JOB 1:5 - Boy Lonana

⁵ Hu li ma luuna daɓ ki wa ni, Job yasi ay halaŋ mba li ɓivunna ki kasiya. Nam col kolo maɗii fedet li ɓivun ma ŋgalam ki ŋgalina ki kasi dew dew halaŋ kay nam ɓak tam ana, «Kala goryon li dla cora ŋgul Lona hurusi kurufu wa kala ni, an wiɗi.» Job ka li ɓivun ma namma na tew tew.

JOB 1:5 ပူးပေါင်းရင်းမြစ်များ

JOB 42:8

«Cemi ni agi yowogi bologi mbutlugina na kiɗisiya, gamlagina na kiɗisiya may. Tuɗugi eg saan ma sunda, Job. Lagi ɓivun ma ŋgalam ki ŋgalina kagiya. Saan ma sunda, Job, hin cen kagiya. An ka lagi co ko agi li wandara naɗi ni kamu. Agi suu ɓak ka ki kan u jiviraɗina, lagi ka ko saan ma sunda, Job, lira naɗi.»

URA TIN AYRA 8:20

Nowa min givin ma togolla maŋ Yawe. Nam man duk mburi suu ŋgolona u layagina u njaf tlesuu iirina zeɗ zeɗ tlesuu teteɗna a li ɓivun ma ŋgalam kina maŋ Lona.

JOB 8:4

Lini goryoŋ lam dla cora egem wa ni nam warakasi ni u coosi ndaɗta may.

1 SAMUEL 16:5

Nam hoŋ dira ana, «Gasi an mbay ni kay a li ɓivunna maŋ Yawe. Mbuɗugi tagi ki teteɗ, agi hin mbay u an hu li ma ɓivunna.» Nam mbuɗ Jese u goryom ki teteɗ yasi hu li ma ɓivunna.

EFESNA 6:18

Lagi dla ndaɗta halaŋŋi hu cenda, joɓogi Lona nam njun ugiya, cenegi kay tlena halaŋŋi u minda vi Musukka. Lakagi jek jekee, loɓogiɗi u ndaɗta na gak gak, cenegi kay suu vi Lonna halaŋ.

SUNDA 8:22

Tii taŋ fok Lona kay saa maŋga co ndaɗta, cen Bu Suuna kay nam mba bulumuŋga kiyo.

1 MULINA 21:13

Suu may suu ka wi dlaɗi na mba' lak ay fokom na gay may. Suu ka wi dlaɗi asina gijaŋ a di dlara ki kay Nabot fok suuna di ana, «Nabot ŋgul Lona, ŋgul mulna may.» Asi kalam ki hu ɦoŋzina, tuɗum ha ki doŋ kaana gikim u gogoyra, cam kiyo.

1 MULINA 21:10

Kakam suu ka wi dlaɗina ay fokom na mba' may. Asi di ki kam fok suuna ana, aŋŋi sa ma gam vunna kina. Lona ni mulna, kalagina ha kiyo, gikigina ki u gogoyra, cam kiyo.»

URA TIN AYRA 22:3

Abraham col kolo maɗii feɗet, gan kor mamba, yow suu sun um mba', tay goromma Isaak may. Nam wak gu ma tuɗ li ɓivun ma ŋgalam kina kasiya, tuɗ hu li ma Lona dam kamma kay ɦinira dew.

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

SUNDA 21:26

Vin maɗiira ni Pol yow suu fiɗi asina um yowni tuɗ a dan tasi ki jivi teteɗta. Nam kal hu Ziŋ Lonara kalni dasi ana buu ma dan tara ki jivi teteɗna daɓmi saɓage, ni di ana a li ɓivunna ki kasi dew dew halaŋŋi saɓage?

Boy Ma Ayra Ma LUK Ɓiirimma 18:7

Lona may ni ka njun u suu mam suu tii tasi egem tew tewna naɗi su? Nam vi yam a njunusira su?

Boy Ma Ayra Ma JAŊ Ɓiirimma 11:55

Ni Pakŋa, luu ma vi suu Juifna hin tok a lira. Suu hu mbassa daŋgana mbay ki jew hu Yerusalem a min tasi kay luu namma.

Boy Ma Ayra Ma LUK Ɓiirimma 1:75

A aygi mbuɗ suu ɗegeena fokom gak gak hu iiri mayra hu buuna tew tew.

JEREMI 4:14

Mbus huruk ki u dla cora halaŋ, ndak hin buɗ kiyo Yerusalem. Ndak hin paɗ saara cora ki hurukŋi sabage?

DI BOLLA 9:10

Tlesuu aŋ ndak a lasi u ɓik koŋŋa ni aŋ lasi gaw gaw. Kay ha duk suu miɗina ni yalna sunda u wira wi dlara halaŋ ka oloɗi.

SOOLLA 5:3

Tin humuŋ kay yira an ka yaŋga, mul manna u Loonna, an ceneŋ ha ni aŋu.

JOB 41:25

Hu duliyara halaŋ va ma su kam kaɗi. An lammi ndaa va ka kam na ndeɗi.

JOB 27:10

Nam lay ni ka sa ma furi u dlaŋ ma Saɓakŋaɗi. Ka ndak a joɓom kay dlaɗi lay.»

JOB 2:9

Caamba dam ana, «Aŋ so yaŋ hu ɗegee maŋ ndaɗta na gak gakŋi amege? Mariyaɗ ni ŋgul Lona ŋgulni aŋ miɗ wa ni mariyaɗɗi su?»

JOB 1:11

Aŋ tuk maɗ koŋ baam tlegeyem suu kom asina ki na halaŋ, nam hin ŋguluŋŋi funuŋ gawɗi su?»

NEHEMI 12:30

Muli suu li ɓivunna u suu Levina mbuɗ tasi ki teteɗ, mbuɗ suuna ki teteɗ, vun grekŋa u gulumunna lay.

KALKIRA 19:10

Yawe di Moiz ana, «Tuɗ eg suu Israelna asi li tasi ki teteɗ karami, vinni asi mbus barawi masisina ki may.

KALKIRA 18:12

Jetro, ma kunuŋ Moizna, li ɓivun ma ŋgalam kina, u ɓivun ma daŋŋa maŋ Lona. Aaron u suu ŋgolo suu Israelna halaŋ mba ti fu namma fok Lona u kunuŋ Moizna.

URA TIN AYRA 6:5

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

2 KORINTNA 11:2

An li honira kagiya ni honira vi Lona kay agi ni ko goowayra an ŋgaɓaɗ a ɗumba maŋ sana dew ni Kristu.

1 MULINA 18:31

Nam yow ɦinira na doogo yam mba' u ndum dee suu vi Yakobma halaŋ, ni suu Yawe dasi boyna ka masi ana, «Segi hin mbuɗ ki ana Israelna.»

KALKIRA 24:5

Nam sun gorzoŋii suu Israelna, asi tuɗ li ɓivun ma ŋgalam kina, hin ŋgaɗ gor mbutlina a li ɓivun ma heɓpa maŋ Yawe may.

JOB 1:4

Goryom suu njufiina li luuna vi tasi hu buuna tew tew. Asi gi ŋguyra tuɗ vi tasira ni giya. Gorsesi suu tamagina asi yasi ay ti ni u asi may, ci may ko tasi dew.

JOB 6:14

Noy ndaraŋŋa ki hu li ma nam ka las nana, ni aŋ noy ki ni ma Saɓakŋa.

EZEKIYEL 14:14

Lini suu hindi cana, Nowa, Danyel u Job ka hu mbas ndaɗta lay ni asi hin suɗ ki ni iiri masira doy hol, kayra asi ni suu ɗegeenara. Di ni Bu Suuna, Yawe.