JOB 32:8 - Boy Lonana

⁸ Na may a gasira huu sa warna ni musukka ɦawaa. Haɗta vi ma Saɓakŋa tak yalna maŋ sana ni ndaɗu.

JOB 32:8 ပူးပေါင်းရင်းမြစ်များ

JOB 38:36

Sa ma ɦal yalna huu lay ma ciw goloŋiina ni gege? Sa ma ɦal mbeleŋŋa huu golok tlekŋana ni ge mayge?

JOB 33:4

Musukka vi Lonara lanni ndaɗu. Yal ma vi sa Saɓakŋa Kom Belna kakan iirira ni namu.

2 TIMOTE 3:16

Magaara vi Londa ɓiiri halaŋŋi nam fo musuk mamba kaɗu, ndaɗ jivi a haɗ gasira kay gaɗ sana takam coomba a nam kak jivi ɗegee.

Magaara JAK Ɓiiriɗta 1:5

Lini sa maa dukugi neemba kaɗi ni nam joɓ Lona kaɗu, nam hin ɦamba. Lona ɦal tlena maŋ suuna halaŋŋi u min mamba jivira.

DI BOLLA 2:26

Na ɗaŋ may Lona va ma sana minimma ni nam ɦamma, yalna, wira u furira. Na may sa ma li dla cora nam tinim a tok yam tlena, nam hin ɦasi ki maŋ sa ma nam minimma. Ndaɗta halaŋ ca ni ŋga tara, hin jak ki ni u semeɗna.

VUN ŊGOLNA 2:6

Kay Yawe ɦal yalna ay ni namu, yal ma wira u gasira cuk ay ki ni funumu.

1 MULINA 3:12

Gola an hin li ni ko ndal aŋ dira na may. An ɦaŋ huu ma wi dlara u yalna, suu ay ki fokoŋ jewna lay, suu hin varak ka ŋgoroŋŋa lay ni sa ma wi dla ko ndal aŋ na kaɗi.

DANYEL 2:21

Nammi sa ma mbuɗ ii lina u dlara halaŋŋa, nam cuk mulina ki kaŋga lay, nam yow mulina kolo lay, nam ɦal yalna maŋ suu wi dlara, nam ɦal wira maŋ suu saa u dlara.

DANYEL 1:17

Doli ɗaŋŋi maŋ gor suu fiɗi asina Lona ɦasi yalna, haɗasi yalna a wi dlara. Maŋ Danyel may ni nam wi u dlara tak taɗ ii suunara, wi u doyra di suunara ki lay.

JOB 35:11

Nam laygi jivi suu yoori suu kay ndaŋgarana. Nam miniygi yal suu layagi suu pii kolona.»

JOB 33:16

Nam mal hum suuna kiyo, neesi kay dlara nam dasira ayra.

1 MULINA 3:28

Suu Israelna halaŋ suu hum dla ɓak ma mulna kaam namma asi li ndaa mulna cocoo kay asi wi ki ana yal ma ka hurum wanna ni ma vi Lonna. Nam ka ɓakŋa ni u ɗegeera.

1 KORINTNA 12:8

Sa maari Musukka ɦam boyna u nera, ma daŋŋa ndaɗ ɦam boyna u wira.

URA TIN AYRA 41:39

Faraw di Yosef ana, «Lona takaŋ tle asina ki maŋ halaŋ. Sa ma daŋ ma neey ma yal ko aŋŋa kaɗi.

URA TIN AYRA 41:38

Faraw di suu mamsina ana, «Hin fay ki sa ma Musukka vi Lona kam ko namma nana su?»

JOB 12:13

Doli ɗi ni wira u saɓakŋa halaŋŋi vi Lona. Gaɗta u neras ni mamsina.

JOB 27:3

Hu li ma an ka musuk iiri tuna, hu li ma musukka vi Lonara ka hu cinin tuna.

1 MULINA 5:9

Lona ɦal yalna u nera maŋ Salomon, nam mbuɗ wi tlena cocoo, ŋgola ko ndal ŋgetl ma doŋ lummana na.

JOB 12:16

Saɓakŋa u yalna ni mamsina. Sa ma viɗ kina u ma viɗim kina halaŋŋi vi Lona.

VUN ŊGOLNA 20:27

Musukka vi sa warnara ni a pindilla vi Yawera. Ndaɗ wi dlara ka huu sana kurufura ki halaŋ.

EZAYI 28:26

Halaŋ ca ni Loomma haɗam yal dla ndaɗta ni namu.