JOB 2:3 - Boy Lonana

³ Yawe hin joɓom ana, «Aŋ wi saan ma sunda Job wa ɗaŋ su? Sa ma ko ndal nam na ka kay ndaŋgaraɗi. Nammi sa ma ɗili ma ɗegeena, ma li ndaa Lona. Nam ka taɓ tam hu dla coraɗi. Nam coli eŋ hu ɗegee mamba. Aŋ kalan ana an tukumu ni a gaɗta.»

JOB 2:3 ပူးပေါင်းရင်းမြစ်များ

URA TIN AYRA 6:9

Gola ni dlara vi Nowara. Nowa ni sa ma ɗegee ii Lonna. Hu coki ndaɗta ŋgul ka egembi. Nam poy u voɗta vi Lonara, hum um jivi lay.

2 SAMUEL 20:20

Joab hoŋ dira di ana, «Dla cora, dla cora li kanu. Lini an ka tosoɗ ki kaŋga may ɓeŋeɗ ki may.

JOB 1:1

Sana dew ka hu mbassa Ussa. Sem ana Job. Nammi sa ma ɗilina, ɗegee lay. Nam li ndaa Lona, ka taɓ tam hu dlara coraɗi.

JOB 1:11

Aŋ tuk maɗ koŋ baam tlegeyem suu kom asina ki na halaŋ, nam hin ŋguluŋŋi funuŋ gawɗi su?»

JOB 1:6

Buu maa dew ni, suu sunda huulona tuɗ a cuɗ dlaasira ki fok Yawe. Satanna sa ma gaŋawna tuɗ ha dukusi may.

JOB 1:8

Yawe joɓom ana, «Aŋ wan saan ma sunda Joɓ ay su? Sa ma ko nam na ka kay ndaŋgaraɗi. Nammi sa ma ɗili ma ɗegeena. Nam li ndaa Lona ɦay, ka taɓ tam hu dla coraɗi.»

JOB 13:15

Lini Lona can lay ni boy kaɗi, an ka ndak a ba kiɗi. Fokom lay ni an ndak a di ki kay poy manda.

JOB 2:2

Yawe joɓ sa ma gaŋawna ana, «Aŋ col ay ni arage?» Nam hoŋ dira ana, «An col ay ni kay ndaŋgara a poyoɗ yaɗu.»

JOB 2:4

Sa ma gaŋawna hoŋ dira maŋ Yawe ana, «Bakka u bakka kay tlesuu sana fasina halaŋ nam baasi ni kay a suɗ tliw tamba.

JOB 9:17

Nam lasan ki ni kay dlara an waɗ uɗ kaɗira. Nam dakan ki ni bay an li vaa.

JOB 9:20

Lini anni ɗegee lay vunun kaan ɓakŋa kanni namu. An li ka li dla coɗi lay, vunun van u dlara ni namu.

SOOLLA 26:1

Soolla vi David. Mbuɗun ɗegee Yawe, kay poy manda fokoŋ ɗegee, an tin saa manda ni kay Yawe, ka hoŋ daganɗi.

SOOLLA 37:37

Gol taŋ jiviya sa ma ɗegeena, gola sa ma hurum ki jivina, sa ma hal heɓpa njafam hin hin kaa.

SOOLLA 41:12

An wi ki ana aŋ humun wa, aŋ hin suu babali mansina ka a su kanɗi.

VUN ŊGOLNA 11:8

Sa ma ɗegeena suɗ ay ki hu lassa, sa ma dlam cona varak hu balamamu.

VUN ŊGOLNA 13:6

Ko ɗegeera ka njun kay sa ma ɗilina na ni, dla cora ka viɗ sa ma sulukŋa hurum hayna ki may.

VUN ŊGOLNA 14:2

Sa ma poy poyra ɗegeera li ni ndaa Yawe. Sa ma poy poyra cora panni Yawe may.

VUN ŊGOLNA 15:8

Ɓivun ma vi suu dlasi cona ka ii Yawe jiviɗi. Nam tin humummi kay cenda vi suu ɗegeena.

VUN ŊGOLNA 16:17

Voɗta vi suu ɗegeena ka tli hu li ma conaɗi. Sa ma min a gol iiri mamba ni li tam jivi hu poy mamba.

Boy Ma Ayra Ma JAŊ Ɓiirimma 9:3

Yesu hoŋosi dira ana, «Ka kay coombaɗi lay, vi somoyombaɗi lay. Lona lam dla ndaɗta egemmi a tak ki ni saɓak mamma.

FILIPINA 3:12

Va ma an liŋ umma an ka bay fam kon tuwa, an ni bay mbuɗ ki pasiyak tuwa, an tuɗ fokŋi tuɗi na ɗow ɗow kay a fi warak ma an liŋ kamma, ni Yesu Kristu van wa.

Magaara JAK Ɓiiriɗta 1:12

Furira ka kay sa ma kak ɗili hu tuk mambana, kay ŋgoo tukka dagani nam hin fi jumba mulla vi iirira, ni va ma Lona vi vunum kam a ɦam maŋ suu minimma.

1 PIYER 1:7

las ndaɗta ni a tukugi saɓak viigira. Lorra ni vara daɓ kira asi ka yooroɗ u kura kay a mbuɗuɗ eŋe. Na may viigira ni su lorra, lassa lagira ni kay a tukugi ana ndaɗ coli eŋ su. Hu buu ma Yesu hin a mbana wanni hin geleɗegiya, ŋgaagiya, ɦagi ŋgolla.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.