li tasi ay ki teteɗ, li ka naɗi ni Yawe casi kiyo.»

JOEL 1:14

Mbuɗugi tagi ki teteɗ u laara lira, yagi tokka ɓivunna, tokogi suu ŋgolona u suu hu mbassana halaŋ hu zira vi Yawe Looginara, hin yagi Yawe.

MATIYE 21:16

Asi di Yesu ana, «Aŋ hum dlara asi daɗta ɗaŋ su?» Yesu hoŋosi dira ana, «Haa. An huma. Agi ndum boy ma ki ɓiirina kaɗi su? Ana, Kemba u suu ndumdurina, geleɗ maŋga sel ay ki vunusiya.»

MATIYE 9:15

Yesu dasi ana, «Suu mba vogodona li lakira hahawra u njuf cara kaki egesina su? Falira njuf cara kaɗira, asi hin li laara tuwa.

1 KORINTNA 7:5

Gi vun tagi kiɗi, gagi gagara ŋga lina duk tagiya, kay agi hin a li cenda, ŋgoo dagan hoŋogi eg tagi olo, kay Satanna kal dukugi a ndemegiɗi.

JOSUWE 7:13

Col koloo, mbuɗ suu Israelna ki teteɗ. Aŋ dasi ana, danagiya, lagi tagi ki teteɗ kay vinda. Yawe Lo ma vi suu Israelna di ana, va ma doo ki kamma ka dukugiya agi suu Israelna. Ni agi ka ndak a col fok suu babali magisinaɗi, bay agi gi va namma ki na baɗi.

JOSUWE 8:35

Boy ma Moiz ɓiirim kana halaŋ Josuwe hin maa ka ki bay ndumum ki fok suu Israelnaɗi, fok boyogina u kemba, fok suu koyogi suu ka dukusina bel lay.

1 SAMUEL 16:5

Nam hoŋ dira ana, «Gasi an mbay ni kay a li ɓivunna maŋ Yawe. Mbuɗugi tagi ki teteɗ, agi hin mbay u an hu li ma ɓivunna.» Nam mbuɗ Jese u goryom ki teteɗ yasi hu li ma ɓivunna.