Boy Ma Ayra Ma JAŊ Ɓiirimma 9:22 - Boy Lonana

²² Somoyom ɓak na ni kay asi li ndaana ko suu Juifna, kay suu Juifna vi vun tasi ki ana sa ma di ana Yesu ni Sa Lona Fuurumma na, asi dikim ki hu Zira Tokka.

Boy Ma Ayra Ma JAŊ Ɓiirimma 9:22 ပူးပေါင်းရင်းမြစ်များ

VUN ŊGOLNA 29:25

Ndaa ma lam ko sa warnana gun fokoŋŋi dawna. Sa ma hin tam ko Yawena kaki ni u heɓpa.

EZAYI 51:12

Anni sa ma njunugina. Agi li ndaa sa war ma miɗ kina ni kay mege? Goŋ Adamma ni ko ndal ɓo usuna ɦawa na.

EZAYI 51:7

Agi suu wi ɗegeera humungi vunun haa, agi suu kolo huulona suu gaɗ manda ka hurugina, lagi ndaa ko mbeleŋ ma vi suu warnanaɗi, lagi ndaa ko ganyam masiraɗi.

EZAYI 57:11

Fulina ni mege? Agi li ndaana kosi ni kay mege? Agi mbaɗanu, humugi maa ki kan lay. Agi ka lan ndaranɗi ni kay basara ŋgolo an seŋ tan ki, ka di vaɗira su?

Boy Ma Ayra Ma LUK Ɓiirimma 6:22

«Furira ka kagiya, agi suu suuna noyogi kina, ŋgulugi lay, gologi ko suu puluɗina na kay sem Goŋ Sana.

Boy Ma Ayra Ma JAŊ Ɓiirimma 1:19

Gola ni dikira vi Jaŋ ma mbus batemma hu li ma suu Juif suu Yerusalemma sun suu li ɓivunna, u suu Levina ay egemu joɓom ana, «Aŋŋi gege?»

Boy Ma Ayra Ma JAŊ Ɓiirimma 16:2

Asi hin dikigi ki hu Zira Tokka lay. Ni buu maa hin mbaa, suu cagi kina hin saa ana asi li ni sunda vi Lonara hu dla ndaɗta.

Boy Ma Ayra Ma JAŊ Ɓiirimma 19:38

Ŋgoo dagan dla ndaɗta, Yosef sa ma Arimatena joɓ Pilat ana hinim nam tli maɗ Yesu (Yosef ay ni sa haɗina vi Yesu ka gi u tam kiɗi, kay nam li ndaana ko suu Juifna). Pilat hinim ana nam tlamu. Yosef mbay tli maɗ Yesu.

Boy Ma Ayra Ma JAŊ Ɓiirimma 20:19

Fiɗigira Damas ndaɗta may ni, suu haɗina tok tasi hu zira, gi vun goŋga kasiya kayme asi li ndaana ko suu Juifna. Yesu mba col dukusi dasi ana, «Heɓpa ka u agiya.»

Boy Ma Ayra Ma JAŊ Ɓiirimma 7:13

Asi li ndaana ko suu Juifna, ka ɓak ki kam eŋgi.

Boy Ma Ayra Ma JAŊ Ɓiirimma 9:18

Suu Juifna vi ka ana sana wanni ay jew dugiya, cecemmi nam mbuɗ wiya bay yam somoyom ay a joɓosi baɗi.

Boy Ma Ayra Ma JAŊ Ɓiirimma 9:21

Ami wi dla mayra li ana nam mbuɗ wi cecem wanda kaɗi. Ami wi sa malam irim ki wanna kaɗi lay. Joɓogina nam mbuɗ ki sa warna a dagi u tamba.»

Boy Ma Ayra Ma JAŊ Ɓiirimma 9:34

Asi hoŋom dira ana, «Aŋ sa vuɗ ay u cora egeŋŋa paŋa, hin haɗami ni aŋŋa ɗow su?» Asi dikim ay ki hu Zira Tokka.

Boy Ma Ayra Ma JAŊ Ɓiirimma 9:35

Yesu hum ana asi dikim ay ki wa ni, nam ŋgaf u nam dam ana, «Aŋ tin huruŋ kay Goŋ Sanna su?»

SUNDA 4:18

Asi yasi ay yini gaɗasi ana, asi di boy namma ki oloɗi, haɗ sa u sem Yesu oloɗi lay a fafatɗa.

SUNDA 5:13

Sa ma daŋ ma ndak taɓ u asi kaɗi, na lay ni suuna geleɗesi ŋgolo.

SUNDA 5:40

Asi yi suu vovoɗta ay yi ni poŋosi poŋ poŋŋi hinisi asi tuɗa, dasi ana tuɗ dagi boy kay sem Yesu oloɗi kama. Hinisi tani cuk tasi ni na gaw.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.