JOB 11:7 - Boy Lonana

⁷ Aŋ ndak a wi zul zul dlara vi Lonara ki bel su? Aŋ ndak a wi daŋ mayra vi ma Saɓakŋa Kom Belna su?

JOB 11:7 ပူးပေါင်းရင်းမြစ်များ

ROMMA 11:33

Ҥizza vi Lonara ŋgolla nera u wiimba zul ɦay. Sa hin ndak a gam u dlaam ndaɗta kina ni gege? Va ma ŋgaamma sa ndak a humum um kina ni gege?

DI BOLLA 3:11

Sana li tlesuu jivina ni hu liisiya liisiya. Nam ɦasi saara wi buurusi ma ha fokŋa hurusi lay. May asi ka wi ŋga buu nammaɗi, kay sa warna ka ndak a wi dlara Lona laɗta col ay hu tin ura day ta ta daɓpara ki belɗi.

SOOLLA 145:3

Yawe nam ŋgol cocoo, ndaki kay a sa ŋgaamu, ŋgol mamba su ki kay suu warna.

EFESNA 3:8

An ni sa ma kaɗaki duk njafna vi suu vi Lonana halaŋ ko ndaɗta na lay ni Lona ɦan a di Boy ma Ayra vi ɦizza bay daɓpa vi Kristu maŋ suu ka njaf suu Juifnaɗina.

EZAYI 40:28

Agi ka wiɗi su? Agi ka humbi su? Lona Yawe ni sa ma li duliyara halaŋŋa nam ka dindin, nam ka loɓbi, ka mbuɗ maŋiɗi lay, sa ma daŋ ma wam neemba ki kaɗi.

SOOLLA 77:19

Aŋ bay u saɓakŋa, weleɗta ɓo lina ki cocoo, ndaŋgara geŋeɗ lay.

JOB 37:23

Ni saɓak ma ay ka ndak a tew egembina. Ŋgol coco u saɓakŋa lay u ɗegeera lay. Nam ka li sa ma ɗegeera ka hurum coconaɗi.

JOB 5:9

Dlara nam laɗta ni ŋgol cocoo. Sa ka ndak a faɗ uɗɗi. Sa ka ndak a ndum dlara mbuɗ mbuɗta nam laɗtaɗi.

1 KORINTNA 2:16

Ko magaara dira na, «Sa ma wi saara vi Bu Suuna ni gege? Sa ma ndak a gaɗamma ni gege?» Aygi may ni ka u saara vi Kristu huruygiya.

1 KORINTNA 2:10

Lona gaygi u ŋgay mamba kini u Musukka. Musukka ndak hal u dla mayra vi Lona ta ŋgay ga dayra ki lay.

MATIYE 11:27

«Tlena halaŋ Bun ɦansina ni konu. Sa ka wi Lonɗi, wammi Bum doy hol. Sa wi Lona kaɗi, wammi Goromma u suu nam hin takasina ki na.

JOB 26:14

Halaŋ ca ni gor sun mamba gorira ɦawa tuwa. Ay wi ni na nde nde ɦawaa. Sa ma ndak a hum u dlaamba ŋgol cocorana ni gege?

JOB 22:12

Lona ha ni ka kolo huulonaɗi su? Gol ciciwra ha kolo kaŋ huulona gige.

JOB 33:12

Gola, ni an ndak di ana boy maŋŋa ni kaboyna. Kay Lona suu sa warna ki ni na day.

JOB 33:13

Aŋ hin yakam ana nam ka hoŋoŋ dira kay joɓ maŋgaɗi ni ana mege?

JOB 36:26

Lona nam ŋgol cocoo. Ay ka ndak a ŋgaambi. Basaɗam ka ndak a ndumbi lay.

JOB 37:5

Lona bay ni u saɓakam halaŋ. Dlaamba mbuɗ mbuɗta ta sa ka ndak a waɗ uɗɗira.

DI BOLLA 7:24

Dlara mbayra halaŋŋi su ki kay saa manda, dla ndaɗta ki zuzul cocoo. Sa ma ndak a waɗ uɗ kina ni gege?

JOB 27:11

An min takagi saɓak ma vi Lonna. An ka ŋgayagi saara vi ma Saɓakŋaɗi lay.

JOB 35:5

Aŋ gol huulona kolo gige. Gol ɗugulla kolo kaŋga gige. Ndaɗ ti mulla kaŋ lay.

JOB 42:3

«Aŋ di ana an ɓalakaŋ dlaaŋga aŋ min a laɗta kiyo.» An ɓak kay dlara an ka waɗ uɗɗira. Ni gasi daŋ may an li ni coo. An ka hum u dla ndaɗtaɗi lay, ka waɗ uɗɗi lay.

SOOLLA 139:6

Wiiŋŋa mbuɗ mbuɗta su ki kanu, ndaɗ ha ki kolo kan day an ndak ka a faɗɗi.

VUN ŊGOLNA 30:4

Sa ma tuɗ ay kolo huulonana ni gege? Sa ma mbay ga col ay kolo huulonana ni gege? Sa ma vi semeɗna kolo hu duk komma ni gege? Sa ma vo yona hu baraw mamma ɦoyna ni gege? Sa namma sem ana mege? Sem goromma ni ana me mayge? Lini aŋ wiya ni dan aya.