JOB 27:2 - Boy Lonana

² An suu tan u iirira vi Lona ma ka wan ɗegee manda ɗina u sem ma Saɓakŋa ma hinin hu lassa wanna.

JOB 27:2 ပူးပေါင်းရင်းမြစ်များ

JOB 34:5

Job di ana, «Anni ɗegee, Lona ɓalakan ɗegee manda ki ni namu.

2 MULINA 4:27

Tew eg ɦinira tok eg sa ma vi Lonna may ni, ndaɗ vam sem koɗ na ndiŋ ndiŋ. Gehazi ɦuɗ tam ay a dikiɗ kira. Sa ma vi Lonna di ana, «Hiniɗu kay ndaɗ ka ni hu yoora. Yawe ŋgayan dlaaɗ ndaɗta ki irinu, dan boy namma ka ki jewɗi.»

NDUMBA 14:21

Na may ko an ka iiri tew tewra na, bibiŋil Yawera oy ki kay yam ndaŋgara halaŋ,

EZEKIYEL 33:11

Dasi ana Bu Suuna suu tam u iiri mamba. Di ni Bu Suuna Yawe, an furi saɓaki ni kay miɗ ma vi suu li dla cora su? Ni na ɗow ana sa ma li dla cora mbuɗ poy mamba nam kak iiriya, hoŋogi aya hoŋogi ay hin poy magira cora kiyo, agi min a ba tagi ki ni kay mege, agi suu Israelna?

JEREMI 12:16

Lini asi haɗ tuɗta jivira wa ko suu mansina na, suu tasi u sen ana, «Bu Suuna ka iiriya,» ko asi haɗan suu mansina a suu tasi u Baalla na may ni, asi hin cuk ziisi duk suu mansina.

JEREMI 5:2

Asi ɓak coco, «U sem Yawe,» sun masira ki ni ɦawaa.

JEREMI 4:2

Lini ndak suu tak u iirira vi Yawera ni u gasira, ɗegeera u jivira, na ɗaŋŋi njaf suuna hin fi heɓpa u semu. Asi hin fi ŋgara ni umu.

EZAYI 40:27

Agi suu Israelna, agi njaf ma vi Yakobma agi dagi ana, Voɗ maygira tos ki fok Yawe wa, Looygina ka saa kay ɗegee maygiraɗi ni kay mege?

JOB 10:3

Na ni iriŋ jivi kay a lasan nara su? Noy va ma aŋ lam u bik koŋŋa ki su? Hin li kiɗik maŋga ni kay boy ma vi suu dlasi cona na ɗow su?

JOB 9:18

Nam ka hinin a an musuk ki na ndeɗi. Nam hoɓon ki u lassa cocoo.

1 MULINA 18:15

Eli dam ana, «A gasira fok Yawe ma Saɓakŋa Kom Belna, ma an ka sunum, cemi wanna karam gak gak, an min tak tan ki ii Akab.»

1 MULINA 17:1

Eli sa ma ay hu ɦoŋzi ma Tisbena hu mbassa Galaadta mba di mulna Akab ana, «U sem Yawe, Lona vi suu Israelna, ma ka iiri tew tewna, ma an ka sunum wanna, basara hin fok cara ni lo ka siɗi, mbaɗagi ka gi kay ndaŋgaraɗi lay, bay an di an na baɗi.»

2 SAMUEL 2:27

Joab di ana, «U iirira vi Lonara, lini aŋ ɓak ka ginɗi ni suuna hin ka seŋ dikka dik u gorsesinara ki jew vin maɗiiɗi.»

1 SAMUEL 25:34

Gasi daŋ may u saɓakŋa vi Yawe Lona vi suu Israelna ma doron ki a li dla corana, lini ndak mbay gin toŋgo na zak ŋgafanɗi ni tew ha ki ŋgarpiira na ni tlesuu coo sumura eg gulumunnana va ka hin ko Nabalɗi.»

1 SAMUEL 25:26

Cecem wan daŋga ni malanna u saɓakŋa vi Yawena u saɓak maŋ aŋ taŋgana, Yawe ni sa doroŋ ki ana aŋ ci maɗna ɗina, li furira u bik koŋgina. Ko suu babali maŋsina, ko suu min a li dla cora eg malanna wi cecemi dlara li eg Naballa.

1 SAMUEL 20:21

Na ɗaŋŋi an hin sun gogoona ha ana, tuɗ hal mbuurura aya. Lini an di gogoona ana mbuurura ha ka ki egeŋ dayɗi, aŋ yowoɗ aya, aŋ hin hoŋ ay ɗaŋŋi ni aŋ kak na enni ana u saɓakŋa vi Yawena va laŋ kaɗi.

1 SAMUEL 14:45

Suuna di Sol ana, «Na ni Jonatan hin miɗ ki su? Nam sa ma li saɓakŋa coco fok suu Israelna ɦayna? Ni dla cora u saɓakŋa vi Yawena. Tlimiɗ yam na dew lay ni hin ka ndi ki kaŋgaɗi, kay ana nam li dla ndaɗta karam gakŋi u Lona.» Na ɗaŋŋi suuna hin gi Jonatan, nam hin miɗ kaɗi.

1 SAMUEL 14:39

Gasi u saɓakŋa vi Yawena, sa Lona fuurum ma vi suu Israelna, li ni kay dla cora goronna Jonatan laɗta lay ni, na ɗaŋŋi nam hin miɗa.» Duk suuna halaŋŋi sa dew lay ni hoŋom dira kaɗi.

RUT Magaara Njaɗ Dlara vi Rut 3:13

Ndak buu gaa fo maɗiira ki tuwa, lini nam ɗumuk wa ni jivi may, lini nam ka minɗi ni an hin vak may. Yawe ka dukuya ndak buura fo maɗiira ki tuwa.»

JOB 16:11

Lona hinin ki hu duk ko suu dlasi cona, nam zuɗun ha hu duk ko suu co suu ci maɗna asina.

JOB 19:6

May wagi ki ana Lona tinin dla ndaɗta kanni namu. Nam van hu bay mamma ni u tamba.

JOB 23:16

Lona kalan ndaana ki hurun wa. Ma Saɓakŋa van ki kaŋga wa.

JOB 35:2

Ҥay, Job, aŋ tuɗ fok u ɗegee maŋ ndaɗta na gak su? Kay aŋ di ana, «An ki ni ɗegee su Lona.»

JOB 40:8

Aŋ min gasi a bulumun ɓak manna ki su? Aŋ min a tokon dlara ki kan, mbuɗ taŋ ki a sa ma ɗegeena ɗaŋ su?

JOB 9:17

Nam lasan ki ni kay dlara an waɗ uɗ kaɗira. Nam dakan ki ni bay an li vaa.