JOB 1:3 - Boy Lonana

³ Timigii mamsina buɓ buɓ kiɗisiya, jamballa buɓ buɓ hindi. Mbutli mam suu zumma fun tasi na, cuɓ cuɓpa na kis kis vadl. Korra kis kis vadl. Suu li sunda vo varamma bolow cocoo. Sa namma ni ŋgol su suu u maɗiinana halaŋ halaŋ.

JOB 1:3 ပူးပေါင်းရင်းမြစ်များ

JOB 29:25

Ana takasi voɗta. An kaki fokosi ni ko nulna na. An ka ɗil ii suu hurusi ki ɓalakina halaŋ.

JOB 42:12

Yawe paɗ vunum ki kay basara wilira vi Jobpa su basa mayra jak ay ki fok jewra. Timigii mamsina na buɓ buɓ doogo yam fiɗi. Jamballa buɓ buɓ karkiya. Mbutligi suu zumma fun tasi cuɓ cuɓpa na buɓ.

SUU KAƁAKŊA 6:3

Hu li ma suu Israelna zaa tlena ki ga wa halaŋŋi suu Madiyanna u suu Amalekŋa u suu ay ŋgoo bagi u maɗiinana mba ndugusi ni na gaw.

NDUMBA 23:7

Balaam di boy ma joɓpa u ndal boyna ana, «Balak mul ma Moabma yan ay u maɗiina day, mul ma Moabma yan ay di ana mbaya, mbay gi vunna maŋ Yakob, mbay baan suu Israelna kiyo.

VUN ŊGOLNA 10:22

Paɗvun ma vi Yawena ndak ɦiz sana, lassa sana lassa ka fam va ay na ndeɗi.

URA TIN AYRA 12:16

Faraw waɗ na ni, vi Abraham jivi cocoo. Nam ɦam timigiina, ɦugunina, mbutlina, ɦam suu sunda u gorɓii suu sunda lay, ɦam korra u jamballa.

URA TIN AYRA 12:5

Abram tay caamba, Sarai, u goŋ wayammana, Lot, umu. Nam yow bege mamma u mborɓii suu nam gususi hu Haranna halaŋ umu. Asi tin irisi a tuɗ hu mbassa Kanaanda. Hu li ma asi tew ki hu mbassa Kanaanda,

URA TIN AYRA 29:1

Yakob tli voɗta tuɗ vi suu hu mbassa u maɗiinara.

URA TIN AYRA 13:6

Ndaŋgara asi cuk kaɗta ndakasi ka a asi cuk hu halaŋgi kay asi zuli cocoo, yoori masisina zuli coco lay.

2 DLAŊ MULINARA 32:29

Nam min ɦoŋzi ŋgolna ki kay yoori mamsina ni na gaw, fi yoorina ay hu cocoo, timigiina, ɦugunina, mbutlugina kay Lona ɦammi ɦiza ŋgol cocora.

2 DLAŊ MULINARA 26:10

Nam min zira fiyekka, duɓ u lina lay ni hu mbas mayra hu fulla ŋgoo bagira nara. Nam vek zulla vo mbona maŋ yoorina cocoo kay yoori mamsina ka hu mbassa gara cocoo. Suu horokom senena u suu lam sun gugutluna kom coco lay. Asi ka kolo kay mbura u sene gugutluna kay asi minni sun baraɗna.

2 MULINA 3:4

Misa, mul ma Moabma, ni sa ma yoorina. Hu basara dew ni nam ɦal taara maŋ suu Israelna, gor timigii suu njufiina buɓ buɓ kis, gamlagina buɓ buɓ kis may, u tlimiɗisira cil barawna hu may maŋ mul ma Israelna.

1 SAMUEL 25:2

Sana dew hu Maon, bege mamba molira ni hu Karmel. Sa namma bege cocoo, timigiina kom buɓ buɓ hindi may, ɦugunina kom buɓ may. Nam ay hu Karmel ni a caw tlimiɗ yoori mamsina kiyo.

SUU KAƁAKŊA 6:5

Asi tum ay ni u yoori masisina halaŋ, ugi mbutluɓ masina lay, suuna mbay ni bolow cocoo ka ndumbi, zulira ko njeena na. Asi u jambal masisina lay ni zuli cocoo. Asi cuk hu mbassa a ɓalakaɗ kira.

URA TIN AYRA 34:23

Yoori masina u bege masira halaŋŋi hin mbuɗ ni maygiɗi su? Laygi u dlara asi daɗta kay a asi lak u aygiya.»

URA TIN AYRA 25:6

Abraham ɦal tlena maŋ goryoŋ boyogom suu hiŋŋa ni hu li ma nam ka u iiri tam tuna, nam dikisi ha ki eg goromma Isaak ha ki ii ma u maɗiina vi mbas ndaɗta na.

SUU KAƁAKŊA 8:10

Zeba u Salmuna ha laki ni hu Karkor u suu duu masisina. Asi halaŋŋi 15.000. Ni suu asgaa suu vi suu may suu u maɗiinana halaŋ halaŋ. Suu casi ay kina ni 120.000 suu wi duuna ɦayna.

SUU KAƁAKŊA 7:12

Suu Madiyanna, suu Amalekŋa u suu ay u maɗiinana halaŋ moli hu li namma ni zuli a su jeena. Sa ka ndak a ndumusi jambal masiraɗi, ndaɗ zuli a su ŋgetl ma doŋ lummana.

1 SAMUEL 27:9

David ci suuna kiyo, ka hin sa njuf iiriɗi lay, caɗi lay, yow tlesuu gorina u suu ŋgolona, korra, jumballa, u barawina lay. Hu hoŋ mamba ayra nam tli ay vo vi Akis.

JOB 1:4

Goryom suu njufiina li luuna vi tasi hu buuna tew tew. Asi gi ŋguyra tuɗ vi tasira ni giya. Gorsesi suu tamagina asi yasi ay ti ni u asi may, ci may ko tasi dew.

JOB 1:10

Aŋ ka njun kam juɓum um u suu mamsina halaŋ u bege mamba bel aŋ paɗ vunuŋ ki kammi ka aŋgi su? Aŋ paɗ vunuŋ ki kay dlara nam laɗta halaŋ. Yoori mamsina zuli hu mbassa tani ni asi halaŋ halaŋ.

JOB 21:28

Kay agi di ana, «Zi ma vi sa ma ɦizi namma ni arage? Mbutluɓ ma suu kulna buu huna li ni nage?»

JOB 31:25

lini an li furira ni kay tlesuu ka kon coco ɦayna, ni kay tlesuu an fasi u bik konna ɦawaa ni,

JOB 31:37

An hin cuɗum dlaanda ki dew dew bel. An ɦuɗ tan ay egem ko eg mulnara na.

JOB 42:10

Yawe hoŋ tlesuu vi Jobma ay halaŋ hu li ma nam ha ki a cen kay ndarayammana. Yawe ɦam tlena ni sesi mba' mba' su mam suu kom jewna.

JEREMI 49:28

Kay Kedar u muli suu Hasor suu Nabukodonosor mul ma Babilonna yowosi ki umma. Yawe ɓak kasi anaba, Cologi kolo tuɗ duurugi Kedar. Cagi suu Kedemma kiyo.

URA TIN AYRA 24:35

Yawe paɗ vunum ki kay sa ŋgol manna cocoo. Nam mbuɗ ndaki ɦay. Yawe ɦam timigiina u mbutlina, doonora u lor, suu sunda njufiina u boyogina, jamballa u korra.

URA TIN AYRA 32:14

Yakob buu ni hu li namma gaw. Nam yow u yoori mamsina nde nde ɦasi maŋ wayamma Ezaw.

2 SAMUEL 12:2

Ma ɦizina timigiina u mbutlina kom cocoo.

2 MULINA 15:20

Manahem fi gursu namma ni u taara nam tiniɗ kay suu Israelnara kay suu ɦizina halaŋ halaŋ, ni kay a ɦal gursu namma maŋ mul ma Asirina. Sa ma garaŋŋa dew ni ɦal sili dok-vadl. Mul ma Asirina hoŋ voo. Nam kak ka hu mbassa Israella gak gakgi.

1 DLAŊ MULINARA 27:30

Kay jamballa ni Obil ma Ismaelna, kay korra ni Yediya ma Meronotna,