JOB 9:4 - Boy Lonana

⁴ Nammi yal cocoo, neey coco lay. Sa ma ndak a hin vam u dlara ni gege?

JOB 9:4 ပူးပေါင်းရင်းမြစ်များ

JOB 36:5

Gol ɦiza vi Lonara gige. Nammi ka sa ma di ana, «Va ma wanna ka karam konɗinaɗi.» Nammi ɦizi hu dlaamba nam min a laɗta bel.

EFESNA 3:20

Nammi sa ma ndaki a li tlena halaŋ su kay suu ay saa kasina lay, joɓosi layna day.

EFESNA 3:10

Kay mulla u ŋgolla kolora halaŋ mba wi nera vi Lonara bay daɓpa zeɗ zeɗ eg suu vi Kristuna.

VUN ŊGOLNA 29:1

Sa ma so yam ki na so ka hum gaɗta vi saɗina, hin pukŋi cemcem, ka col oloɗi lay.

JOB 9:19

Lini an a hal ni sa ma njun kanna, nammi saɓakŋa tamba gaw. Lini a kaɓakŋa lay ni sa ma hin a col fokomma ni gege?

EFESNA 1:19

Agi mba wi saɓak ma mbuɗ mbuɗta ma nam ɦam maygi aygi suu vinana. Saɓak namma Lona takam ki u eŋga ŋgolla

EFESNA 1:8

Nam ɦaygi oo mamba ŋgolo u nera halaŋ u yalna halaŋ.

1 KORINTNA 10:22

Ɗowba aygi ndak a li yowmusna eg Bu Suuna na su? Agi saa ana aygi saɓak suum su?

ROMMA 11:33

Ҥizza vi Lonara ŋgolla nera u wiimba zul ɦay. Sa hin ndak a gam u dlaam ndaɗta kina ni gege? Va ma ŋgaamma sa ndak a humum um kina ni gege?

DANYEL 2:20

Danyel gijaŋ ɓakŋa hin di ana, «Ko suuna ŋga ni sem Lona, ko ay hu fokka na a fafaɗta, kay ana yalna u saɓakŋa ni varamu.

VUN ŊGOLNA 28:14

Furira ka kay sa ma fuɗ tam ki ko dla corana. Sa ma hurum co ɦayna dlara yoora hin mba kam may.

SOOLLA 136:5

Nam li huulona ni u yal mamma kay ɗegee mamba ka ni na gak gak.

SOOLLA 104:24

Yawe sun maŋga ndaɗ bolow cocoo, aŋ laɗ halaŋŋi u yalna, tlesuu kay ndaŋgarana halaŋ aŋ lasi ni aŋu.

JOB 40:9

Bikiŋ ki ko ma vi Lonna na may su? Deleŋ ndak a bay ko nam bayra na may su?

JOB 12:13

Doli ɗi ni wira u saɓakŋa halaŋŋi vi Lona. Gaɗta u neras ni mamsina.

JOB 11:6

Lona tak yal ma ŋgayna ki halaŋ. Dlara mbuɗ mbuɗta sa ka waɗ uɗira lay. Kay ndaɗta aŋ saa dlara laŋ wandara ki jiviya. Aŋ wi ki ana Lona hiniŋ dla cooŋ taa ki ga ɦiw ndumuɗ kaɗi.

JOB 6:10

Ni an hin fi saɓakŋa. An hin li furira hu las manda ka daɓbi ndaɗta ka a humun maa ki kay gaɗta vi ma Teteɗnaɗi.

2 DLAŊ MULINARA 13:12

Gologiya, Lona ka dukumi ni a mul mamina. Ami ka u muli mam suu li ɓivunna u tokolom ma bura lay a ami hin buum a duu u agira agi suu Israelna. Duurugi u Yawe Lo ma vi somoyoginaɗi, kay agi ka hin a tewɗi.»

JOB 23:6

Lona ndak a takan saɓakam ki su? Ҥawaa, nam hin hum dlara an hin dambara.

JOB 24:22

Lona ka u saɓakŋa a ɓalak suu saɓak cocona kiyo. Nam col ay wa ni, suu asina ka saa ana asi hin lak iiriya oloɗi.

JOB 25:2

Lona ni sa ma saɓakŋa u ŋgolla kom belna. Nam ndak a tin heɓpa kay ndaŋgara ta ta huulona.

JOB 28:23

Lona dew ni sa wam voɗ mamba na. Nam wi li ma nam ka buu huna.

JOB 37:23

Ni saɓak ma ay ka ndak a tew egembina. Ŋgol coco u saɓakŋa lay u ɗegeera lay. Nam ka li sa ma ɗegeera ka hurum coconaɗi.

JOB 38:36

Sa ma ɦal yalna huu lay ma ciw goloŋiina ni gege? Sa ma ɦal mbeleŋŋa huu golok tlekŋana ni ge mayge?

JOB 38:37

Sa ma yal coco ɦay ma wi ndum ɗugulla kina ni gege? Ma ndak a vo mbo ma kolo huulonna ay ki ga halaŋŋa ni gege?

JEREMI 50:24

An gunuk dawna kaŋga fokoku, gola kafak kay ŋgusuk vak wa Babilon, uk gi ki kolo wa, vak ki wa. Kay ana ndak min tak a duu u Yawe.

KALKIRA 9:7

Faraw sun ay mba gol yoori suu vi suu Israelna haa, fiya ni maa dew lay ni miɗ kaɗi. Na lay ni Faraw so hurum gak gak ka min a hin suu Israelna cuk kiɗi.

KALKIRA 15:7

U ŋgol maŋga cocora, aŋ ci suu babali maŋsina kiyo. Huruŋ ɓeŋ wa ni aŋ lasi coo, aŋ ŋgalasi ki ko ŋgayara na.

2 DLAŊ MULINARA 20:6

Asi cen Lona ana, «Yawe, Lo ma vi somoyomi suu jew dayna, aŋ ti mulla ay kolo huulona ni aŋu. Aŋ ti mulla kay njaf suu warna halaŋŋi aŋ lay. Saɓakŋa u garaaŋga halaŋ ay ni koŋu. Sa ma ndak a col fokoŋ kaɗi.

JOB 15:13

Hu li ma huruŋ ɓeŋ eg Lona na ɗow, ta ta boy namma kal ay ki funuŋ lay.

JOB 41:2

Sa ma hurum eŋ ma ndak a duum delem ay kaɗi. Sa ma ndak a col fokomma ni gege?

EZAYI 45:9

Hahawra ka kay sa warna, nammi doyna ɦawaa, nam ka ndak a ci way u sa ma lammaɗi. Luɓuna ndak joɓ sa ma minimma ana, «Aŋ li na ni mege?» na su? Nam ka ndak di sa ma minimma ana, «Aŋ ka wi mindaɗi,» naɗi lay.

NAHUM 1:3

Gasi, Yawe, hurum ka mbuɗ ya zakgi, u saɓakam ma ŋgolna nam ka hin va jak ki kambi. Hu li ma nam tuɗ huna, babaa ma ŋgolna li umu. Ɗugulla ni gugum ma tum kolo u semma.