JOB 4:3 - Boy Lonana

³ Aŋ haɗ dlara maŋ suuna cocoo. Aŋ garaɗ suu tasi maŋina ki lay.

JOB 4:3 ပူးပေါင်းရင်းမြစ်များ

EZAYI 35:3

Ko ma ki loɓina, mbuɗum ki saɓakŋa, vun gif ma ɓulugudina ɗob ki lay.

HEBRENA 12:12

Yowgi kogi ma loɓina koloo soogi vun givigi ma maŋina.

Boy Ma Ayra Ma LUK Ɓiirimma 22:32

May ni an joɓ Lona kaŋu ana huruŋ ma tinina kaɗakaŋgi. Hu li ma aŋ hin hoŋ ay egen wanni mbuɗ gorseŋŋa ki saɓak may.»

VUN ŊGOLNA 10:21

Boy ma vi sa ma ɗegeena ɗoɓ suuna bolow cocoo, may sa ma laɓana giniŋ mamba cami ndaɗu.

JOB 16:5

An hin ɗiligi irigi ni u vunun ɦawaa, njaɗta kal ay ki funun jivira ni va ma an a heɓegi tagi u namma gaw.

EFESNA 4:29

Hin boy ma dawi a kal ki funugiɗi, dagi boy ma gasi a njun u suu hiŋŋa a wulusi kolo hu viisira, li jivira maŋ asi suu ka humugina may.

Boy Ma Ayra Ma LUK Ɓiirimma 22:43

Hu li namma sa sunda huulona tak tam irim a ɦam saɓakŋa.

GA 8ATAMBARA 3:28

Gaɗ Josuwe, ɦam voɗta, soom hurumu, ɦam saɓakŋa kay nammi sa ma hin calaɗ lumma Yurdaŋŋa fok suunana, nammi sa ma hin ɓorowosi mbassa aŋ waɗ wandara.»

EZEKIYEL 13:22

Agi ka viɗ suu ɗegeena ki u boy ma kaboyna, suu an min ka a lasi dla co egesiɗi na. Kay agi so u suu cona ha hu dlasira cora ka min a asi hoŋ ay hin poy masira cora ki lak iiriyaraɗi lay.

EZAYI 50:4

Bu Suuna Yawe haɗan dlara an daɗta ni namu, kay a an ɗil ii suu ki loɓina, a an dam boy mamma maɗiiya, maɗiiya tew tew. Nam minin humun ki a humba ko suu haɗina humba na.

VUN ŊGOLNA 16:21

Sa ma kaɓakŋa u yalna ndak yammi a sa ma neeyna. Boy ma lalamma kal kay suuna jivi cocoo.

VUN ŊGOLNA 15:7

Boy ma vi suu wi dlara ka tak haɗta, may suu laɓana ni va ka kasi na dewɗi.

URA TIN AYRA 18:19

An manammi kay nam gaɗ goryomu u suu mam suu hin ka ŋgorom daganna, a asi hum gaɗta vi Yawera, poy ɗegee.» Ko ndaɗta na Yawe faɗ vun dlara nam vi vunum kaɗ u Abrahamba kiyo.

KOLOSNA 4:6

Ko boy magina mba li tew tew jivi a sa fi va umu, wagi yal a hoŋ dira maŋ gegelay u jivira.

EZDRAS 6:22

Asi li luu ma ti fu ma bay kuffa dukumma u furira, buuna kiɗisiya kay ana Yawe oyosi hurusi u furira, mbuɗ huu mul ma Asirina egesi jivira a ɦasi saɓakŋa kosi kay sun Ziŋ Lonara, Lo ma vi suu Israelna.

JOB 4:4

Boy maŋŋa ɗoɓ suu puk gin gana kolo cocoo. Suu vun givisi tasina aŋ garaɗasi ki lay.

JOB 29:11

Hum suu may suu humunna di ana furira ka kaŋu. Iira ka golonda diki kan lay.

JOB 29:15

An ay ni a ii suu ki dugina, a sem suu ki dalina may.

JOB 29:16

Suu hahawra an ay ni a busiya. Dlara ndi kay koynara an daɓaɗ ki gaw.

JOB 29:21

Suu humun boy mannana ka humum jiviya. Asi hum dlara an daɗta ni u ɗigilla.

SOFONI 3:16

Hu buu namma hin di Yerusalem ana, «Li ndaaɗi, Siyon, ko kok mbuɗ maŋiiɗi.