JOEL 2:13 - Boy Lonana

¹³ Yoorogi hurugi na ɗow, haragi barawi magisinaɗi, hoŋogi ay eg Yawe Loogina. Nam ka tew tew u heɓpa hurum ka ɓeŋ zak zakgi, ɗegee cocoo. Nam yoo tam kay dla cora ɦay.

JOEL 2:13 ပူးပေါင်းရင်းမြစ်များ

URA TIN AYRA 37:29

Ruben hoŋ ay mba gol hu goloŋga na ni, fi Yosef ka huɗi, nam haa baraw mamma tamma kiyo.

URA TIN AYRA 37:34

Nam haa baraw mamma tamma kiyo, njun baraw bolna hurumu. Nam buu coco a li hahaw goromara.

2 SAMUEL 1:11

David kaw baraw mamma na ni, ɦaaram ki gaw. Suu umma halaŋŋi li na lay.

1 MULINA 21:27

Hu li ma Akab hum boy namma na ni, nam haa baraw mamma kiyo, cuk baraw bolna egemu, li laara may. Nam buu ni u baraw bolna egemu, tuɗ ni na suɗu suɗu ka tin sem kaŋga eŋgi lay.

2 MULINA 22:11

Hu li ma mulna hum boy ma ndum ay hu magaara gaɗtana na ni, nam haa barawi mam suu cuki tamma kiyo.

2 MULINA 22:19

kayra aŋ hum boy namma, nam ŋgeneŋ huruŋ cocoo, aŋ hoŋ yaŋ kaŋga fok Yawe hu li ma aŋ hum dlara an daɗ kay li namma u suu ɦurummara ana li namma hin mbuɗ ki ni li ma ɦawana, li ma gam vunna kina. Kayra aŋ haa barawi maŋsina kira, aŋ tii coco fokon lay, jiviya an may ni an hum wa. Yawe di ko ndaɗta na.

2 MULINA 5:7

Hu li ma mulna ndum magaa ndaɗta ndummi, haa baraw mam ma tamma ki di ana, «Anni Lona a ndak ci sana ki ci ni, hoŋ dliɗim layra su? A nam hin sunun sana ay ana suɗum ki ko tuguɗii busuna ni nanage? Agi wi ki ana nam halanni a honira ɦawaɗi su?»

2 MULINA 6:30

Hu li ma mulna hum boy namma na ni, nam haa baraw mamma kiyo, a nam ki kolo kay gulumunnara ni suuna halaŋ wi ki ana nam cuk baraw bolna egemu.

2 DLAŊ MULINARA 6:27

aŋ ay kolo huulona day ni, hum cenda vi suu maŋsina, bulum cora vi suu sun maŋsina suu Israelna kiyo. Aŋ hin takasi voɗta jivira asi a tlaɗta. Si mbona ay kay mbas maŋga, mbas mayra aŋ ɦaɗ maŋ suu maŋsina a jonara.

NEHEMI 9:17

Asi min ka humbi. Humusi gasi ka kay dlara mbuɗ mbuɗ ta aŋ laɗ egesiraɗi. Asi tin saarasi ni a hoŋ hu liisi ma mbaɓura. May aŋ taŋga, aŋŋi Lo ma ɦal heɓpa, jekjeke lay, oo coco lay, ka ɓeŋ huruŋ zakgi lay, ɗegee coco lay, aŋ noyosi ka kiɗi.

JOB 1:20

Job col kolo haa baraw mamma kiyo, kaa yam ki may. Nam gi tam kaŋga duk ndaŋgara, goɓ Lona

SOOLLA 103:8

Yawe ni sa ma wi hahaw suuna u minda, nam ka mbuɗ ya na zakgi, nammi sa ma ɗegeena.

SOOLLA 106:45

Humum gam kay galamba nam vaɗ u asira u ɗegee mamba nam wasi hahawasiya.

SOOLLA 34:18

Asi ka sawalla, Yawe huma, nam suɗusi ki hu las masira.

SOOLLA 51:17

Bu Suuna, malan vunun kiyo, hinin an gi ni soolla ŋgaaŋga.

SOOLLA 86:15

May aŋ, Bu Suuna, Lo ma wi hahaw suuna, huruŋ ka ɓeŋ zakgi, huruŋ oy u ɗegeera u gasira,

SOOLLA 86:5

Bu Suuna, aŋŋi sa ma jivina, ma bulum cora kina, aŋ sa ma ɗegeena ka hum suu ka yaŋŋa tew tew.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

EZAYI 58:5

Laa mayra an miniɗta li ni na su? Buu ma sana a hoŋ yam gana li ni ko ndaɗta na su? Ka ni ko ndal sana gi yam ga ko nekka camba ɦawa naɗi. Agi buu kay baraw bolna may, ga duk buɗna may ni laara gaw su? Ni a buu ma ii Yawe jivina gaw su?

EZAYI 66:2

Olo ni, tle asina halaŋ kon lasi ni namu, asi halaŋŋi varanu. Yawe di na ni namu. Asi halaŋ an ka golosiya, suu may suu hahawra suu ka lasna halaŋ. Suu ka dlak ndaana ko boy mannana.

JEREMI 36:7

Kala li ni tii masina hin tew ki eg Yawe kala, a gegelay hom ki kay tuɗ mamba cora kay ana yara vi Bu Suunara ta nam a laɗ eg suu asinara ka ŋgol cocoo.»

JEREMI 41:5

Suuna col ay Sekem, Silo, Samari mbaya. Asi dok-kalavandi. Njeresi ki weliya, baraw ma egesina ki hariya, tasi ki mbilina bel bel. Asi yow tlesuu li ɓivunna u mbul ma his jivi ma tinim hu zira vi Lonara ay kosiya.

JEREMI 42:10

Lini agi vi kagi a kak hu mbas ndaɗta ni an hin hoŋogi balamagiya. An hin ka paliyagi ki oloɗi, an hin hoŋogi balamagiya ka paɗagi kiɗi. An hin minigi ii dla cora agi laɗta.

EZEKIYEL 9:4

Yawe dam ana, «Tuɗ ha duk hu ɦoŋzina hu ɦoŋzi ma Yerusalemma, ɓii lomorora ki vok suu may suu ka yoo tasi ko dla cora li dukusi wanda halaŋ halaŋ.»

Magaara Vi Sa Jok Vun Lona OZE 14:1

Samari hin warakka, kay ndaɗ mbuɗ yara eg Looɗna, hin casi ki u ŋgewra, kemba vuɗ wilira hin njereɓesi kiyo, boyogi suu wiina hin coosi hurusi kiyo.

JONAS 3:9

Sa ndak wiɗi lini Lona hurum heɓa, hin mbuɗ hurum a hiniygi kalage, hu li namma aygi ka ndak a ba kiɗi.»

JONAS 4:2

Nam cen Yawe di ana, «Ҥii, Yawe ni boy ma an dam hu li ma an ay hu mbas mandanaɗi su? Kay ndaɗta an mbuɗ a pii ki a tuɗ hu Tarsis ni naɗi su? An wi ki jivi ana, aŋŋi Lo ma jivina ma wi hahaw suuna, huruŋ ka mbuɗ ya zakgi, huruŋ oy u dlara jivira, aŋ ndak hoŋ ay kay dlaaŋga aŋ daɗ a li cora eg sanara.

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

NAHUM 1:3

Gasi, Yawe, hurum ka mbuɗ ya zakgi, u saɓakam ma ŋgolna nam ka hin va jak ki kambi. Hu li ma nam tuɗ huna, babaa ma ŋgolna li umu. Ɗugulla ni gugum ma tum kolo u semma.

NDUMBA 14:18

Anni Yawe, hurun ka ɓeŋ zakgi, hurun oyra u ɗegeera, an siɓ dla cora suuna laɗta, ta ka jak ki kan bay an waɗɗi, an tin cora vi somora ki kay goryosiya kay goŋ ŋgologina lay ha kay njafasi fokosi na gak gak hindi lay, fiɗi lay.

ROMMA 2:4

Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

EFESNA 2:4

Jivira vi Lona ta ŋgolla u min mamba nam miniygira.

1 TIMOTE 4:8

Haɗta vi mbalatara jivi maɗta ka ŋgolɗi, vira vi tara eg Lonara ni ŋgol su na ɗow. Nam ɦaygi iirira cecemba ni lay, ta ha fokka lay.