JOB 10:9 - Boy Lonana

⁹ Humuŋ gaŋu, aŋ mininni u luɓuna, aŋ kalan ay ki ni duk gugum ndaŋgara ɦawaa.

JOB 10:9 ပူးပေါင်းရင်းမြစ်များ

URA TIN AYRA 2:7

Yawe Lona yow ndaŋgara kom yowni min sana u ndaɗu. Nam hin foom musukka iirira cinimu. Sana hin mbuɗ ki iiriya.

EZAYI 64:8

Yawe mbuɗ yara ta ta a kal ki saɓakiɗi, humuŋ gaŋ kay dla coomira na gak gakgi, na may gol iriŋ ay kami halaŋ, ami ni suu maŋsina.

URA TIN AYRA 3:19

Aŋ hin fi tiiŋŋa ni u zamalla vogoŋu, gak gak aŋ hin hoŋ duk ndaŋgara aŋ mbay ki hura. Gasi aŋŋi ndaŋgara, aŋ hin hoŋ duk ndaŋgara aŋ mbay ki hura.»

DI BOLLA 12:7

Ndaŋgara hoŋ duk ndaraɗ ndaŋgara ndaɗ col ay hura, ŋgussa hoŋ eg Lona ma ɦaɗ ayna may.

JEREMI 18:6

«An ka ndak a lagi agi suu Israelna ko ndal sa min doyogina naɗi su?» Yawe di na. «Agi suu Israelna ni kolo duk kon ko ndal luɓuna duk ko sa min doyogina na.

ROMMA 9:21

Sa ma min doyna ndak a li va ma nam min lam u luɓuna ni namu. U luɓu namma nam ndak a min doy ma saɓakŋa hin min ma ɦawana lay.

EZAYI 45:9

Hahawra ka kay sa warna, nammi doyna ɦawaa, nam ka ndak a ci way u sa ma lammaɗi. Luɓuna ndak joɓ sa ma minimma ana, «Aŋ li na ni mege?» na su? Nam ka ndak di sa ma minimma ana, «Aŋ ka wi mindaɗi,» naɗi lay.

SOOLLA 106:4

Hu li ma humuŋ gaŋ ay kay suu maŋsina wa ni aŋ saa ay kan may Yawe. Aŋ a suɗusi kira ni gol iriŋ ay kan may.

SOOLLA 90:3

Aŋ hoŋ sana ki balamam duk ndaŋgara, kay aŋ di ana, ni goŋ Adamma hin hoŋŋi huwa.

SOOLLA 89:47

Ҥi, Yawe, aŋ ŋgay taŋ ki na gak gakŋi amege? Hin yaaŋga a tuɗ fok na gak gak su?

SOOLLA 25:18

Golon hahaw manda u las manda, bulumun dla coonda ki halaŋ.

SOOLLA 22:15

Saɓak manna ni ko yona na daɓ ki wa, sokon paɗ ki hin liim ki lay. Mukulun mbuɗ ko do dabaŋga na, nam yoo ki hurunu.

JOB 17:14

An di ussa ana, «Ndak hinni bunu.» Maŋ njufulna ana, «Agi hinni sun u wayansina.»

JOB 7:7

Humuŋ mba gaŋ ana iiri manda ni semeɗna ɦawaa. Irin ka hin a wi jivira oloɗi.

2 KORINTNA 4:7

Ami suu ka u begena vi Musukka komina, ami ni ko doy luɓuna na, kay sana wi ki ana saɓak mami ma mbuɗ mbuɗta namma col ay ni ko Lona ka komi amiɗi.

JOB 4:19

Gol ko suu warna suu nam minisi u luɓuna ɦawana su? Mbalata sana ni luɓuna ɦawaa. Nam ndak a ɦadlam ki ni ko ndal pipira ɦawa na.

JOB 7:21

Aŋ min ka a bulumun coonda kiɗi. Aŋ min bulumunda kiɗi ni kay mege? Gola cemi an ka bulum duk ndaŋgara. Aŋ halanni. Ka fan oloɗi.

JOB 10:10

Aŋ emen ay ki ko mbiira na, hin dlayan ki ko mbiira dlayra na may.

JOB 33:6

Gola fok Lona anni sana ko aŋ na may. Lanni u luɓuna may.

JOB 34:15

Tlesuu iirina halaŋ hin miɗ kiyo. Sana hin hoŋ ki ga duk ndaŋgara.

SOOLLA 78:39

Kay nam wi ki ana sa warna ni tliwna ɦawaa, nammi ko semeɗ ma sii ki ka hoŋ ay daganɗina ɦawa na.

SOOLLA 104:29

Aŋ ŋgay taŋ ki wa ni, asi halaŋ mbuɗ ndaana, aŋ tlasi musuk masina, asi miɗa, hoŋ ga duk ndaŋgara.

SOOLLA 103:14

Kay nam wi va ma nam laygi u namma, nam wi ana aygi ni gugum ndaŋgara ɦawaa.

EZAYI 64:7

Na may ni Yawe aŋŋi bumiya, ami ni lubuna ɦawaa, aŋ minimi ni aŋu, ami halaŋŋi sunda aŋ laɗ u bik koŋga.